LIVE TV
ଆସୁଛି ଶ୍ରୀଜିଉଙ୍କ ରଥଯାତ୍ରା । ଏଥିପାଇଁ ପ୍ରଶାସନ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ସୁରକ୍ଷା ଦୃଷ୍ଟିକୁ ନଜରରେ ରଖି ପୁରୀ ପ୍ରଶାସନ ପକ୍ଷରୁ ବ୍ୟପକ ବ୍ୟବସ୍ଥା କରାଯାଇଥିବା ବେଳେ ପୁରୀରେ ରଥଯାତ୍ରାବେଳେ ଡ୍ରୋନ୍ ଉଡ଼ାଣ ଉପରେ କଟକଣା ଲାଗୁ କରାଯାଇଛି । ଡ୍ରୋନ ଉଡ଼ାଣ କଟକଣା ନେଇ ଟ୍ୱିଟ୍ କରି ସୂଚନା ଦେଇଛି ପୁରୀ ପୋଲିସ ।
ପୋଲିସର ସୂଚନା ଅନୁସାରେ ଶ୍ରୀଜଗନ୍ନାଥ ମନ୍ଦିର ରେଡ୍ ଜୋନ୍ରେ ଯାଉଛି । ତେଣୁ ଡ୍ରୋନ୍ ଉଡ଼ାଣ ଉପରେ ମନା ରହିଛି । ବିନା ଅନୁମତିରେ କେହି ଡ୍ରୋନ୍ ଉଡ଼ାଇ ପାରିବେ ନାହିଁ ବୋଲି କହିଛି ପୁରୀ ପୋଲିସ । ଖାଲି ସେତିକି ନୁହେଁ, ସେପଟେ ୩ ରଥ ପାଖରେ ଓ ଗୁଣ୍ଡିଚା ମନ୍ଦିର ଉପରେ ମଧ୍ୟ ଡ୍ରୋନ୍ ଉଡ଼ାଣ ମନା କରାଯାଇଛି ।
Also Read
ଅନ୍ୟପଟେ ରଥଯାତ୍ରା ପ୍ରସ୍ତୁତିକୁ ନେଇ ପ୍ରତିକ୍ରିୟା ରଖିଛନ୍ତି ପୁରୀ ଜିଲ୍ଲାପାଳ ସମର୍ଥ ବର୍ମା । ସେ କହିଛନ୍ତି, ସବୁ ପ୍ରକାର ପ୍ରସ୍ତୁତି ଚାଲିଛି । ସବୁ ବିଭାଗ ସମସ୍ତ କାମ ଗୁଡ଼ିକୁ ଫାଇନାଲ ଷ୍ଟେଜକୁ ଆଣିଛନ୍ତି । ରଥ ନିର୍ମାଣ ବି ଶେଷ ପର୍ଯ୍ୟାୟରେ ପହଞ୍ଚିଛି । ଦିନେ ଦୁଇଦିନ ପରେ ଆଉଟର ଆକ୍ସେସ ରୋଡ ଖୋଲିଦେଉଛୁ । ଟଏଲେଟ୍, ରେଷ୍ଟ ସେଡ୍, ଜୋତା ଷ୍ଟାଣ୍ଡ ସବୁ ଖୋଲାଯିବ ।
- Reported by:
- MADHUSUDAN MISHRA
