LIVE TV
ମେ’୭...ବିଶ୍ୱ ହସ ଦିବସ । ସେଇଥି ଲାଗି ତ ପାର୍କରେ ସବୁ ପ୍ରସ୍ତୁତି ହୋଇଛି । ଏକାଠି ହୋଇଛନ୍ତି ସ୍ଥାନୀୟ ଅଂଚଳର କିଛି ଲୋକେ । ବ୍ୟାୟାମ୍ କରିବା ସହିତ ସାଙ୍ଗ ହୋଇ ସମସ୍ତେ ହସିଥିଲେ । ଏମିତି ଦୃଶ୍ୟ ଦେଖିବାକୁ ମିଳିଛି କୋରାପୁଟ୍ ସହର ଚନ୍ଦନ ପୋଖରୀ ଅଂଚଳରେ ।
ଆଜିକାଲି ଲୋକଙ୍କର ବ୍ୟସ୍ତବହୁଳ ଜୀବନ ଭିତରେ ଟିକିଏ କାହା ସହିତ କଥା ହେବା ପାଇଁ ସମୟ ନାହିଁ । ସ୍ଥିତି ଏମିତି ହେଲାଣି ଯେ ମନଖୋଲି ହସିବା ପାଇଁ ଲୋକେ ଭୁଲିଗଲେଣି । ଅନେକ ଜାଣି ବି ନାହାନ୍ତି କି ହସିବା ଦ୍ୱାରା ଅନେକ ସମସ୍ୟାର ସମାଧାନ ହୁଏ, ଅନେକ ସକରାତ୍ମକ ପ୍ରଭାବ ବି ପଡ଼େ । ବଞ୍ଚିବାକୁ ହେଲେ ମାନସିକ ଶାନ୍ତି ନିହାତି ଦରକାର । ମନର ଚାପ, ଦୁଃଖ, ଅବସାଦ ଦୂର ପାଇଁ ହସର ସହାୟତା ନେବାର ନିହାତି ଆବଶ୍ୟକତା ରହିଛି ବୋଲି ଅନେକ କୁହନ୍ତି ।
ହସିବା ଦ୍ବାରା କେବଳ ନିଜ ଜୀବନ ସକରାତ୍ମକ ହେବ ନାହିଁ ବରଂ ଆପଣ ଅନ୍ୟକୁ ହସାଇବା ଦ୍ବାରା ବି ଆପଣଙ୍କର ମାନସିକ ଶାନ୍ତି ବଜାୟ ରହିବ ବୋଲି ଅନେକ କୁହନ୍ତି । ତେଣୁ ସକାଳୁ ସକାଳୁ ହସିବା ଲାଗି ଏକାଠି ହୋଇଥିଲେ ସ୍ଥାନୀୟ ବାସିନ୍ଦା ।
Also Read
- Reported by:
- Surya Narayan Panda
