Delhi Files Teaser: ଆସିଲା ‘ଦ ଦିଲ୍ଲୀ ଫାଇଲ୍ସ’ର ଟିଜର୍: ଏହି ଦିନ ହେବ ରିଲିଜ୍

ବଲିଉଡ୍‌ର ଜଣାଶୁଣା ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ କାଶ୍ମୀର ପଣ୍ଡିତମାନଙ୍କ ବିସ୍ଥାପନର କାହାଣୀ 'ଦ କାଶ୍ମୀର ଫାଇଲ୍ସ' ସହିତ ଅନେକ ହଇଚଇ ସୃଷ୍ଟି କରିଥିଲେ। ଅନୁପମ୍‌ ଖେର୍‌ଙ୍କ ଅଭିନୀତ ଫିଲ୍ମ ‘ଦ କାଶ୍ମୀର ଫାଇଲ୍ସ’ ବକ୍ସ ଅଫିସରେ ମଧ୍ୟ ବିପୁଳ ଟଙ୍କା ରୋଜଗାର କରିଥିଲା। ବର୍ତ୍ତମାନ ନିର୍ଦ୍ଦେଶକ ତାଙ୍କର ଆଗାମୀ ଫିଲ୍ମ ‘ଦ ଦିଲ୍ଲୀ ଫାଇଲ୍ସ’ ସହିତ ହଙ୍ଗାମା କରିବାକୁ ଯାଉଛନ୍ତି।

View this post on Instagram

A post shared by Vivek Ranjan Agnihotri (@vivekagnihotri)

ଆଜି ଏହି ବହୁ ପ୍ରତୀକ୍ଷିତ ଫିଲ୍ମର ଟିଜର୍‌ ରିଲିଜ୍‌ ହୋଇଛି। ଦର୍ଶକମାନେ ଦୀର୍ଘ ଦିନ ଧରି 'ଦ ଦିଲ୍ଲୀ ଫାଇଲ୍ସ'କୁ ଅପେକ୍ଷା କରିଥିଲେ। ଫିଲ୍ମ ଘୋଷଣା ହେବା ପରଠାରୁ ଚର୍ଚ୍ଚାରେ ରହିଛି।

ଅଧିକ ପଢ଼ନ୍ତୁ: କମାଲ୍ କଲେ ଅକ୍ଷୟ କୁମାର; ଟଙ୍କା ଛାଣୁଛି 'ସ୍କାଏ ଫୋର୍ସ'

ବରିଷ୍ଠ ଅଭିନେତା ମିଥୁନ ଚକ୍ରବର୍ତ୍ତୀଙ୍କୁ ‘ଦ ଦିଲ୍ଲୀ ଫାଇଲ୍ସ’ରେ ମୁଖ୍ୟ ଭୂମିକାରେ ଦେଖିବାକୁ ମିଳିବ। ଏହି ଫିଲ୍ମ ଇତିହାସର ସେହି ପୃଷ୍ଠାଗୁଡ଼ିକୁ ଆଲୋକିତ କରିବ ଯାହା ବିଷୟରେ ଅଧିକ ଲେଖା ହୋଇ ନାହିଁ କି କୁହାଯାଇ ନାହିଁ।

'ଦ ଦିଲ୍ଲୀ ଫାଇଲ୍ସ'ର ଟିଜର୍‌ରେ ମିଥୁନ ଚକ୍ରବର୍ତ୍ତୀ ଜଣେ ବୃଦ୍ଧଙ୍କ ଭୂମିକାରେ ନଜର ଆସିଛନ୍ତି, ଯିଏ ବାର୍ଦ୍ଧକ୍ୟଭରା ସ୍ୱରରେ ଭାରତର ସମ୍ବିଧାନର ଉପଦେଶକୁ ଦୋହରାଉଛନ୍ତି।

ଟିଜର୍‌ ବଢାଉଛି ସସ୍‌ପେନ୍ସ:

ସମ୍ବିଧାନର ଉପଦେଶକୁ ପୁନରାବୃତ୍ତି କରିବା ପରେ ମିଥୁନ ତଳେ ପଡ଼ିଥିବା ଏକ ଅଖା ଉପରେ ବସିପଡ଼ିଛନ୍ତି। ଏହା ସହିତ ‘ଦ ଦିଲ୍ଲୀ ଫାଇଲ୍ସ’ର ବେଙ୍ଗଲ୍ କନେକ୍‌ସନ୍ ଦେଖିବାକୁ ମିଳିବ। ତେବେ ଟିଜର୍‌ରେ ଦେଖାଯାଇଥିବା ମିଥୁନ ଚକ୍ରବର୍ତ୍ତୀଙ୍କ ଦମଦାର୍ ଲୁକ୍ ଦର୍ଶକଙ୍କ ମନରେ ଅନେକ ସନ୍ଦେହ ସୃଷ୍ଟି କରିଛି।

ବର୍ତ୍ତମାନ ଏହି ଫିଲ୍ମର କାହାଣୀ ଜାଣିବାକୁ ଦର୍ଶକଙ୍କ ଆଗ୍ରହ ବଢିଯାଇଛି। ଆଜି ‘ଗଣତନ୍ତ୍ର ଦିବସ’ ଅବସରରେ ଫିଲ୍ମ ‘ଦ ଦିଲ୍ଲୀ ଫାଇଲ୍ସ’ର ଟିଜର ରିଲିଜ୍‌ ହୋଇଛି।

ଅଧିକ ପଢ଼ନ୍ତୁ: ଜୀବନ ମୃତ୍ୟୁ ସହ ସଂଘର୍ଷ କରୁଛନ୍ତି ଏହି ଅଭିନେତା, ଶାହରୁଖ ଖାନଙ୍କ ସହ କରିଥିଲେ ଫିଲ୍ମ

ଏହି ଦିନ ହେବ ରିଲିଜ୍:

ଫିଲ୍ମ 'ଦ ଦିଲ୍ଲୀ ଫାଇଲ୍ସ: ବେଙ୍ଗଲ ଚାପ୍ଟର୍'ର ନିର୍ଦ୍ଦେଶନା ଦେଇଛନ୍ତି ବିବେକ ରଂଜନ ଅଗ୍ନିହୋତ୍ରୀ। ଏହି ଫିଲ୍ମଟି ଅଭିଷେକ ଅଗ୍ରୱାଲ ଏବଂ ପଲ୍ଲବୀ ଯୋଶୀଙ୍କ ଦ୍ୱାରା ପ୍ରସ୍ତୁତ କରାଯାଇଛି। ଏହି ଫିଲ୍ମକୁ ତେଜ ନାରାୟଣ ଅଗ୍ରୱାଲ ଏବଂ ଆଇ ଆମ୍ ବୁଦ୍ଧ ପ୍ରଡକ୍ସନ୍ସ ଦ୍ୱାରା ପ୍ରସ୍ତୁତ କରାଯାଉଛି ।

‘ଗଣତନ୍ତ୍ର ଦିବସ’ ଅବସରରେ ଏହି ଫିଲ୍ମର ପ୍ରଥମ ଝଲକ ଶେୟାର କରାଯାଇଥିବା ବେଳେ ‘ସ୍ୱାଧୀନତା ଦିବସ’, ୧୫ ଅଗଷ୍ଟ ୨୦୨୫ରେ ‘ଦ ଦିଲ୍ଲୀ ଫାଇଲ୍ସ’ ପ୍ରେକ୍ଷାଳୟରେ ମୁକ୍ତିଲାଭ କରିବ।

View this post on Instagram

A post shared by Vivek Ranjan Agnihotri (@vivekagnihotri)

‘ଦ କାଶ୍ମୀର ଫାଇଲ୍ସ’ରେ ନରସଂହାର:

ବିବେକ ରଂଜନ ଅଗ୍ନିହୋତ୍ରୀଙ୍କ ଫିଲ୍ମ ‘ଦ କାଶ୍ମୀର ଫାଇଲ୍ସ’ ୨୦୨୨ ମସିହାରେ ମୁକ୍ତିଲାଭ କରିଥିଲା। ଏହି ଫିଲ୍ମ ପାଇଁ ନିର୍ଦ୍ଦେଶକଙ୍କୁ ବହୁତ ପ୍ରଶଂସା କରାଯାଇଥିଲା। ଏହି ଫିଲ୍ମ ମାଧ୍ୟମରେ ସେ କାଶ୍ମୀରରେ ନରସଂହାରର ଦୃଶ୍ୟ ଦର୍ଶକଙ୍କ ସାମ୍ନାରେ ଉପସ୍ଥାପନ କରିଥିଲେ। ସେହିଭଳି ତାଙ୍କର ଆଗାମୀ ଫିଲ୍ମ ‘ଦ ଦିଲ୍ଲୀ ଫାଇଲ୍ସ’ ମଧ୍ୟ ଏକ ପ୍ରକୃତ ଘଟଣା ଉପରେ ଆଧାରିତ।

ଅଧିକ ପଢ଼ନ୍ତୁ: ‘ଧୁମ୍-୪’ ରେ ହେବ ରଣବୀର କପୁରଙ୍କ ଏଣ୍ଟ୍ରୀ! ହେବ ଡବଲ ଧମାକା