ଘରେ ତିଆରି କରନ୍ତୁ ବଜାର ପରି ମିଳୁଥିବା ‘ସ୍ପ୍ରିଙ୍ଗ୍ ରୋଲ୍’

ଆପଣ ବଜାର ପରି ସ୍ପ୍ରିଙ୍ଗ୍‌ ରୋଲ୍‌ ଖାଈବାକୁ ଚାହୁଁଛନ୍ତି କି ? ଆଜି ଆମେ ଆପଣଙ୍କ ପାଇଁ ପ୍ରସ୍ତୁତ କରିବୁ ବଜାର ପରି 'ସ୍ପ୍ରିଙ୍ଗ୍‌ ରୋଲ୍‌'।  ତେବେ ଚାଲନ୍ତୁ ଜାଣିବା ଏହାକୁ କିଭଳି ପ୍ରସ୍ତୁତ କରାଯାଏ ।

ସ୍ପ୍ରିଙ୍ଗ୍‌ ରୋଲ୍‌ ବନେଇବା ପାଇଁ ସାମଗ୍ରୀ:

ମଇଦା, କର୍ଣ୍ଣଫ୍ଲୋର୍‌, ଲୁଣ, ତେଲ ଏବଂ ପାଣି

ପ୍ରସ୍ତୁତି ପ୍ରଣାଳୀ:

• ରୋଲ୍‌ର ସିଟ୍‌ ତିଆରି କରିବା ପାଇଁ ପ୍ରଥମେ ଏକ ପାତ୍ରରେ ମଇଦା, କର୍ଣ୍ଣଫ୍ଲୋର୍‌, ଲୁଣ ନେଇ ଏହାକୁ ଭଲ କରି ଗୋଳାଇ ଦିଅନ୍ତୁ।
• ଏହାପରେ ସେଥିରେ ଅଳ୍ପ ଅଳ୍ପ ପାଣି ଦେଇ ଅଟା ଚକଟିଲା ପରି ଚକଟି ଦିଅନ୍ତୁ। ଏହା ପରେ ସେଥିରେ ଅଳ୍ପ ତେଲ ଦେଇ ପୁଣି ଚକଟି ଦିଅନ୍ତୁ।
• ଏହାକୁ ଏବେ ୧୫ରୁ ୨୦ ମିନିଟ୍‌ ପର୍ଯ୍ୟନ୍ତ ଘୋଡ଼ାଇ ରଖି ଦିଅନ୍ତୁ।
• କିଛି ସମୟ ପରେ ରୁଟି କଲା ପରି ଛୋଟ ଛୋଟ ଗୋଲ୍‌ କରି ବେଲି ଦିଅନ୍ତୁ।
• ଏମିତି ଅନ୍ୟ ସବୁକୁ ମଧ୍ୟ ଛୋଟ ଛୋଟ ପତଳା କରି ବେଲି ଦିଅନ୍ତୁ।
• ଏହା ପରେ ବେଲି ଥିବା ରୋଲ୍‌ ସିଟ୍‌କୁ ଗୋଟେ ଉପରେ ଗୋଟେ ରଖି ତିନୋଟି କିମ୍ବା ଚାରୋଟି ରଖି ପାରିବେ। ଏହାକୁ ରଖିଲା ପରେ ସିଟ୍‌ ଭିତରେ ଅଳ୍ପ ଅଳ୍ପ ମଇଦା ଦେଇଥିବେ।
• ଏହା ପରେ ସିଟ୍‌ଗୁଡ଼ିକୁ ଏହା ସହ ମିଶାଇ ଆଉ ଥରେ ବେଲନ୍ତୁ।
• ଏହା ବେଲି ଏକ ବଡ଼ ରୁଟିର ଆକାର ଦିଅନ୍ତୁ।
• ଏହା ପରେ ରୋଲ୍‌ ସିଟ୍‌କୁ ତାୱାରେ ସେକନ୍ତୁ।
• ତାୱାକୁ ଅଧିକା ଗରମ କରନ୍ତୁ ନାହିଁ। ରୋଲ୍‌ ସିଟ୍‌କୁ ମଧ୍ୟ ଆପଣ ଅଧିକା ସେକିବେ ନାହିଁ।
• ବିନା ତେଲରେ ଏହାକୁ ସେକି ସାରିଲା ପରେ ଏକ ପାତ୍ରକୁ କାଢ଼ି ଦିଅନ୍ତୁ।
• ରୋଲ୍ ସିଟ୍‌ ଥଣ୍ଡା ହେଲା ପରେ ଚାରି ପାଖକୁ ସାଇଜ୍‌ କରି କାଟି ଦିଅନ୍ତୁ।
• ଏହା ପରେ ଆମେ ଉପରେ ପରସ୍ତ ଦେଇ ସେକିଥିବା ସିଟ୍‌କୁ ଏବେ ଧିରେ ଧିରେ ଛଡ଼ାନ୍ତୁ।
• ଏହିପରି ଭାବେ ଅନ୍ୟ ସବୁକୁ ମଧ୍ୟ ବାହାର କରି ଏକ ପାତ୍ରରେ ରଖନ୍ତୁ।

ଏବେ ପ୍ରସ୍ତୁତ ହୋଇଗଲା ସୁଆଦିଆ ‘ସ୍ପ୍ରିଙ୍ଗ୍‌ ରୋଲ୍‌’ । ଏହି ‘ସ୍ପ୍ରିଙ୍ଗ୍ ରୋଲ୍’ ରେସିପି ସହିତ ସସ୍ କିମ୍ବା ପୋଦିନା ଚଟଣୀ ସହିତ ଖାଇଲେ ବେଶୀ ସୁଆଦିଆ ଲାଗିଥାଏ ।

'spring roll