LIVE TV
ଘରେ ଆମେ ମାଛର ବିଭିନ୍ନ ରେସିପି ତିଆରି କରିଥାଉ । କିନ୍ତୁ କେବେ ଆପଣ ମାଛ ଓ ଅଣ୍ଡା ମିଶେଇ ରେସିପି ପ୍ରସ୍ତୁତ କରିଛନ୍ତି କି ? ଆଜି ଆମେ ସେହିଭଳି ଏକ ଦେଶୀ ରେସିପି ପ୍ରସ୍ତୁତ କରିବୁ । ଆଜି ଆମେ ଆପଣଙ୍କ ପାଇଁ ବନେଇବୁ 'ମାଛମୁଣ୍ଡ ଅଣ୍ଡା କଷା' । ଏହି ରେସିପିଟି ଆମ ଓଡ଼ିଆ ଘରର ଏକ ପାରମ୍ପରିକ ଓ ଦେଶୀ ରେସିପି ଅଟେ । ଆପଣ ମଧ୍ୟ ଜାଣିବାକୁ ବହୁତ ଇଛୁକ ଥିବେ ଯେ ଏହଆକୁ କିଭଳି ପ୍ରସ୍ତୁତ କରାଯାଏ । ତେବେ ଚାଲନ୍ତୁ ଜାଣିବା ଏହାକୁ କିଭଳି ପ୍ରସ୍ତୁତ କରାଯାଏ ।
Also Read
'ମାଛମୁଣ୍ଡ ଅଣ୍ଡା କଷା' ବନେଇବା ପାଇଁ ସାମଗ୍ରୀ:
ପ୍ରସ୍ତୁତି ପ୍ରଣାଳୀ:
- ପ୍ରଥମେ ମାଛମୁଣ୍ଡକୁ ପାଣିରେ ଭଲ ଭାବେ ଧୋଇ ଦିଅନ୍ତୁ ।
- ଏହାପରେ ମାଛ ମୁଣ୍ଡରେ ଲୁଣ ଓ ହଳଦୀ ପକାଇ ଭଲ ଭାବେ ଗୋଳାଇ ଦିଅନ୍ତୁ ।
- ଏହାପରେ ଚୁଲିରେ କଡାଇ ବସାଇ ତେଲ ପକାନ୍ତୁ ।
- ତେଲ ଗରମ ହୋଇଗଲା ପରେ ମାଛ ମୁଣ୍ଡକୁ ପକାଇ ଭାଜନ୍ତୁ ।
- ମାଛ ଭାଜି ହୋଇଗଲା ପରେ ପ୍ଲେଟ୍କୁ କାଢି ଦିଅନ୍ତୁ ।
- ଏହାପରେ କଡେଇରେ ଅଳ୍ପ ତେଲ ଦେଇ ସେଥିରେ ୨ଟି ତେଜପତ୍ର ଓ ଅଧା ଚାମଚ ଚିନି ପକାନ୍ତୁ ।
- ଏହାପରେ ତେଲରେ ପିଆଜ ବଟା,ରସୁଣ ବଟା ପକାଇ କଷନ୍ତୁ ।
- ଏହାପରେ ଏସବୁ କଷି ହୋଇଗଲା ପରେ ଟମାଟୋ,ଶୁଖିଲା ଲଙ୍କା ବଟା,ହଳଗୀ ଗୁଣ୍ଡ ଓ ଲୁଣ ପକାଇ ମସଲାକୁ ଭଲ ଭାବେ ଗୋଳାଇ କଷନ୍ତୁ ।
- ଏହାପରେ ଏଥିରେ ଭଜା ମାଛ ମୁଣ୍ଡକୁ ପକାଇ ଅଳ୍ପ ପାଣି ଦିଅନ୍ତୁ ।
- ମାଛ ମୁଣ୍ଡ ଓ ମସଲାକୁ ୪ରୁ ୫ ମିନିଟ୍ କଷି ସାରିଲା ପରେ ସେଥିରେ ୨ଟି କଞ୍ଚା ଅଣ୍ଡାକୁ ଭାଙ୍ଗି ପକାଇ ଗୋଳାଇ ଦିଅନ୍ତୁ ।
- ଏହାପରେ ଏହାକୁ ଭଲ ଭାବେ କଷି ସେଥିରେ କଟା ଧନିଆ ପତ୍ର ଓ ଗରମ ମସଲା ପକାଇ ଚୁଲିକୁ ବନ୍ଦ କରି ଦିଅନ୍ତୁ ।
ଏବେ ପ୍ରସ୍ତୁତ ହୋଇଗଲା ସୁଆଦିଆ 'ମାଛମୁଣ୍ଡ ଅଣ୍ଡା କଷା' । ଏହି ରେସିପିଟିକୁ ଗରମ ଭାତ କିମ୍ବା ଫ୍ରାଏଡ୍ ରାଇସ୍ ସହିତ ଖାଇଲେ ବେଶୀ ସୁଆଦିଆ ଲାଗିଥାଏ । ଏହି ରେସିପିଟି ଆପଣ ଘରେ ବନେଇ ନିଜେ ଖାଆନ୍ତୁ ଓ ଘର ଲୋକଙ୍କୁ ପରଷନ୍ତୁ ।
'ମାଛ ମୁଣ୍ଡ ଅଣ୍ଡା କଷା'
