LIVE TV
ଉଦିତ ନାରାୟଣ ହେଉଛନ୍ତି ବଲିଉଡର ସେହି ଗାୟକ, ଯିଏ ନିଜର ନରମ ସ୍ୱରରେ ଲୋକଙ୍କ ହୃଦୟରେ ରାଜ୍ କରନ୍ତି। ନିକଟରେ ତାଙ୍କର ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ୍ ହେବାରେ ଲାଗିଛି, ଯାହା ପରେ ସେ ପୁଣି ହେଡ୍ଲାଇନ୍ରେ ଅଛନ୍ତି।
ଏକ ଇଭେଣ୍ଟ୍ରେ ସେ ପ୍ରଥମେ ଜଣେ ମହିଳା ପ୍ରଶଂସକଙ୍କୁ ଓଠରେ ଚୁମ୍ବନ ଦେଇଥିଲେ ଏବଂ ଯେତେବେଳେ ଭିଡିଓ ଭାଇରାଲ୍ ହୋଇଥିଲା, ଏହାକୁ ପ୍ରଶଂସକଙ୍କ ପାଇଁ ପାଗଳାମି ବୋଲି କୁହାଗଲା। ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓ ଉପରେ ସେ ସ୍ପଷ୍ଟୀକରଣ ଦେଇଥାଇ ପାରନ୍ତି, କିନ୍ତୁ ଟ୍ରୋଲରମାନେ ତାଙ୍କୁ କଡ଼ା ସମାଲୋଚନା କରୁଛନ୍ତି।
Also Read
ଏହି ଭିଡିଓ ଦେଖିବା ପରେ, ଲୋକମାନେ ପୁଣିଥରେ ଗୁଗୁଲରେ ତାଙ୍କ ବ୍ୟକ୍ତିଗତ ଜୀବନ ବିଷୟରେ ଜାଣିବା ପାଇଁ ଆଗ୍ରହ ପ୍ରକାଶ କରିଛନ୍ତି।
ଅଧିକ ପଢ଼ନ୍ତୁ: ଭାଇରାଲ ହେଉଛି ଉଦିତ ନାରାୟଣଙ୍କ ପୁରୁଣା କିସିଂ ଭିଡିଓ
ଆପଣ ଜାଣନ୍ତି କି ଉଦିତ ନାରାୟଣ ଦୁଇଥର ବିବାହ କରିଛନ୍ତି। ସେ ଦ୍ୱିତୀୟ ଥର ଲୁଚିକରି ବିବାହ କରିଥିଲେ ଏବଂ ଏ କଥା ତାଙ୍କ ଭାଣିଜୀଙ୍କ ବିବାହରେ ପ୍ରକାଶ ପାଇଥିଲା। ଉଦିତ ନାରାୟଣ ମଧ୍ୟ ତାଙ୍କର ପ୍ରଥମ ପତ୍ନୀଙ୍କୁ ଚିହ୍ନି ନ ଥିବା କରିଥିଲେ। ଏହା ପରେ ଯାହା ହୋଇଥିଲା ତାହା ଏକ ଫିଲ୍ମ ଡ୍ରାମା ଠାରୁ ବି କମ୍ ନୁହେଁ।
ଦ୍ୱିତୀୟ ବିବାହ:
ଯେତେବେଳେ ଉଦିତ ନାରାୟଣ ବିହାରରୁ ମୁମ୍ବାଇ ଆସିଥିଲେ, ସେତେବେଳେ ସେ ବିବାହିତ ଥିଲେ। ସେ ୧୯୮୨ ମସିହାରେ ପ୍ରଥମ ବିବାହ କରିଥିଲେ ମଧ୍ୟ ଏକାକୀ ମାୟାନଗରୀରେ ପହଞ୍ଚିଥିଲେ। ସେ ମୁମ୍ବାଇରେ ଦୀପାଙ୍କୁ ଭେଟିଥିଲେ ଏବଂ ଛାଡପତ୍ର ନ ଦେଇ ଲୁଚି ଲୁଚି ଏଠାରେ ଦ୍ୱିତୀୟ ବିବାହ କରିଥିଲେ।
ଯେତେବେଳେ ପ୍ରଥମ ପତ୍ନୀ ଏସବୁ ବିଷୟରେ ଜାଣିଲେ, ସେ ସୁଯୋଗ ନେଇ ଏକ ହଙ୍ଗାମା ସୃଷ୍ଟି କରିଥିଲେ। ଉତ୍ତେଜନା ଏତେ ବଢିଗଲା ଯେ ତାଙ୍କୁ ହୋଟେଲ ଛାଡିବାକୁ ପଡିଥିଲା।
ଗୁରୁତର ଅଭିଯୋଗ:
ବାସ୍ତବରେ ଏହା ଉଦିତ ନାରାୟଣଙ୍କ ଭାଣିଜୀଙ୍କର ବିବାହ ଥିଲା। ସେ ବିବାହରେ ଯୋଗଦେବା ପାଇଁ ପତ୍ନୀ ଦୀପାଙ୍କ ସହ ପାଟନା ଯାଇଥିଲେ। ବିବାହରୁ ଫେରିବା ପରେ ସେ ହୋଟେଲ ରୁମରେ ଶୋଇବାକୁ ପ୍ରସ୍ତୁତ ହେଉଥିଲେ। ଠିକ ସେତିକିବେଳେ ପ୍ରାୟ ୧୦୦ରୁ୧୫୦ ଲୋକ ତାଙ୍କ ହୋଟେଲ ବାହାରେ ଏକାଠି ହୋଇ ହୋ ହଲ୍ଲା ଆରମ୍ଭ କରିଥିଲେ। ସେମାନେ ଉଦିତ ନାରାୟଣଙ୍କ ବିରୋଧରେ ଗୁରୁତର ଅଭିଯୋଗ ଆଣିଥିଲେ।
ଉଦିତଙ୍କ ଛଳନା:
ପରିସ୍ଥିତି ବିଗିଡିବା ଦେଖି ହୋଟେଲ କର୍ମଚାରୀ ଉଦିତ ନାରାୟଣଙ୍କ ନିକଟକୁ ଆସି ଲୋକଙ୍କ ଅଭିଯୋଗ ବିଷୟରେ କହିଥିଲେ। କର୍ମଚାରୀ କହିଥିଲେ - କିଛି ଲୋକ ଆସିଛନ୍ତି, ଯେଉଁମାନେ କହୁଛନ୍ତି ଯେ ସେମାନଙ୍କ ସହ ଜଣେ ମହିଳା ଅଛନ୍ତି ଯିଏ ଆପଣଙ୍କର ପତ୍ନୀ। ଏହାର ଉତ୍ତରରେ ଉଦିତ ନାରାୟଣ କହିଥିଲେ - ମୋର ଗୋଟିଏ ହିଁ ପତ୍ନୀ, ଯିଏ ଏବେ ରୁମ୍ରେ ମୋ ସହିତ ଅଛନ୍ତି। ଆଉ କେହି ପତ୍ନୀ ଥିବାର ପ୍ରଶ୍ନ ଉଠୁ ନାହିଁ।
ଉଦିତ ନାରାୟଣଙ୍କ ଉତ୍ତର ଶୁଣିବା ପରେ ହୋଟେଲ କର୍ମଚାରୀମା କହିଥିଲେ ଯେ ରଞ୍ଜନା ଝା ନାମକ ଜଣେ ମହିଳା ବାହାରେ ଠିଆ ହୋଇଛନ୍ତି, ଯିଏ ନିଜକୁ ଆପଣଙ୍କ ପତ୍ନୀ ବୋଲି କହୁଛନ୍ତି। କେବଳ ଏତିକି ନୁହେଁ, ସେ ତାଙ୍କ ସହିତ ବିବାହ ଫଟୋ ଏବଂ ବ୍ୟାଙ୍କ ଖାତାର ପାସ୍ବୁକ୍ ମଧ୍ୟ ଆଣିଛନ୍ତି, ଯାହା ଉଦିତ ନାରାୟଣ ଏବଂ ରଂଜନା ଝାଙ୍କର ଜଏଣ୍ଟ୍ ଆକାଉଣ୍ଟ୍। ମହିଳା ଜଣକ ଏହା ମଧ୍ୟ କହିଛନ୍ତି ଯେ ସେ ଏବଂ ଉଦିତ ନାରାୟଣ ୧୯୮୪ରେ ବିବାହ କରିଥିଲେ।
ଅଧିକ ପଢ଼ନ୍ତୁ: ସବୁ ସୀମା ଟପିଲେ...ଲାଇଭ୍ ଶୋ’ରେ ମହିଳା ଫ୍ୟାନ୍ଙ୍କ ଓଠକୁ କିସ୍ କଲେ ଉଦିତ୍, କହିଲେ...
ହୋଟେଲ କର୍ମଚାରୀଙ୍କ କଥା ଶୁଣିବା ପରେ ଦୀପା କହିଥିଲେ ଯେ ସେ ୪୯୭୮ପରଠାରୁ ଉଦିତଙ୍କୁ ଜାଣିଛନ୍ତି ଏବଂ ସେମାନେ ୧୯୮୨ ମସିହାରେ ଦେବୀ କାଳୀ ମନ୍ଦିରରେ ବିବାହ କରିଥିଲେ। ଏହି ସମୟରେ ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚି ଉଭୟ ମହିଳାଙ୍କ ବିବୃତ୍ତି ଶୁଣିବା ପରେ ବିବ୍ରତ ହୋଇପଡିଥିଲା। ତେଣୁ ପୋଲିସ ତରବରିଆ ଭାବେ ଉଦିତ ନାରାୟଣ ଏବଂ ତାଙ୍କ ଦ୍ୱିତୀୟ ପତ୍ନୀଙ୍କୁ ସେଠାରୁ ବିମାନ ବନ୍ଦରକୁ ନେଇଯାଇଥିଲା।
ମହିଳା ଆୟୋଗରେ ଅଭିଯୋଗ:
ଏହା ପରେ ରଂଜନା ଝା ବିହାର ମହିଳା ଆୟୋଗରେ ଅଭିଯୋଗ କରିଥିଲେ। ରଂଜନାଙ୍କ କଥାରେ ସତ୍ୟତା ଦେଖି ଉଦିତ ନାରାୟଣଙ୍କ ସମ୍ପର୍କୀୟମାନେ ମଧ୍ୟ ରଂଜନାଙ୍କ ପକ୍ଷ ନେଇଥିଲେ। ଅନ୍ୟପକ୍ଷରେ ସାଧାରଣ ଜନତା ମଧ୍ୟ ରଂଜନାଙ୍କୁ ସମର୍ଥନ କରିଥିଲେ। ତା’ପରେ ଖବରକାଗଜରୁ ରେଡିଓ ପର୍ଯ୍ୟନ୍ତ ଉଦିତ ନାରାୟଣ ଏବଂ ରଂଜନାଙ୍କ ବିଷୟରେ ଆଲୋଚନା ହୋଇଥିଲା।
ରଂଜନାଙ୍କୁ ସମର୍ଥନ କରି ନେପାଳ ରେଡିଓ ଉଦିତ ନାରାୟଣଙ୍କ ଗୀତକୁ ମଧ୍ୟ ନିଷିଦ୍ଧ କରିଥିଲା। ଯେତେବେଳେ ଏହି ମାମଲା ଗୁରୁତର ହେଲା ସେତେବେଳେ ଉଦିତ ନାରାୟଣ ସ୍ୱୀକାର କରିଥିଲେ ଯେ ରଂଜନା ତାଙ୍କ ପତ୍ନୀ। ନିଷ୍ପତ୍ତି ହେଲା ଯେ ଗାୟକଙ୍କୁ ତାଙ୍କ ଦୁଇ ପତ୍ନୀଙ୍କୁ ଏକାଠି ରଖିବାକୁ ପଡ଼ିବ।
କିପରି ଅଛନ୍ତି ଦୁଇ ପତ୍ନୀ:
ଉଦିତ ନାରାୟଣଙ୍କ ଦୁଇ ପତ୍ନୀ ରଂଜନା ଏବଂ ଦୀପାଙ୍କ ମଧ୍ୟରେ ସମ୍ପର୍କ କିପରି? ଏକ ସାକ୍ଷାତକାରରେ ଉଦିତ ନାରାୟଣ ଏ ବିଷୟରେ କହିଥିଲେ। ଦୀପା ଓ ରଂଜନାଙ୍କ ମଧ୍ୟରେ ସବୁକିଛି ଠିକ ଅଛି ବୋଲି ସେ କହିଥିଲେ। ଉଭୟଙ୍କ ମଧ୍ୟରେ ବିବାଦ କାହିଁକି ହେବ?
ଉଦିତ କହିଥିଲେ ଯେ “ମୁଁ ରଂଜନାକୁ ମାସିକ ଖର୍ଚ୍ଚ ଦେଇଥାଏ। ତେବେ କୌଣସି ବିବାଦ କାହିଁକି ହେବ? ସବୁକିଛି ଠିକ ଅଛି।”
ତେବେ ଉଦିତ ନାରାୟଣଙ୍କର ତାଙ୍କର ପ୍ରଥମ ପତ୍ନୀଙ୍କ ଠାରୁ କୌଣସି ସନ୍ତାନ ନାହିଁ। ତେବେ ପୁଅ ଆଦିତ୍ୟ ନାରାୟଣ ତାଙ୍କର ଦ୍ୱିତୀୟ ପତ୍ନୀଙ୍କ ଠାରୁ ଜନ୍ମ ହୋଇଛନ୍ତି।
