Cancer:ଇନଷ୍ଟାଗ୍ରାମରେ ଅଭିନେତ୍ରୀଙ୍କ ପୋଷ୍ଟ, କହିଲେ ଷ୍ଟେଜ୍ ୪ ଓଲିଗୋ ମେଟାଷ୍ଟାଟିକ୍ କ୍ୟାନସରରେ ମୁଁ ପୀଡିତ..

ଅନେକ ଅଭିନେତା ଓ ଅଭିନେତ୍ରୀ ଏବେ ବି କ୍ୟାନସର ସହ ଲଢ଼ୁଛନ୍ତି । କେତେକ ଏହି କଠିନ ଯାତ୍ରାକୁ ପ୍ରଶଂସକମାନଙ୍କ ସହ ବାଣ୍ଟିଛନ୍ତି। ଏମାନଙ୍କ ମଧ୍ୟରେ ହିନା ଖାନଙ୍କ ଠାରୁ ଆରମ୍ଭ କରି ସୋନାଲି ବେନ୍ଦ୍ରେଙ୍କ ନାମ ରହିଛି। ଏହି ସମୟରେ ସୋସିଆଲ ମିଡିଆରେ ଅଭିନେତ୍ରୀ ତନିଷ୍ଠା ଚାଟାର୍ଜୀ ଏକ ପୋଷ୍ଟ ମାଧ୍ୟମରେ ଷ୍ଟେଜ୍ ୪ ଓଲିଗୋ ମେଟାଷ୍ଟାଟିକ୍ କର୍କଟ ରୋଗରେ ପୀଡ଼ିତ ଥିବା ସୂଚନା ଦେଇଛନ୍ତି ।

ଏହି ପୋଷ୍ଟ ସହିତ ସେ କିଛି ହସୁଥିବା ଫଟୋ ମଧ୍ୟ ସେୟାର କରିଛନ୍ତି, ଯେଉଁଥିରେ ସେ ଜଣାଇଛନ୍ତି ଯେ ସେ ଏହି ରୋଗ ସହ କିପରି ମୁକାବିଲା କରୁଛନ୍ତି। ତାଙ୍କର ୭୦ ବର୍ଷୀୟ ମା’ ଏବଂ ୯ ବର୍ଷୀୟ ଝିଅ ତାଙ୍କ ଉପରେ ସମ୍ପୂର୍ଣ୍ଣ ନିର୍ଭରଶୀଳ। ତନିଷ୍ଠା ଚାଟାର୍ଜୀ ଇନଷ୍ଟାଗ୍ରାମରେ କ୍ୟାପସନରେ ଲେଖିଛନ୍ତି, "ଗତ ୮ ମାସ ଅତ୍ୟନ୍ତ କଷ୍ଟକର ରହିଛି । ମୋ ପିତାଙ୍କୁ କର୍କଟ ରୋଗରେ ହରାଇବା କଣ ଯଥେଷ୍ଟ ନଥିଲା।

୮ ମାସ ପୂର୍ବେ ମୋତେ ଷ୍ଟେଜ୍ ୪ ଓଲିଗୋ ମେଟାଷ୍ଟାଟିକ୍ କର୍କଟ ରୋଗ ହୋଇଥିବା ଜଣାପଡ଼ିଥିଲା । କିନ୍ତୁ ଏହି ପୋଷ୍ଟ ଯନ୍ତ୍ରଣା ବିଷୟରେ ନୁହେଁ। ଏହା ପ୍ରେମ ଓ ଶକ୍ତି ବିଷୟରେ। ଏହାଠାରୁ ଖରାପ ଆଉ କିଛି ହୋଇପାରେ ନାହିଁ। ଜଣେ ୭୦ ବର୍ଷୀୟ ମା’ ଓ ୯ ବର୍ଷୀୟ ଝିଅ... ଦୁହେଁ ମୋ ଉପରେ ସମ୍ପୂର୍ଣ୍ଣ ନିର୍ଭରଶୀଳ। କିନ୍ତୁ ସବୁଠାରୁ କଠିନ ମୁହୂର୍ତ୍ତରେ, ମୋତେ ଏକ ଅସାଧାରଣ ପ୍ରେମର ଅନୁଭବ ହୋଇଛି, ଯାହା ସାମ୍ନାକୁ ଆସିଛି, ଏକ ସ୍ଥାନ ସୃଷ୍ଟି କରିଛି ଏବଂ ମୋତେ କେବେ ଏକା ଅନୁଭବ ହେବାକୁ ଦେଇନାହିଁ।

ଆଗକୁ ସେ ଲେଖିଛନ୍ତି "ମୋତେ ଏହି ପ୍ରେମ ମୋର ଅଦ୍ଭୁତ ବନ୍ଧୁ ଓ ପରିବାରଙ୍କଠାରୁ ମିଳିଛି, ଯାହାଙ୍କର ସମର୍ଥନ ସବୁଠାରୁ କଠିନ ଦିନରେ ମଧ୍ୟ ମୋ ମୁହଁରେ ହସ ଆଣିଛି। ଏଆଇ ଓ ରୋବଟ ଆଡ଼କୁ ଦୌଡ଼ୁଥିବା ଦୁନିଆରେ ଭାବପ୍ରବଣ ମନୁଷ୍ୟମାନଙ୍କର ଅପୂରଣୀୟ ଦୟା ହିଁ ମୋତେ ବଞ୍ଚାଇ ରଖିଛି। ସେମାନଙ୍କର ସହାନୁଭୂତି, ସେମାନଙ୍କ ମେସେଜ, ସେମାନଙ୍କ ଉପସ୍ଥିତି, ସେମାନଙ୍କ ମାନବିକତା ହିଁ ଜୀବନକୁ ଫେରାଇ ଆଣୁଛି।

View this post on Instagram

A post shared by Tannishtha Chatterjee (@tannishtha_c)

ଏହି ପୋଷ୍ଟରେ ସେ ଶବାନା ଆଜମୀ, ଦୀୟା ମିର୍ଜା, କୋଙ୍କଣା ସେନ ଶର୍ମା, ଦିବ୍ୟା ଦତ୍ତା, ଉର୍ମିଳା ମାତୋଣ୍ଡକର, ଋଚା ଚଡ୍ଢା, ସହାନା ଗୋସ୍ୱାମୀ, ଅଲି ଫଜଲ, ସୁନୀତା ରାଜୱାର ଭଳି ସେଲିବ୍ରିଟିଙ୍କ ନାମ ଉଲ୍ଲେଖ କରିଛନ୍ତି। ପ୍ରଶଂସକମାନେ ଏହି ପୋଷ୍ଟକୁ ବେଶ ପସନ୍ଦ କରୁଛନ୍ତି। ସୋସିଆଲ ମିଡିଆରେ ତାଙ୍କ ପୋଷ୍ଟ ଏବେ ଭାଇରାଲ ହେଉଛି ।