ଘରେ ବନାନ୍ତୁ ‘ଛେଚା ମସଲା ଖାସି ମାଂସ’ ?

କେବେ ଖାଇଛନ୍ତି କି ‘ଛେଚା ମସଲା ଖାସି ମାଂସ’ ?

ପାରମ୍ପରିକ ଖାଦ୍ୟର ସ୍ୱାଦ ନିଆରା । ବିଶେଷ କରି ଆମ ଓଡ଼ିଆ ଘରର ପାରମ୍ପରିକ ଖାଦ୍ୟର ଜବାବ ନାହିଁ । ଆଜି ଆମେ ଆପଣଙ୍କ ପ୍ରସ୍ତୁତ କରିବୁ ଏକ ସୁଆଦିଆ ରେସିପି । ଏହି ରେସିପିର ନାଁ ହେଉଛି ‘ଛେଚା ମସଲା ଖାସି ମାଂସ’ । ଏହି ରେସିପିକୁ ଅତି ସହଜ ଓ ଦେଶୀ ଉପାୟରେ ବନେଇ ପାରିବା ଚାଲନ୍ତୁ ଜାଣିବା ଏହାକୁ କିଭଳି ପ୍ରସ୍ତୁତ କରାଯାଏ ।

ଆପଣ କେବେ ‘ଛେଚା ମସଲା ଖାସି ମାଂସ’ ଖାଇଛନ୍ତି କି ? ଯଦି ଖାଇ ନାହାନ୍ତି, ତାହେଲେ ଆଜି ହିଁ ଘରେ ବନାନ୍ତୁ ‘ଛେଚା ମସଲା ଖାସି ମାଂସ’ । ଏହି ରେସିପିକୁ ବନେଇବା ଅତି ସହଜ । ଏହି ରେସିପିର ବିଶେଷତ୍ୱ ହେଲା ଏହାକୁ ଆମେ ଛେଚା ମସଲାରେ ପ୍ରସ୍ତୁତ କରିବା ଯାହା ସ୍ୱାସ୍ଥ୍ୟ ପାଇଁ ଭଲ ଅଟେ ଓ ପାଟିକୁ ବେଶୀ ସୁଆଦିଆ ଲାଗେ ।

Also Read

ଦଲାଲ୍‌ ମୁକ୍ତ ହେବ RTO: ଏଣିକି ‘No’ ଅଫ୍‌ଲାଇନ୍‌, ‘Only’ ଅନ୍‌ଲାଇନ୍‌

ରାତି ୧୦ରୁ ନାଇଟ୍‌ କର୍ଫ୍ୟୁ: ଜାଣନ୍ତୁ, କେଉଁମାନେ କଟକଣା ମୁକ୍ତ...

ଏମିତି ଗାଁ, ଯିଏ ଆସେ ସେ ଆଉ ଫେରେ ନାହିଁ

‘ଛେଚା ମସଲା ଖାସି ମାଂସ’ ବନେଇବା ପାଇଁ ସାମଗ୍ରୀ:

ଖାସିମାଂସ,କଟା ପିଆଜ,ଧନିଆ ଗୁଣ୍ଡ,ଲଙ୍କା ଗୁଣ୍ଡ,ହଳଦୀ ଗୁଣ୍ଡ,ଗୋଟା ମସଲା(ଶୁଖିଲା ଲଙ୍କା,ଗୁଜୁରାତି,ଡାଲଚିନି )ଅଦା,ରସୁଣ,କଞ୍ଚାଲଙ୍କା,ଧନିଆ ପତ୍ର, କଟା ଟମାଟୋ,ରିଫାଇନ୍ ତେଲ ଓ ସ୍ୱାଦନୁସାରେ ଲୁଣ

ପ୍ରସ୍ତୁତି ପ୍ରଣାଳୀ:

ପ୍ରଥମେ ଅଦା,ରସୁଣ,କଞ୍ଚାଲଙ୍କା,ଧନିଆ ପତ୍ରକୁ ଭଲ ଭାବେ ଛେଚି ରଖନ୍ତୁ ।
ଖାସି ମାଂସରେ ହଳଦୀ ଗୁଣ୍ଡ ଓ ରିଫାଇନ ତେଲ ପକାଇ ଭଲ ଭାବେ ମ୍ୟାରିନେଟ୍ କରନ୍ତୁ ।
ଚୁଲିରେ କଡେଇ ବସାଇ ତେଲ ପକାନ୍ତୁ ।
ତେଲ ଗରମ ହୋଇଗଲା ପରେ କଡେଇରେ ମ୍ୟାରିନେଟ୍ ମାଂସକୁ ପକେଇ ଭଲ ଭାବେ ଗୋଳାଇ ଦିଅନ୍ତୁ
ଏହାପରେ ମ୍ୟାରିନେଟ୍ ମାଂସ ଓ ମସଲାକୁ ୧୦ରୁ ୧୫ ମିନିଟ୍ ପର୍ଯ୍ୟନ୍ତ ଘୋଡ଼ାଇ ରଖନ୍ତୁ ।
କିଛି ସମୟ ପରେ ଘୋଡଣୀ ବାହାର କରି କଟା ପିଆଜ,ସ୍ୱାଦନୁସାରେ ଲୁଣ,ଧନିଆ ଗୁଣ୍ଡ, ଗୋଟା ମସଲା,ଶୁଖିଲା ଲଙ୍କା,ଗୁଜୁରାତି,ଡାଲଚିନି ଓ କଟା ଟମାଟୋ ପକେଇ ଗାଳାଇ ଦିଅନ୍ତୁ ।
କିଛି ସମୟ ପରେ ମାଂସରେ ଛେଚା ମସଲା ଓ ଲଙ୍କା ଗୁଣ୍ଡ ପକାଇ ଘୋଡ଼ଣୀ ଘୋଡ଼ଣୀ ଦିଅନ୍ତୁ ।
ଏହାପରେ ଏହାକୁ ୪୦ରୁ ୪୫ ମିନିଟ ପର୍ଯ୍ୟନ୍ତ ମାଂସ ସିଝିବା ପାଇଁ ଛାଡି ଦିଅନ୍ତୁ ।
ଏହାପରେ ଚୁଲିକୁ ବନ୍ଦ କରି ଦିଅନ୍ତୁ ।
ଏହାକୁ ଏକ ପ୍ଲେଟକୁ କାଢି କଟା ଧନିଆ ପତ୍ର ପକାଇ ସଜେଇ ଦିଅନ୍ତୁ ।

ଏବେ ପ୍ରସ୍ତୁତ ହୋଇଗଲା ଆମ ଓଡ଼ିଆ ଘରର ପାରମ୍ପରିକ ରେସିପି ‘ଛେଚା ମସଲା ଖାସି ମାଂସ’ । ଏହି ରେସିପିକୁ ଗରମ ଗରମ ଭାତ କିମ୍ବା ରୁଟି ସହିତ ଖାଇଲେ ବେଶୀ ସୁଆଦିଆ ଲାଗିଥାଏ । ଏହି ରେସିପିଟିକୁ ଘରେ ବନେଇ ନିଜେ ଖାଆନ୍ତୁ ଓ ଘର ଲୋକଙ୍କୁ ପରଷନ୍ତୁ ।