ବିନା ଓଭେନ୍‌ରେ ଘରେ ପ୍ରସ୍ତୁତ କରନ୍ତୁ 'ପିଜା'

ସାଧାରଣତଃ ପିଜା ସମସ୍ତଙ୍କୁ ଭଲ ଲାଗିଥାଏ । ପିଜା ଆମେ  ସାଧାରଣଧଃ ବାହାରୁ ଅର୍ଡର କରିଥାଉ । କିନ୍ତୁ ଏହାକୁ ଆମେ ଘରେ ବନେଇ ଏହାର ସ୍ୱାଦ ନେଇ ପାରିବା । ଆଜି ଆମେ ଘରେ  ବିନା ଓଭେନରେ ପିଜା ରେସିପି ପ୍ରସ୍ତୁତ କରିବା । ଏହି ରେସିପିଟି ଆପଣ ଅତି ସହଜ ଓ ସରଳ ଭାବରେ ବନେଇ ପାରିବେ । ତେବେ ଚାଲନ୍ତୁ ଜାଣିବା ଏହାକୁ କିଭଳି ପ୍ରସ୍ତୁତ କରାଯାଏ ।

Also Read

ଜାମ୍ମୁ କାଶ୍ମୀରରେ ସଡ଼କ ଦୁର୍ଘଟଣା : ଖାଇକୁ ଖସିଲା ବସ୍, ୮ ମୃତ, ୧୨ ଆହତ

ମନ୍ତ୍ରୀ ଦିବ୍ୟଶଙ୍କରଙ୍କୁ ବାହାର କଲେ ଭାଙ୍ଗିଯିବ ବିଜେଡି ସରକାର: ଦେବାଶିଷ

ମୋଦି ମାନିଆ ବଖାଣିଲେ ନିର୍ବାଚନୀ ରଣନୀତିଜ୍ଞ : ଭ୍ରମରେ ଅଛନ୍ତି ରାହୁଲ, ବିଜେପି ଶକ୍ତି ସମ୍ପର୍କରେ ଅଜ୍ଞ କଂଗ୍ରସ

ପିଜା ବନେଇବା ପାଇଁ ସାମଗ୍ରୀ:

ମଇଦା, ପନିର୍‌, ସୁଇଟ୍‌ କର୍ଣ୍ଣ, ଗ୍ରୀନ୍‌, ରେଡ୍‌ କ୍ୟାପ୍‌ସିକମ୍‌, ଟମାଟୋ, ଲୁଣ, ବେକିଂ ପାଉଡର୍‌, ବେକିଂ ସୋଡ଼ା, ଦହି, ପାଣି, ରିଫାଇନ୍ ତେଲ, ପିଜା ସସ୍‌, କଟା ପିଆଜ,ରେଡ୍‌ ଚିଲି ଫ୍ଲେକ୍ସ, ପିଜା ସିସ୍‌ନିଂ ଏବଂ ଅରେଗାନୋ । ସସ୍ ବନେଇବା ପାଇଁ ସାମଗ୍ରୀ(ଲାଲ୍‌ ଟମାଟୋ, ତେଲ, ପିଆଜ, ରସୁଣ, ଲାଲ୍‌ ଲଙ୍କା, ଅରେଗାନୋ, ଚିନି, ଟମାଟୋ କ୍ୟାଚ୍‌ଅପ୍‌ ଏବଂ ଲୁଣ) ।

ପ୍ରସ୍ତୁତି ପ୍ରଣାଳୀ:

• ପ୍ରଥମେ ଆମେ ପିଜା ପାଇଁ ସସ୍ ପ୍ରସ୍ତୁତ କରିବା ।
• ପ୍ରଥମେ ଚୁଲିରେ କଡ଼େଇ ବସାଇ ସେଥିରେ ତେଲ ଗରମ କରନ୍ତୁ।
• ତେଲ ଗରମ ହେବା ପରେ କଟା ପିଆଜ, ଗୋଟା ରସୁଣ, ଲାଲ୍‌ ଲଙ୍କା, ଅରେଗାନୋ ପକାଇ ଭାଜି ଦିଅନ୍ତୁ।
• ଏହାପରେ ସେଥିରେ କଟା ଟମାଟୋ ପକାଇ ଭଲରେ ଗୋଳାଇ ସିଝିବା ପାଇଁ ଛାଡ଼ି ଦିଅନ୍ତୁ।
• ଏହା ଭଲ ଭାବେ ସିଝି ଗଲା ପରେ ସେଥିରେ ଅଳ୍ପ ଚିନି ପକାଇ ଆଉ କିଛି ସମୟ ଚୁଲିରେ ବସାନ୍ତୁ।
• ଏହାପରେ ସେଥିରେ ଅଳ୍ପ ଟମାଟୋ କ୍ୟାଚ୍‌ଅପ୍‌ ପକାଇ ଏହାକୁ ଥଣ୍ଡା ହେବା ପାଇଁ ଛାଡ଼ି ଦିଅନ୍ତୁ।
• କିଛି ସମୟ ପରେ ଏହାକୁ ଗ୍ରାଇଣ୍ଡ କରନ୍ତୁ,ଏବେ ପ୍ରସ୍ତୁତ ହୋଇଗଲା ପିଜା ସସ୍‌।
• ପ୍ରଥମେ ପିଜାର ବେସ୍‌ ତିଆରି କରିବା ପାଇଁ ଏକ ପାତ୍ରରେ ମଇଦା, ଲୁଣ, ବେକିଂ ପାଉଡର୍‌, ବେକିଂ ସୋଡ଼ା ଏବଂ ଦହି ,ଏବଂ ଅଳ୍ପ ପାଣି ପକାଇ ଭଲରେ ଚକଟି ଦିଅନ୍ତୁ।
• ଏହା ପରେ ସେଥିରେ ଅଳ୍ପ ତେଲ ଦେଇ ପୁଣି ଥରେ ଚକଟି ୧୫ରୁ ୨୦ ମିନିଟ୍‌ ପର୍ଯ୍ୟନ୍ତ ଘୋଡ଼ାଇ ରଖି ଦିଅନ୍ତୁ।
• ଏବେ ପିଜା ବେସ୍‌ ତିଆରି କରିବା ପାଇଁ ଏକ ଥାଳିରେ ତେଲ ଦେଇ ପୂର୍ବରୁ ଚକଟା ମଇଦାକୁ ପିଜା ବେସ୍‌ ଭଳି କରି ସେଥିରେ ରଖନ୍ତୁ।
• ଏହାକୁ ମୋଟା କରି ରୁଟି ଆକାରରେ ବେଲନ୍ତୁ।
• ଏହାପରେ ଏହାର କଡ଼ ଗୁଡ଼ିକୁ କଣ୍ଟା ଚାମଚରେ ପିଜା ବେସ୍‌ରେ ହୋଲ୍‌ କରି ଦିଅନ୍ତୁ ।
• ଏହାପରେ ପିଜା ବେସ୍‌ରେ କଟା ପିଆଜ,ଗ୍ରୀନ୍‌,ରେଡ୍‌ କ୍ୟାପ୍‌ସିକମ୍‌,ପନିର୍‌,ସୁଇଟ୍‌ କର୍ଣ୍ଣ, ଟମାଟୋକୁ ଭଳ ଭାବେ ସାଇଜ୍ କରି  ରଖି ପୁଣି ଥରେ ଚିଜ୍‌ ପକାନ୍ତୁ ।
• ଏହାପରେ ସେଥିରେ ରେଡ୍‌ ଚିଲି ଫ୍ଲେକ୍ସ, ପିଜା ସିସ୍‌ନିଂ, ଅରେଗାନୋ ପକାଇ ସାରିଲା ପରେ ପିଜା କଡ଼ରେ ହାଲ୍‌କାରେ ତେଲ ଲଗାଇ ଦିଅନ୍ତୁ ।
• ଏହାପରେ ଗରମ ହେଇଥିବା କଡ଼େଇରେ ରଖି ଘୋଡ଼ଣୀ ଦେଇ ଦିଅନ୍ତୁ ।
• ଏହାକୁ ଏବେ କମ୍‌ ଆଞ୍ଚରେ ୧୫ ମିନିଟ୍‌ ଯାଏ ଗ୍ୟାସ୍‌ ଉପରେ ରଖନ୍ତୁ।
• ଘୋଡ଼ଣୀ କାଢି ୧୫ ମିନିଟ୍‌ ପରେ ପିଜା ହେଇଛି କି ନାହିଁ ଏହା ଚେକ୍‌ କରି ଦେଖନ୍ତୁ ।
• ଆଉ କିଛି ସମୟ ଏହାକୁ ଚୁଲି ଉପରେ ରଖନ୍ତୁ। ଏହାପରେ ଚୁଲିକୁ ବନ୍ଦ କରି ଦିଅନ୍ତୁ ।

ଏବେ ପ୍ରସ୍ତୁତ ହୋଇଗଲା ସ୍ୱାଦିଷ୍ଟ ‘ପିଜା’। ଏହାକୁ ନିଜ ପସନ୍ଦର ସାଇଜ୍‌ ଅନୁସାରେ କାଟି ନିଜେ ଖାଆନ୍ତୁ ଓ ଘର ଲୋକଙ୍କୁ ପରଷନ୍ତୁ ।

OTV is now on Whatsapp

Join and get latest news update delivered to you via whatsapp

Join Now