LIVE TV
ସାଧାରଣତଃ ଚିକେନର ରେସିପି ଖାଇବାକୁ ସମସ୍ତେ ପସନ୍ଦ କରିଥାନ୍ତି । ସେଥିପାଇଁ ଆଜି ଆମେ ଆପଣଙ୍କ ନେଇ ଆସିଛୁ ଚିକେନର ଏକ ନୂଆ ଓ ସୁଆଦିଆ ରେସିପି । ଏହି ରେସିପିର ନାଁ ହେଉଛି ‘ଟମାଟୋ ଚିକେନ୍’ । ଏହି ରେସିପିକୁ ଅତି ସହଜ ଓ ସରଳ ଉପାୟରେ ବନେଇ ପାରିବେ । ତେବେ ଚାଲନ୍ତୁ ଜାଣିବା ଏହାକୁ କିଭଳି ପ୍ରସ୍ତୁତ କରାଯାଏ ।
Also Read
‘ଟମାଟୋ ଚିକେନ୍’ ବନେଇବା ପାଇଁ ସାମଗ୍ରୀ:
ବୋନ୍ଲେସ୍ ଚିକେନ୍, ବଟା ହୋଇଥିବା ପିଆଜ, ରସୁଣ ଓ ଅଦା, ଭୃସଙ୍ଗ ପତ୍ର, ଜିରା ଗୁଣ୍ଡ, ଡାଲଚିନି ଗୁଣ୍ଡ, ଗୋଲମରିଚ ଗୁଣ୍ଡ, ଲବଙ୍ଗ, ହଲଦୀ ଗୁଣ୍ଡ, ଜାଇ ଫଳ ଗୁଣ୍ଡ, ଲଙ୍କା ଗୁଣ୍ଡ, ଗୁଜୁରାତି, ଲୁଣ ଆବଶ୍ୟକ ଅନୁସାରେ ଟମାଟୋ ବଟା ଓ ତେଲ।
ପ୍ରସ୍ତୁତି ପ୍ରଣାଳୀ:
- ପ୍ରଥମେ ଏକ କଡ଼େଇରେ ତେଲ ଗରମ କରନ୍ତୁ।
- ତେଲ ଗରମ ହୋଇଗଲେ ଏଥିରେ ପିଆଜ, ରସୁଣ ଓ ଅଦା ବଟାକୁ ପକାନ୍ତୁ।
- ଏହାପରେ ଏହି ମିଶ୍ରଣକୁ ୧୦ ମିନିଟ୍ ଯାଏ ଭଲ ଭାବେ କଷନ୍ତୁ ।
- ଏହାପରେ ଏଥିରେ ଭୃସଙ୍ଗ ପତ୍ର, ଜିରା ଗୁଣ୍ଡ, ଡାଲଚିନି ଗୁଣ୍ଡ ପକାନ୍ତୁ ।
- ଏହାପରେ ସେଥିରେ ଗୋଲମରିଚ ଗୁଣ୍ଡ, ଲବଙ୍ଗ, ହଲଦୀ ଗୁଣ୍ଡ, ଜାଇ ଫଳ ଗୁଣ୍ଡ, ଲଙ୍କା ଗୁଣ୍ଡ, ଗୁଜୁରାତି ଗୁଣ୍ଡ ଓ ଲୁଣ ପକାନ୍ତୁ। ଏବେ ଏହାକୁ ଆହୁରି ଭଲ ଭାବେ କଷନ୍ତୁ।
- ମସଲା ଟିକେ କଷି ହୋଇଯିବା ପରେ ସେଥିରେ ଚିକେନ୍ ପକାଇ ଦିଅନ୍ତୁ ।
- ଚିକେନ୍ ଟିକେ ସିଝି ଆସିଲେ, ଏଥିରେ ଟମାଟୋ ବଟାକୁ ପକାନ୍ତୁ। ଏବେ ଆଞ୍ଚକୁ ଟିକେ କମ୍ କରି ଏହାକୁ ଘୋଡ଼ାଇ ଦିଅନ୍ତୁ।
- କିଛି ସମୟ ପରେ ଟମାଟୋ ଭଲ ଭାବେ ଚିକେନ୍ ସହ ଗାଳାଇ ଦିଅନ୍ତୁ ।
- ଏହାପରେ ଚିକେନ ମସଲାରେ ମିଶି ଅଲ୍ପ ଲାଲ୍ ହୋଇଯିବ ।
- ଏହାପରେ ସେଥିରେ ଅଳ୍ପ ପାଣି ଦେଇ କିଛି ସମୟ ଫୁଟାନ୍ତୁ।
- ଚିକେନ ସିଝି ଫୁଟିଗଲା ପରେ ଚୁଲିକୁ ବନ୍ଦ କରିଦିଅନ୍ତୁ । ଏହାକୁ ଏକ ପ୍ଲେଟ୍ କୁ କାଢି କଟା ଧନିଆ ପତ୍ର ଓ ଟମାଟୋ ସ୍ଲାଇସ୍ ବା କଟା ଟମାଟୋ ରଖି ସଜେଇ ଦିଅନ୍ତୁ ।
ଏବେ ପ୍ରସ୍ତୁତ ହୋଇଗଲା ସୁଆଦିଆ ‘ଟମାଟୋ ଚିକେନ୍’। ଏହି ରେସିପିକୁ ରୁଟି, ନାନ୍ ଓ ପରଟା ସହ ଖାଇଲେ ବେଶୀ ସୁଆଦିଆ ଲାଗିଥାଏ । ଏହି ରେସିପିଟି ଘରେ ବନେଇ ନିଜେ ଖାଆନ୍ତୁ ଓ ଘର ଲୋକଙ୍କୁ ପରଷନ୍ତୁ ।
'Tamatoo chiken' Recipe
