ବିଶ୍ୱକପ୍ ହକିର ମାହୋଲକୁ ଅଧିକ ଆକର୍ଷଣୀୟ କରିବ ଡଟ୍ ଫେଷ୍ଟ

ବିଶ୍ୱକପ୍ ହକିର ମାହୋଲକୁ ଅଧିକ ଆକର୍ଷଣୀୟ କରିବ ଡଟ୍ ଫେଷ୍ଟ । ୧୫ଦିନ ଧରି ଚାଲିବାକୁ ଥିବା ଏହି ହାଇ-ଭୋଲଟେଜ୍ କାର୍ଯ୍ୟକ୍ରମର ମଜା ନେବେ ଦର୍ଶକ ଓ ପର୍ଯ୍ୟଟକ । ଡଟ୍ ଫେଷ୍ଟ ପାଇଁ ହାତରେ କମ୍ ଦିନ ଥିବାରୁ ଯୁଦ୍ଧକାଳୀନ ପର୍ଯ୍ୟାୟରେ ଚାଲିଛି ପ୍ରସ୍ତୁତି। ଜାନୁଆରୀ ୧୫ତାରିଖରୁ ୨୯ତାରିଖ ପର୍ଯ୍ୟନ୍ତ ଭୁବନେଶ୍ୱର ର ପୃଥକ ପୃଥକ୍ ସ୍ଥାନରେ ଆୟୋଜିତ ହେବ । ଏହି କାକାଯର୍ୟକ୍ରମକୁ ଉଦଘାଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଇଡକଲ ପ୍ରଦର୍ଶନୀ ପଡିଆର ବାମ ପାଶର୍ବରେ ୩୦ରୁ ଅଧିକ ଷ୍ଟଲରେ ହେବ ଇଣ୍ଟରନ୍ୟାସନାଲ ଫୁଡ ଫ୍ୟାଷ୍ଟିଭାଲ । ହକିରେ ଯୋଗ ଦେଇଥିବା ୧୬ଟି ଦେଶର ଖାଦ୍ୟ ସହିତ ସ୍ଥାନ ପାଇବ ବିଭିନ୍ନ ରାଜ୍ୟ ଓ ସ୍ଥାନୀୟ ଖାଦ୍ୟ ପସରା । ପ୍ରଦର୍ଶନୀ ପଡିଆର ଡାହାଣ ପାର୍ଶ୍ୱରେ ଉଦିତ ନାରାୟଣ, ଅଲକା ୟାଗନିକ, ସୁଖବିନ୍ଦର ସିଂ, ନିତି ମୋହନ, ପଣ୍ଡିତ ହରି ପ୍ରସାଦ ଚେରାସିଆ, ସୁନିଲ ଗ୍ରୋଭର, ସିଦ୍ଧାର୍ଥ ମହାଦେବନଙ୍କ ଭଳି ଖ୍ୟାତନାମା କଳାକାର ଯୋଗ ଦେବେ ।

ଅଧିକ ପଢ଼ନ୍ତୁ: ହକି ବିଶ୍ୱକପ୍‌ ଉଦ୍‌ଘାଟନୀ ସମାରୋହ, ଦୁଲୁକୁଛି ବାରବାଟୀ ! ଦେଖନ୍ତୁ ଭିଡିଓ..

ଗୋଟିଏ ସ୍ୱତନ୍ତ୍ର ଷ୍ଟେଜରେ ପୁରୁଣା ଭୁବନେଶ୍ୱର ଓ ନୂଆ ଭୁବନେଶ୍ୱର ସମ୍ପର୍କିତ ଫଟୋ ପ୍ରଦର୍ଶନୀ ଏବେ ଓ ସେବେ ନାମରେ ଆୟୋଜିତ ହେବ । ସେହିଭଳି ଏକାମ୍ର ହାଟରେ ୬୦ରୁ ଅଧିକ ଷ୍ଟଲ ସହିତ ଖୋଲିବ ନାଇଟ ମାର୍କେଟ ଓ ଉତ୍କଳିକା। ପ୍ରଦର୍ଶନୀ ପଡିଆ ଓ ଏକାମ୍ର ହାଟ ବ୍ୟତୀତ ରାଜଧାନୀର ବିଭିନ୍ନ ସ୍ଥାନରେ ପୃଥକ୍ ପୃଥକ୍ କାର୍ଯ୍ୟକ୍ରମର ଆୟୋଜନ କରାଯାଉଛି।

ଏକାମ୍ର ୱାକ୍ ଜରିଆରେ ବିଭିନ୍ନ ପର୍ଯ୍ୟଟନ ସ୍ଥଳୀ ବୁଲିବାର ସୁଯୋଗ ସାଙ୍ଗକୁ ପାର୍କରେ ଷ୍ଟୋରୀ ଟେଲିଂ ଉପଭୋଗ କରିବାର ମଜା ନେଇପାରିବେ ପର୍ଯ୍ୟଟକ । ହାତରେ କମ୍ ଦିନ ଥିବାରୁ ଯୁଦ୍ଧକାଳୀନ ପରିସ୍ଥିତିରେ ଚାଲିଛି ପ୍ରସ୍ତୁତି ... ।