LIVE TV
ଆନ୍ତର୍ଜାତୀକ ମହିଳା ଦିବସରେ ଏକ ନିଆରା ଘଟଣା ଦେଖିବାକୁ ମିଳିଛି ଝାଡ଼ଖଣ୍ଡରେ । ଅନ୍ତର୍ଜାତୀୟ ମହିଳା ଦିବସ ଅବସରରେ ଘୋଡ଼ା ଚଢ଼ି ବିଧାନସଭାକୁ ଆସିଲେ ବିଧାୟିକା । ଝାଡଖଣ୍ଡ ବିଧାନସଭାକୁ କଂଗ୍ରେସ ବିଧାୟିକା ଅମ୍ବା ପ୍ରସାଦ ଆଜି ନିଜେ ଘୋଡ଼ା ଚଳାଇ ଆସି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ । ଏହି ଅବସରରେ ସେ କହିଥିଲ ଯେ ସବୁ ମହିଳାଙ୍କ ମଧ୍ୟରେ ଜଣେ ଜଣେ ଦୁର୍ଗା କିମ୍ବା ଝାନସି ରାଣୀଙ୍କ ରୂପ ରହିଛି । ମହିଳାଙ୍କ ନିକଟରେ ସମସ୍ତ ଅହ୍ୱାନର ସାମ୍ନା କରିବାକୁ ଶକ୍ତି ମଧ୍ୟ ରହିଛି । ଘୋଡା ଶକ୍ତିର ପ୍ରତୀକ ହୋଇଥିବାରୁ ସେ ଏଭଳି ଆସିବାକୁ ପସନ୍ଦ କରିଥିବା କହିଛନ୍ତି ।
Also Read
#WATCH Congress MLA Amba Prasad rides a horse to Jharkhand Assembly on #InternationalWomensDay2022
There is Durga, Jhansi ki Rani in every woman, she should face every challenge with strength. Parents must educate their daughters as women are doing well in every field,she says. pic.twitter.com/dUAT2kX2BD— ANI (@ANI) March 8, 2022
ସେପଟେ ମହିଳା ଦିବସ ଅବସରରେ ବିଏସଏଫର ସୀମା ଭବାନୀ ଶୌର୍ୟ୍ୟର ନିଆରା ଅଭିଯାନ । ଦିଲ୍ଲୀରୁ କନ୍ୟାକୁମାରୀ ଯାଏ ବାଇକରେ ସଚେତନତା ସୃଷ୍ଟି କରିବ ସୀମା ଭବାନୀର ୩୬ ଜଣିଆ ଟିମ୍ । ଏହି ଅଭିଯାନ ଆଜି ଆରମ୍ଭ ହୋଇଥିବା ବେଳେ ଟିମ୍ ୫ହଜାର ୨୮୦ କିଲୋମିଟର ଅତିକ୍ରମ କରିବ । ଏହି ଅବସରରେ ବିଭିନ୍ନ ସ୍ଥାନରେ ମହିଳା ସଶକ୍ତିକରଣ ନେଇ ସଚେତନ କରିବ ଟିମ୍ ।
ସେହିଭଳି ଓଡ଼ିଶାର ରାଜଧାନୀ ଭୁବନେଶ୍ୱରରେ କମିଶନରେଟ ପୋଲିସ ପକ୍ଷରୁ ଅନ୍ତର୍ଜାତୀୟ ମହିଳା ଦିବସ ପାଳିତ ହୋଇଛି । ଏହି ଅବସରରେ ଏକ ବାଇକ ରାଲିର ଆୟୋଜନ କରାଯାଇଥିଲା । ଏଥିରେ ମହିଳା ପୋଲିସ ଅଧିକାରୀ ଓ କର୍ମଚାରୀ ସାମିଲ ହୋଇଥିଲେ । ବାଇକ ରାଲି ମାଧ୍ୟମରେ ସେମାନେ ସଚେତନତାର ବାର୍ତ୍ତା ବାଣ୍ଟିଥିଲେ ।
ତେବେ ଆନ୍ତର୍ଜାତୀକ ମହିଳା ଦିବସରେ ନାରୀ ଶକ୍ତି ସମ୍ମାନରେ ସମ୍ମାନୀତ ହେଲେ ଓଡ଼ିଶାର ଶ୍ରୁତି ମହାପାତ୍ର । ରାଷ୍ଟ୍ରପତି ରାମନାଥ କୋବିନ୍ଦ ଶ୍ରୁତିଙ୍କୁ ସମ୍ମାନିତ କରିଛନ୍ତି । ଶ୍ରୁତି ଜଣେ ଭିନ୍ନକ୍ଷମ ସେ ସର୍ବଦା ଦିବ୍ୟାଙ୍ଗଙ୍କ ଅଧିକାର ନେଇ ସଚେତନ କରିଆସୁଛନ୍ତି । ଏଥିସହିତ ଦିବ୍ୟାଙ୍ଗ ସଶକ୍ତିକରଣ ନେଇ ମଧ୍ୟ ସେ ଲଢେଇ କରିଆସୁଛନ୍ତି । ରାଷ୍ଟ୍ରପତି ଭବନରେ ଆୟୋଜିତ କାର୍ଯ୍ୟକ୍ରମରେ ଶ୍ରୁତିିଙ୍କ ସମେତ ଦେଶର ବିଭିନ୍ନ କ୍ଷେତ୍ରରେ ଉତ୍କର୍ଷ ଲାଭ କରିଥିବା ୨୯ ଜଣ ମହିଳାଙ୍କୁ ସମ୍ମାନୀତ କରିଛନ୍ତି ରାଷ୍ଟ୍ରପତି । ୨୦୨୦ ଏବଂ ୨୦୨୧ ବର୍ଷ ଲାଗିି ଦେଶର ନାରୀ ଶକ୍ତି ବିଜେତାଙ୍କୁ ପୁରସ୍କାର ପ୍ରଦାନ କରାଯାଇଛି ।
