ରଥଯାତ୍ରାରେ ଘରେ ବନାନ୍ତୁ ଜଗନ୍ନାଥଙ୍କ ପ୍ରିୟ ଭୋଗ ‘ଖଜା’

ଶ୍ରୀ ମନ୍ଦିରରେ ପ୍ରବେଶ କରିବା କ୍ଷଣି ‘ଖଜା’ ଭୋଗର ଆକର୍ଷଣୀୟ ସୁଗନ୍ଧ ଆପଣଙ୍କ ମନକୁ ପ୍ରଫୁଲ୍ଲିତ କରିଦେବ । ଏହି ପବିତ୍ର ରଥଯାତ୍ରା ଉପଲକ୍ଷେ ଆଜି ଆମେ ଘରେ ବନେଇବା ‘ପୁରୀ ଖଜା’ । ଏହାକୁ ଅତି ସହଜ ଓ ସରଳ ଉପାୟରେ ଆପଣ ବନେଇପାରିବେ । ତେବେ ଚାଲନ୍ତୁ ଜାଣିବା ଏହାକୁ କିଭଳି ପ୍ରସ୍ତୁତ କରାଯାଏ ।

Also Read

୧୨୦ କି.ମି. ବେଗରେ ଯାତ୍ରା କରୁଥିଲା ଟ୍ରେନ୍‌, ଟ୍ରାକ୍‌ରୁ ଲକ୍‌ କାଢ଼ିଦେଲେ ଦୁର୍ବୃତ୍ତ...

Read More

ଗୁଜରାଟରେ ଗୁଣ୍ଡିଚା ମନ୍ଦିର ଅଭିମୁଖେ ଗଡ଼ିଲା ତିନି ରଥ

Read More

ଘଣ୍ଟ କାହାଳି ଶବ୍ଦରେ ଦୁଲୁକୁଛି ବଡ଼ ଦାଣ୍ଡ, ଜୟଜଗନ୍ନାଥ ଧ୍ୱନୀରେ କମ୍ପୁଛି ଶ୍ରୀକ୍ଷେତ୍ର

Read More

‘ଖଜା’ ବନେଇବା ପାଇଁ ଆବଶ୍ୟକୀୟ ସାମଗ୍ରୀ:

ମଇଦା, ଚାଉଳ ଗୁଣ୍ଡ, ଗୁଜରାତି ଗୁଣ୍ଡ, ଗୁଆଘିଅ, ଚିନି, ତେଲ

ପ୍ରସ୍ତୁତି ପ୍ରଣାଳୀ

• ପ୍ରଥମେ କିଛି ମଇଦାକୁ ଏକ ପାତ୍ରରେ ନିଅନ୍ତୁ।
• ସେଥିରେ ଅଳ୍ପ ଗୁଆ ଘିଅ ପକାଇ ଖାସ୍ତା ପାଇଁ ଭଲ ଭାବେ ଗୋଳାଇ ଦିଅନ୍ତୁ।
• ଏହାପରେ ତାକୁ ପାଣି ପକାଇ ଚକଟି କିଛି ସମୟ ରଖି ଦିଅନ୍ତୁ।
• ଏହାପରେ ଚାଉଳଗୁଣ୍ଡରେ କିଛି ଗୁଆ ଘିଅ ପକାଇ ଲେୟାର ପ୍ରସ୍ତୁତ କରନ୍ତୁ।
• ପରେ ଚକଟି ରଖିଥିବା ମଇଦାକୁ ରୁଟି ଆକାରେ ବେଲି ଦିଅନ୍ତୁ।
• ଏପରି ୫ଟି ରୁଟି ବେଲି ରଖନ୍ତୁ। ପରେ ରୁଟି ଉପରେ ଲେୟାର ଦେଇ ଗୋଟାଏ ଉପରେ ଗୋଟାଏ ରୁଟି ରଖନ୍ତୁ।
• ଏହାପରେ ରୋଲ ଆକାରରେ ଗୁଡ଼େଇ ଦିଅନ୍ତୁ। ଯେପରି ଏହା ନ ଖୋଲେ।
• ଏହା ପରେ ରୋଲ ଆକାର ଥିବା ମଇଦାଟି ଗୋଟେ ଗୋଟେ ଇଞ୍ଚ ଅନୁପାତରେ କାଟି ଦିଅନ୍ତୁ।
• ଏହାପରେ ଏହାକୁ ଖଜା ଷ୍ଟାଇଲରେ ହାଲକା ଭାବେ ବେଲନ୍ତୁ।
• ଏହାପରେ କରେଇରେ ତେଲ ଗରମ କରନ୍ତୁ। ତେଲ ଗରମ ହୋଇଯିବା ପରେ ଏହାକୁ ହାଲକା ଫ୍ଲେମରେ ଛାଣନ୍ତୁ।
• ଏହା ନାଲି ହୋଇଯିବା ପରେ ତାକୁ ଏକ ପାତ୍ରକୁ କାଢ଼ି ଦିଅନ୍ତୁ।
• ପରେ ଏକ ପାତ୍ରରେ ପାଣି ଗରମ କରନ୍ତୁ। ସେଥିରେ ଚିନି ଓ ଗୁଜରାତି ଗୁଣ୍ଡ ପକାଇ ଶିରା ପ୍ରସ୍ତୁତ କରନ୍ତୁ।
• ଏହି ଶିରାରେ ଛଣା ହୋଇଥିବା ଖଜାକୁ ପକାନ୍ତୁ।
• କିଛି ସମୟ ପରେ ତାକୁ ଉଠାଇ ଦିଅନ୍ତୁ।

ଏବେ ପ୍ରସ୍ତୁତ ହୋଇଗଲା ଜଗନ୍ନାଥଙ୍କ ପ୍ରିୟ ପୁରୀ ଖଜା । ପୁରୀ ଖଜାକୁ ବନେଇ ଘରେ ଜଗନ୍ନାଥଙ୍କୁ ଭୋଗ ଲଗାନ୍ତୁ ।

OTV is now on Whatsapp

Join and get latest news update delivered to you via whatsapp

Join Now