LIVE TV
ଏନସିପିର ବରିଷ୍ଠ ନେତା ତଥା କଂଗ୍ରେସର ପୂର୍ବତନ ବିଧାୟକ ବାବା ସିଦ୍ଦିକିଙ୍କ ହତ୍ୟା ପୂରା ଦେଶକୁ ସ୍ତବ୍ଧ କରିଦେଇଛି । ସମସ୍ତେ ଏହି ହତ୍ୟା ରହସ୍ୟ ବିଷୟରେ ଆଲୋଚନା କରୁଛନ୍ତି । ବାବା ସିଦ୍ଦିକିଙ୍କୁ ଅନ୍ତିମ ବିଦାୟ ଦେବାକୁ ବଲିଉଡର ବଡ଼ ବଡ଼ ତାରକା ଆସିଥିଲେ । କିନ୍ତୁ ସିଦ୍ଦିକିଙ୍କ ଅନ୍ତିମ ଦର୍ଶନଠୁ ଆରମ୍ଭ କରି ଅନ୍ତିମ ବିଦାୟ ଦେବା ପର୍ଯ୍ୟନ୍ତ ଶାହାରୁଖ ଖାନଙ୍କୁ ଦେଖିବାକୁ ମିଳିନଥିଲା । ଏଭଳି ସ୍ଥିତିରେ କିଙ୍ଗ୍ ଖାନଙ୍କ ପ୍ରଶଂସକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି ଯେ କାହିଁକି ଶାହାରୁଖ ବାବା ସିଦ୍ଦିକଙ୍କ ମୃତ୍ୟୁ ବିଷୟରେ ଗୋଟିଏ ବି ଶବ୍ଦ କହି ନାହାଁନ୍ତି ? ତେବେ, ଏହା ପଛରେ ଥିବା ବଡ଼ କାରଣ ଏବେ ସାମ୍ନାକୁ ଆସିଛି ।
Also Read
ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, କୁହାଯାଉଛି ଯେ ଶାହାରୁଖ ଖାନ୍ ଏହି ଘଟଣାରୁ ଦୂରତା ବଜାୟ ରଖିବାକୁ ଚାହୁଁଛନ୍ତି । ସୂଚନାଯୋଗ୍ୟ ଯେ ସଲମାନ ଖାନଙ୍କ ପରି ଶାହାରୁଖ ଖାନ ମଧ୍ୟ ବାବା ସିଦ୍ଦିକିଙ୍କ ନିକଟତର ଅଟନ୍ତି । ଏଭଳି ପରିସ୍ଥିତିରେ ଲୋକମାନେ ବାବାଙ୍କ ଦେହାନ୍ତରେ କିଙ୍ଗ୍ ଖାନଙ୍କ ନିରବତାକୁ ସହଜରେ ଗ୍ରହଣ କରିପାରୁନାହାନ୍ତି । ଏଥି ସହିତ, ବର୍ତ୍ତମାନ କୁହାଯାଉଛି ଯେ ଶାହାରୁଖ ଖାନ କୌଣସି ରାଜନୈତିକ ଅସୁବିଧାରେ ପଡ଼ିବାକୁ ଚାହୁଁନାହାନ୍ତି, ତେଣୁ ଏହି ପ୍ରସଙ୍ଗଠାରୁ ସେ ଦୂରତା ରକ୍ଷା କରୁଛନ୍ତି।
ଅଧିକ ପଢ଼ନ୍ତୁ: କଣ ପାଇଁ ଗଲା ବାବା ସିଦ୍ଦିକିଙ୍କ ଜୀବନ? ସଲମାନଙ୍କୁ ଧମକ, ଗାଲାକ୍ସିରେ ବଢିଲା ସୁରକ୍ଷା
ଏ ସମ୍ପର୍କରେ ସୂଚନା ଦେଇ ଏକ ସୂତ୍ରରୁ ପ୍ରକାଶ ଯେ ବାବା ସିଦ୍ଦିକିଙ୍କ ହତ୍ୟା ପରେ ସୁରକ୍ଷା କାରଣରୁ ଶାହାରୁଖ ଖାନ ଏଥିରେ ଅଂଶଗ୍ରହଣ କରିନାହାଁନ୍ତି। ଏହି ସମୟ ମଧ୍ୟରେ ସୁରକ୍ଷା କାରଣରୁ ସଲମାନ ଖାନଙ୍କୁ ବାବାଙ୍କ ଶେଷ ଯାତ୍ରାରେ ମଧ୍ୟ ଦେଖିବାକୁ ମିଳି ନଥିଲା । ବାବା ସିଦ୍ଦିକି ଶାହାରୁଖ ଖାନଙ୍କ ଘନିଷ୍ଠ ବନ୍ଧୁ ଥିଲେ । ବାବାଙ୍କ ଶେଷ ଯାତ୍ରା ସମୟରେ ସମସ୍ତଙ୍କ ସୁରକ୍ଷା ଉପରେ ସମ୍ପୂର୍ଣ୍ଣ ଯତ୍ନ ନିଆଯାଇଛି। ଘଟଣାସ୍ଥଳରେ ବହୁ ସଂଖ୍ୟକ ପୋଲିସ ଫୋର୍ସ ଉପସ୍ଥିତ ଥିଲେ ।
ସୂଚନା ଅନୁସାରେ ୧୨ ଅକ୍ଟୋବରରେ ବାବା ସିଦ୍ଦିକିଙ୍କୁ ସର୍ବସାଧାରଣରେ ହତ୍ୟା କରାଯାଇଥିଲା । ଏହି ସମୟ ମଧ୍ୟରେ ଅନେକ ବଲିଉଡ ତାରକା ବାବାଙ୍କ ଘରକୁ ଯାଇ ତାଙ୍କର ଶେଷ ଦର୍ଶନ କରିଥିଲେ । କିନ୍ତୁ ଏହି ସମୟ ମଧ୍ୟରେ ଶାହାରୁଖ ଖାନଙ୍କୁ କେଉଁଠାରେ ଦେଖିବାକୁ ମିଳି ନଥିଲା, ତେଣୁ ଲୋକଙ୍କ ମନରେ ଅନେକ ପ୍ରଶ୍ନ ଆସିଥିଲା। ତେବେ ଏହି ଘଟଣା ସମୟରେ ଶାହାରୁଖ ଖାନ ମୁମ୍ବାଇରେ ଉପସ୍ଥିତ ଥିଲେ କି ନାହିଁ ସେ ସମ୍ପର୍କରେ ଏପର୍ଯ୍ୟନ୍ତ କୌଣସି ସୂଚନା ନାହିଁ ।
