MahaKumbh 2025: ଜଣେ ସାଧାରଣ ମଣିଷ କିପରି ହୁଏ ଅଘୋରୀ ସାଧୁ… ଜାଣନ୍ତୁ ସେମାନଙ୍କ ରହସ୍ୟମୟ ଦୁନିଆ

ବିଶ୍ୱର ସର୍ବବୃହତ ଧାର୍ମିକ ମେଳା ମହାକୁମ୍ଭର ସଙ୍ଗମ ଲାଗିଛି ପ୍ରୟାଗରାଜରେ। ଲକ୍ଷ ଲକ୍ଷ ସାଧୁ ଓ ସାଧକ ଗଙ୍ଗା, ଯମୁନା ଏବଂ ସରସ୍ୱତୀ ନଦୀର ତ୍ରିବେଣୀ ସଙ୍ଗମ କୂଳରେ ପହଞ୍ଚିଛନ୍ତି। ବର୍ତ୍ତମାନ ସୁଦ୍ଧା ୧୧ କୋଟିରୁ ଅଧିକ ଲୋକ ସଙ୍ଗମରେ ପବିତ୍ର ବୁଡ଼ ପକାଇଛନ୍ତି।

୧୩ ଜାନୁୟାରୀ ୨୦୨୫ରୁ ଆରମ୍ଭ ହୋଇଥିବା ମହାକୁମ୍ଭ ୨୬ ଫେବୃଆରୀ ୨୦୨୫ ପର୍ଯ୍ୟନ୍ତ ଚାଲିବ। ସଙ୍ଗମରେ ସ୍ନାନ କରିବାକୁ ସାଧୁ-ସନ୍ଥମାନଙ୍କ ବ୍ୟତୀତ ସମଗ୍ର ବିଶ୍ୱରୁ ଭକ୍ତମାନେ ଆସୁଛନ୍ତି। ଏକ ଆକଳନ ଅନୁଯାୟୀ, ପ୍ରାୟ ୪୫ କୋଟି ଲୋକ ମହାକୁମ୍ଭରେ ଯୋଗଦେବାର ସମ୍ଭାବନା ରହିଛି।

ଅଧିକ ପଢ଼ନ୍ତୁ: କିଏ ଥିଲେ ପ୍ରଥମ ଅଘୋରୀ ? ଯିଏ ଜନ୍ମ ହେବାର ୩ ଦିନ ପର୍ଯ୍ୟନ୍ତ କାନ୍ଦିନଥିଲେ କି କ୍ଷୀର ପିଇନଥିଲେ !

ମହାକୁମ୍ଭକୁ ଆସିଥିବା ନାଗା ସାଧୁ ଏଠାକାର ସବୁଠାରୁ ବଡ଼ ଆକର୍ଷଣର। ଏହା ବ୍ୟତୀତ ଅଘୋରୀ ସାଧୁ ମଧ୍ୟ ଲୋକଙ୍କ ପାଇଁ ଏକ ରହସ୍ୟ। ହିନ୍ଦୁ ଧର୍ମରେ ଅଘୋରୀ ସାଧୁଙ୍କୁ ରହସ୍ୟମୟ ତଥା ବିପଜ୍ଜନକ ମଧ୍ୟ ବିବେଚନା କରାଯାଏ। ଲୋକଙ୍କ ମନରେ ପ୍ରାୟତଃ ଏକ ପ୍ରଶ୍ନ ଆସେ ଯେ ଅଘୋରୀ ସାଧୁ କିପରି ହୁଅନ୍ତି ଏବଂ ସେମାନେ କାହାକୁ ପୂଜା କରନ୍ତି। ଆସନ୍ତୁ ଏ ବିଷୟରେ ଜାଣିବା।

ଅଘୋରୀ ହେବାର ପ୍ରକ୍ରିୟା:

ଜଣେ ଅଘୋରୀ ସାଧୁ ଜୀବନ ଏବଂ ମୃତ୍ୟୁ ବନ୍ଧନରୁ ମୁକ୍ତ। ସେମାନେ ଶ୍ମଶାନ ଧୂନି ଜାଳି ତପସ୍ୟାରେ ବୁଡି ଯାଆନ୍ତି। ଅଘୋରୀ ସାଧୁ ମଧ୍ୟ ତନ୍ତ୍ର ସାଧନା ଅଭ୍ୟାସ କରନ୍ତି। ଜଣେ ଅଘୋରୀ ସାଧୁ ହେବାର ପ୍ରକ୍ରିୟା ବହୁତ କଠୋର। ଅଘୋରୀ ସାଧୁ ହେବାକୁ ଜଣେ ସାଧାରଣ ଲୋକଙ୍କୁ କଠିନ ପରୀକ୍ଷା ଦେଇ ଗତି କରିବାକୁ ହୋଇଥାଏ।

ଅନ୍ତିମ ପରୀକ୍ଷାରେ ସେମାନଙ୍କୁ ନିଜ ଜୀବନକୁ ବିପଦରେ ପକାଇବାକୁ ପଡେ। ଜଣେ ବ୍ୟକ୍ତି ଏହି ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ହିଁ ଅଘୋରୀ ହୋଇଥାଏ।

କିପରି ନିଆଯାଏ ଦୀକ୍ଷା:

ଜଣେ ଅଘୋରୀ ହେବାର ପ୍ରକ୍ରିୟାରେ ତିନି ପ୍ରକାରର ଦୀକ୍ଷା ରହିଛି। ସେଗୁଡ଼ିକ ହେଉଛି ହରିତ୍ ଦୀକ୍ଷା, ଶିରିନ୍ ଦୀକ୍ଷା ଏବଂ ରମ୍ଭତ୍ ଦୀକ୍ଷା। ଅଘୋରୀ ଗୁରୁ ହରିତ୍ ଦୀକ୍ଷାରେ ତାଙ୍କ ଶିଷ୍ୟଙ୍କୁ ଗୁରୁମନ୍ତ୍ର ଦିଅନ୍ତି। ଏହି ମନ୍ତ୍ର ଶିଷ୍ୟଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥାଏ।

ଏହାକୁ ନିୟମିତ ଜପ କରିବାକୁ ପଡେ, ଯାହା ମନରେ ଏକାଗ୍ରତା ଆଣି ଆଧ୍ୟାତ୍ମିକ ଶକ୍ତି ଯୋଗାଇଥାଏ। ଶିରିନ୍ ଦୀକ୍ଷାରେ ଗୁରୁ ଶିଷ୍ୟଙ୍କୁ ଅନେକ ପ୍ରକାରର ତନ୍ତ୍ର ସାଧନା ଶିକ୍ଷା ଦିଅନ୍ତି।

ଅଧିକ ପଢ଼ନ୍ତୁ: କିନ୍ନର ଆଖଡ଼ାର ମହାମଣ୍ଡଳେଶ୍ୱର ହେଲେ ମମତା କୁଲ୍‌କର୍ଣ୍ଣି

ଅଘୋରୀ ହେବାକୁ ହେଲେ ଶ୍ମଶାନରେ ତପସ୍ୟା କରିବାକୁ ହୋଇଥାଏ। ଏହି ସମୟରେ ଶିଷ୍ୟଙ୍କୁ ଅନେକ ଆହ୍ୱାନର ସମ୍ମୁଖୀନ ହେବାକୁ ପଡେ। ଶେଷ ଦୀକ୍ଷାର ହେଉଛି ରମ୍ଭତ ଦୀକ୍ଷା। ଜଣେ ଅଘୋରୀ ସାଧୁ ପାଇଁ ଏହା ହେଉଛି ସବୁଠାରୁ କଠିନ ଦୀକ୍ଷା। ଏଥିରେ ଶିଷ୍ୟଙ୍କୁ ତାଙ୍କ ଜୀବନ ଏବଂ ମୃତ୍ୟୁର ଅଧିକାର ତାଙ୍କ ଗୁରୁଙ୍କୁ ଦେବାକୁ ହୋଇଥାଏ।

ଗୁରୁ ଯାହା କୁହନ୍ତି ତାହା ଶିଷ୍ୟକୁ କରିବାକୁ ହେବ। କୁହାଯାଏ ଯେ ଏହି ଦୀକ୍ଷା ମାଧ୍ୟମରେ ଗୁରୁ ଶିଷ୍ୟମାନଙ୍କ ଭିତରୁ ଅହଂକାରକୁ ବାହାର କରିଦିଅନ୍ତି। ଏହି କାରଣରୁ ଅଘୋରୀ ସାଧୁ ସେମାନଙ୍କ ଜୀବନ କିମ୍ବା ମୃତ୍ୟୁକୁ ଭୟ କରନ୍ତି ନାହିଁ।

କିପରି ହୁଏ ସାଧନା:

ମୃତ ଶରୀର ଉପରେ ଗୋଟିଏ ପାଦ ରଖି ଅଘୋରୀମାନେ ତପସ୍ୟା କରନ୍ତି। ସେମାନେ ଶିବଙ୍କୁ ପୂଜା କରନ୍ତି। ଏହା ସହିତ ସେମାନେ ଦେବୀ କାଳୀଙ୍କୁ ମଧ୍ୟ ପୂଜା କରନ୍ତି। ଅଘରୀ ଭଗବାନ ଶିବଙ୍କର କାଳଭୈରବ ରୂପଙ୍କୁ ପୂଜା କରନ୍ତି। ଅଘୋରୀମାନେ ଭଗବାନ ଦତ୍ତାତ୍ରେୟଙ୍କୁ ଗୁରୁ ଭାବରେ ବିବେଚନା କରନ୍ତି।

ଦତ୍ତାତ୍ରେୟ ଶିବ, ବିଷ୍ଣୁ ଏବଂ ବ୍ରହ୍ମାଙ୍କର ଏକ ଅବତାର ବୋଲି କୁହାଯାଏ। ଅଘୋରୀ ସାଧୁ ସେମାନଙ୍କ ସହିତ ଏକ ମଣିଷ ଖପୁରୀ ରଖନ୍ତି। ଶରୀରରେ ଶ୍ମଶାନ ପାଉଁଶ ଲଗାନ୍ତି। ଅଘୋରୀ କଳା ପୋଷାକ ପିନ୍ଧନ୍ତି।

ବ୍ରହ୍ମଚର୍ଯ୍ୟର ଅଦ୍ଭୁତ ନିୟମ:

ଅଘୋରୀ ସାଧୁଙ୍କ ପାଇଁ ବ୍ରହ୍ମଚର୍ଯ୍ୟର କୌଣସି ନିୟମ ନାହିଁ। ବ୍ରହ୍ମଚର୍ଯ୍ୟକୁ ନେଇ ସେମାନଙ୍କର ଅଦ୍ଭୁତ ନିୟମ ଅଛି। ସେମାନେ ଏହାକୁ ତନ୍ତ୍ର ସାଧନାର ଏକ ଅଂଶ ଭାବରେ ମଧ୍ୟ ବିବେଚନା କରନ୍ତି। ଅଘୋରୀ ସାଧୁଙ୍କ ପାଇଁ ଶାରୀରିକ ସମ୍ପର୍କକୁ ନେଇ କୌଣସି ବାଧ୍ୟବାଧକତା କିମ୍ବା ନିୟମ ନାହିଁ।

ଅଧିକ ପଢ଼ନ୍ତୁ: ଆଶ୍ରମ ଛାଡି ଚାଲି ଯାଇଥିଲେ 'ଆଇଆଇଟିଆନ୍' ବାବା, ଫେରି ଆସି ଦେଲେ କଡା ଜବାବ