LIVE TV
ଆପଣ ମଟନର ବିଭିନ୍ନ ରେସିପି ଖାଇଥିବେ । କିନ୍ତୁ ଆପଣ କେବେ ‘ଗୋଟା ମସଲା ମଟନ୍ କଷା’ର ରେସିପି ଖାଇଛନ୍ତି କି ? ଆଜି ଆମେ ଆପଣଙ୍କ ପାଇଁ ‘ଗୋଟା ମସଲା ମଟନ୍ କଷା’ର ରେସିପି ପ୍ରସ୍ତୁତ କରିବୁ ।
Also Read
‘ଗୋଟା ମସଲା ମଟନ୍ କଷା’ ବନେଇବା ଆବଶ୍ୟକ ସାମଗ୍ରୀ:
ଖାସି ମାଂସ, ଶୁଖିଲା ନଡ଼ିଆ, ଡାଲଚିନି, ଗୁଜୁରାତି, ଗୋଲ ମରିଚ, ଲବଙ୍ଗ, ଜିରା, ପିଆଜ, ଟମାଟୋ ପ୍ୟୁରି, ବସାଦହି, ଅଦାରସୁଣ ବଟା, ଧନିଆ ପତ୍ର, ଲଙ୍କା ଗୁଣ୍ଡ, ହଳଦୀ ଗୁଣ୍ଡ, ଲୁଣ ଓ ତେଲ।
ପ୍ରସ୍ତୁତି ପ୍ରଣାଳୀ:
- ପ୍ରଥମେ ଖାସି ମାଂସରେ ଲୁଣ ଓ ହଳଦୀ ଦେଇ ଭଲ ଭାବେ ଗୋଳାଇ ଦିଅନ୍ତୁ।
- ଏହାପରେ ଶୁଖିଲା ନଡ଼ିଆ, ଡାଲଚିନି, ଗୁଜୁରାତି, ଗୋଲ ମରିଚ, ଲବଙ୍ଗ, ଜିରା ଓ ପିଆଜକୁ ଭାଜି ସେଥିରେ ଧନିଆ ପତ୍ର ମିଶାଇ କୁଟି ରଖନ୍ତୁ।
- ଏବେ କଡ଼େଇରେ ତେଲ ଗରମ କରି ପ୍ରଥମେ ଲଙ୍କାଗୁଣ୍ଡ ଓ ଟମାଟୋ ପ୍ୟୁରି ପକାନ୍ତୁ। ତା’ପରେ ବସାଦହି ଓ ଅଦାରସୁଣ ବଟା ପକାଇ କଷନ୍ତୁ।
- ମସଲା କଷିହେବା ପରେ ସେଥିରେ ହଳଦୀ ଗୁଣ୍ଡ ଓ ଲୁଣ ପକାନ୍ତୁ। ପରେ ଏଥିରେ ପ୍ରସ୍ତୁତ ଗୋଟା ମସଲା ପକାଇ କଷନ୍ତୁ।
- ମସଲା ଭଲଭାବେ କଷି ହୋଇଗଲା ପରେ ମାଂସକୁ ପକାଇ ଭଲ ଭାବେ ଗୋଳାଇ ଘୋଡ଼ଣୀ ଦେଇଦିଅନ୍ତୁ। ମଝିରେ ମଝିରେ ଘୋଡ଼ଣୀ ଖୋଲି ମାଂସକୁ ଚଲାନ୍ତୁ।
- ମାଂସ ଅଳ୍ପ ସିଝି ଆସିଲେ ସେଥିରେ ଆବଶ୍ୟକ ଅନୁଯାୟୀ ପାଣି ଦେଇ ପୁଣି ଘୋଡ଼ାଇ ଦିଅନ୍ତୁ।
- ପାଣି ଦେଲା ବେଳେ ଟିକେ ଧ୍ୟାନ ଦେବେ। କାରଣ ଏଥିରେ ଝୋଳ ରହିବ ନାହିଁ।
- ପ୍ରାୟ ୪୦ରୁ ୫୦ ମିନିଟ୍ ପରେ ପ୍ରସ୍ତୁତ ହୋଇଯିବ ‘ଗୋଟା ମସଲା ମାଂସ କଷା’।
- ଏହାପରେ ଚୁଲିକୁ ବନ୍ଦ କରି ଦିଅନ୍ତୁ । ଏହାପରେ ଏକ ପ୍ଲେଟକୁ କାଢି ଧନିଆ ପତ୍ର ପକାଇ ସଜାଇ ଦିଅନ୍ତୁ ।
ଏହି ରେସିପିକୁ ରୁଟି କିମ୍ବା ଭାତ ସହ ଖାଇଲେ ବେଶୀ ସୁଆଦିଆ ଲାଗିଥାଏ । ଏହି ରେସିପିଟିକୁ ଘରେ ବନେଇ ନିଜେ ଖଆନ୍ତୁ ଓ ଘର ଲୋକଙ୍କୁ ପରଷନ୍ତୁ ।
