LIVE TV
ଚିକେନ୍କୁ ନେଇ ଆଗରୁ ଅନେକ ରେସିପି ପ୍ରସ୍ତୁତ କରିଥାଉ । କିନ୍ତୁ କେବେ ଆପଣ ‘ଖୁଆ ଚିକେନ୍’ ଖାଇଛନ୍ତି କି ? ଆଜି ଆମେ ଆପଣଙ୍କୁ ଦେଶୀ ଶୈଳୀରେ ‘ଖୁଆ ଚିକେନ୍’ ପ୍ରସ୍ତୁତ କରିବା । ଏହି ରେସିପିର ନାଁ ହେଉଛି ‘ଖୁଆ ଚିକେନ୍’ । ଘରେ ଆମେ ଏହି ରେସିପିଟିକୁ ଅତି ସହଜ ଓ ସରଳ ଭାବରେ ବନେଇ ପାରିବା ।
‘ଖୁଆ ଚିକେନ’ ବନେଇବା ପାଇଁ ସାମଗ୍ରୀ:
ଚିକେନ୍, ଦହି, ଖୁଆ, ଶୁଖିଲା ଲଙ୍କା, ଧନିଆ ଏକ ଚାମଚ୍, ଘିଅ, ପାନମଧୁରୀ, ପିଆଜ, କଳା ଜିରା, ଲବଙ୍ଗ, ଡାଳଚିନି, କ୍ୟାପ୍ସିକମ୍, ଅଦା ରସୁଣ ବଟା ଓ ରସୁଣ ।
ପ୍ରସ୍ତୁତି ପ୍ରଣାଳୀ:
- ଖୁଆ ଚିକେନ୍ ପ୍ରସ୍ତୁତ କରିବା ପାଇଁ ପ୍ରଥମେ କଡ଼େଇରେ ତେଲ ଦେଇ ଗରମ କରନ୍ତୁ।
- ତେଲ ଗରମ ହୋଇଗଲା ପରେ ସେଥିରେ ଶୁଖିଲା ଲଙ୍କା ପକାଇ ଫୁଟାନ୍ତୁ ।
- ଏହାପରେ ସେଥିରେ ପାନମଧୁରୀ, ଧନିଆ ଓ କଳାଜିରା ପକାଇ ଅଳ୍ପ ସମୟ ପାଇଁ ଭାଜି ଦିଅନ୍ତୁ ।
- ଏହାପରେ ଚୁଲିକୁ ବନ୍ଦ କରି ଭଜା ହୋଇଥିବା ଗୋଟା ମସଲାରେ ଚିମୁଟାଏ ଲୁଣ ପକାଇ ଗୁଣ୍ଡ କରି ଦିଅନ୍ତୁ ।
- ଚିକେନ୍କୁ ଭଲ କରି ଧୋଇ ଏକ ପାତ୍ରରେ ରଖନ୍ତୁ ।
- ତିଆରି ଗୋଟା ମସଲା, ଦହି, ଖୁଆକୁ ଠିକ୍ ଭାବେ ମିଶାଇ ଦୁଇ ଘଣ୍ଟା ପର୍ଯ୍ୟନ୍ତ ଫ୍ରିଜ୍ରେ ରଖି ଦିଅନ୍ତୁ ।
- ଏହା ମଧ୍ୟରେ କଡ଼େଇ ଗରମ କରି ସେଥିରେ ଘିଅ ପକାନ୍ତୁ।
- ଘିଅ ଗରମ ହେବା ପରେ ଗୋଟା ଡାଲଚିନି ପକାନ୍ତୁ।
- ଏହାପରେ ସେଥିରେ ପିଆଜ ଦେଇ ଲାଲ ହେବା ପର୍ଯ୍ୟନ୍ତ ଭାଜନ୍ତୁ।
- ପିଆଜ କଷି ହୋଇଯିବା ପରେ ଗୋଟା ରସୁଣ କୋଲା ଓ ଅଦା ଓ ରସୁଣ ବଟା, କଟା କ୍ୟାପସିକମ୍ ପକାଇ ୨ ରୁ ୩ ମିନିଟ୍ ଭାଜନ୍ତୁ ।
- ମସଲାରୁ ଭଲ ଭାବେ କଷି ହୋଇଗଲା ପରେ ଗୋଳା ହୋଇ ରହିଥିବା ଚିକେନ୍କୁ ପକାଇ ମିଶାଇ ଦିଅନ୍ତୁ ।
- ଏହାପରେ ଚିକେନରେ ଅଳ୍ପ ପାଣି ଦେଇ ୫ ମିନିଟ୍ ପର୍ଯ୍ୟନ୍ତ କମ୍ ଆଞ୍ଚରେ ବସାନ୍ତୁ।
- ଏହାପରେ ଚିକେନ୍କୁ ଅଧଘଣ୍ଟା ପର୍ଯ୍ୟନ୍ତ କଷନ୍ତୁ ।
- ଏହାପରେ ଚୁଲିକୁ ବନ୍ଦ କରି ଏକ ପ୍ଲେଟ୍ କୁ କାଢି କଟା ଧନିଆ ପତ୍ର ପକାଇ ସଜାଇ ଦିଅନ୍ତୁ ।
ଏବେ ପ୍ରସ୍ତୁତ ହୋଇଗଲା ସ୍ୱାଦିଷ୍ଟ ‘ଖୁଆ ଚିକେନ୍’ । ଏହି ରେସିପିଟି ଘରେ ବନେଇ ନିଜେ ଖାଆନ୍ତୁ ଓ ଘର ଲୋକଙ୍କୁ ପରଷନ୍ତୁ ।
