ସକାଳ ଜଳଖିଆରେ ବନାନ୍ତୁ ‘କଞ୍ଚା କଦଳୀ ପୁରି’

ସକାଳ ହେଲେ ଘରେ ଜଳଖିଆ ପାଇଁ ପ୍ରସ୍ତୁତି ଚାଲେ । ତେବେ ସବୁବେଳେ ଏକା ପ୍ରକାର ଜଳଖିଆ ଖାଇ ବୋର୍ ଲାଗିଲାଣି କି ? ତାହେଲେ ଡେରି ନକରି ଆଜି ହିଁ ଘରେ ବନାନ୍ତୁ ସୁଆଦିଆ ‘କଞ୍ଚା କଦଳୀ ପୁରୀ’ । ଏହି ରେସିପିଟି ଘରେ ଅତି ସହଜ ଓ ସରଳ ଉପାୟରେ ବନେଇ ପାରିବେ ।

ଆପଣ ଜଳଖିଆରେ ବିଭିନ୍ନ ରେସିପି ପ୍ରସ୍ତୁତ କରିଥାନ୍ତି । ସାଧାରଣତଃ ଘରେ ମହିଳାମାନେ ସକାଳ ଜଳଖିଆରେ କଣ ବନେଇବେ ଏଥିପାଇଁ ଚିନ୍ତିତ ଥାନ୍ତି। ତାହେଲେ ହୋଇଯାଆନ୍ତୁ ଚିନ୍ତା ମୁକ୍ତ । ଆଜି ହଁ ଘରେ ବନାନ୍ତୁ ‘କଞ୍ଚା କଦଳୀ ପୁରି’ । ତେବେ ଚାଲନ୍ତୁ ଜାଣିବା ଏହାକୁ କିଭଳି ପ୍ରସ୍ତୁତ କରାଯାଏ ।

Also Read

ଆଜିଠୁ କମିବ ଶୀତ, ୩ରୁ ବର୍ଷା !

ସକାଳୁ କଫି ପିଇବା ଆମ ସ୍ୱାସ୍ଥ୍ୟ ପାଇଁ କେତେ ଉପକାରୀ, ଜାଣନ୍ତି କି ?

ଭୟଙ୍କର ସଡ଼କ ଦୁର୍ଘଟଣା: ରାସ୍ତାକଡ଼ରେ ଛିଡ଼ା ହୋଇଥିବା ଲୋକଙ୍କ ଉପରେ ଚଢ଼ିଗଲା ବସ୍‌, ୬ ମୃତ

‘କଞ୍ଚା କଦଳୀ ପୁରି’ ବନେଇବା ପାଇଁ ଆବଶ୍ୟକ ସାମଗ୍ରୀ:

ଅଟା, ଜୁଆଣି, କଞ୍ଚା କଦଳୀ, ଲୁଣ ଓ ରିଫାଇନ୍‌ ତେଲ।

ପ୍ରସ୍ତୁତି ପ୍ରଣାଳୀ:

ପ୍ରଥମେ ଚୁଲିରେ କଡ଼େଇ ବସାଇ ଅଳ ପାଣି ଦିଅନ୍ତୁ
ପାଣି ଗରମ ହୋଇଗଲେ କଞ୍ଚା କଦଳୀଗୁଡ଼ିକୁ ସିଝେଇ ଦିଅନ୍ତୁ।
ଏହାପରେ ଚୋପା ଛଡ଼ାଇ ଏହାକୁ ଭଲ ଭାବେ ଚକଟି ଦିଅନ୍ତୁ।
ବର୍ତ୍ତମାନ ଏକ ପାତ୍ରରେ ଅଟା, ଲୁଣ, ଅଳ୍ପ ଜୁଆଣି ଓ ଚକଟା ହୋଇଥିବା କଦଳୀ ପକାଇ ଭଲ ଭାବେ ଚକଟନ୍ତୁ।
ଭଲ ଭାବେ ଚକଟିବା ପରେ ଏକ ଓଦା କପଡ଼ାରେ କିଛି ସମୟ ଗୁଡ଼ାଇ ରଖି ଦିଅନ୍ତୁ।
ଅଧଘଣ୍ଟା ପରେ ଏହାକୁ ନେଇ ଛୋଟ ଛୋଟ ଗୁଳା କରନ୍ତୁ।
ଏବେ ଏଗୁଡ଼ିକୁ ପୁରି ଆକାରରେ ବେଲି ଦିଅନ୍ତୁ
କଡେଇରେତେଲ ପକାଇ ଗରମ କରନ୍ତୁ ।
ତେଲ ଗରମ ହୋଇଗଲା ପରେ ପୁରି ଗୁଡିକ ତେଲରେ ଛାଣି ଦିଅନ୍ତୁ।
ଏହାପରେ ଚୁଲିକୁ ବନ୍ଦ କରି ପୁରୀ ଗୁଡିକ ଏକ ପ୍ଲଟେରେ ସଜେଇ ରଖନ୍ତୁ ।

ଏବେ ପ୍ରସ୍ତୁତ ହୋଇଗଲା ଗରମାଗରମ ‘କଞ୍ଚା କଦଳୀ ପୁରି’। ଏହାକୁ ନିଜ ମନପସନ୍ଦର ତରକାରି କିମ୍ବା ଭଜା ଲଗାଇ ଖାଆନ୍ତୁ। ଏହା ଛଡ଼ା ଏହାକୁ କୈଣସୀ ଚଟଣୀ ସହିତ ଖାଇଲେ ବେଶୀ ସୁଆଦିଆ ଲାଗିଥାଏ । ଏହି ରେସିପିଟିକୁ ଘରେ ବନେଇ ନିଜେ ଖଆନ୍ତୁ ଓ ଘର ଲୋକଙ୍କୁ ପରଷନ୍ତୁ ।