LIVE TV
ସଲମାନ ଖାନଙ୍କ ବହୁ ପ୍ରତୀକ୍ଷିତ ଆକ୍ସନ୍ ଥ୍ରୀଲର ଫିଲ୍ମ ‘ସିକନ୍ଦର’ ୩୦ ମାର୍ଚ୍ଚରେ ଇଦ୍ ଅବସରରେ ପ୍ରେକ୍ଷାଳୟରେ ମୁକ୍ତିଲାଭ କରିଛି। ଏଥିରେ ଭାଇଜାନଙ୍କ ସହ ରଶ୍ମିକା ମନ୍ଦାନା, ସତ୍ୟରାଜ, ପ୍ରତୀକ ବାବର, ଶରମନ୍ ଯୋଶୀ ଏବଂ କାଜଲ ଅଗ୍ରୱାଲ ପ୍ରମୁଖ ଭୂମିକାରେ ନଜର ଆସିଛନ୍ତି। ଗତ କିଛି ଦିନ ହେବ ଫିଲ୍ମକୁ ନେଇ ଚର୍ଚ୍ଚା ଜୋର୍ ଧରିଥିଲା।
ଇଦ୍ରେ ବଡ ପରଦାରେ ସଲମାନ ଖାନଙ୍କୁ ଦେଖିବା ପାଇଁ ପ୍ରଶଂସକଙ୍କ ମଧ୍ୟରେ ବହୁତ ଉତ୍ସାହ ଥିଲା। ତେବେ ‘ସିକନ୍ଦର’ର ପ୍ରଥମ ଦିନର ବକ୍ସ ଅଫିସ୍ ରୋଜଗାରକୁ ଦେଖି ଏହାର ପ୍ରଭାବ ଆକଳନ କରାଯାଇପାରେ। ଏହି ଫିଲ୍ମ ସଲମାନ ଖାନଙ୍କ ଅଭିନୀତ ସର୍ବାଧିକ ଆୟ କରିଥିବା ଚଳଚ୍ଚିତ୍ର ମଧ୍ୟରେ ୮ ନମ୍ବରରେ ରହିଛି।
Also Read
ବକ୍ସ ଅଫିସ୍ ଟ୍ରାକର୍ ସାକ୍ନିଲ୍କ ପ୍ରାଥମିକ ତଥ୍ୟ ଅନୁଯାୟୀ, ‘ସିକନ୍ଦର’ ଭାରତରେ ୩୦ କୋଟି ଟଙ୍କା ରୋଜଗାର କରିଛି। ମାର୍ଚ୍ଚ ୩୦ରେ ‘ସିକନ୍ଦର’ ହିନ୍ଦୀରେ ୨୧.୬୦ ପ୍ରତିଶତ ରେକର୍ଡ କରିଛି।
ତେବେ ସଲମାନ ଖାନଙ୍କ 'ସିକନ୍ଦର' ସାରା ବିଶ୍ୱରେ ଓପେନିଂ ହାପ୍ ସେଞ୍ଚୁରୀ ଲଗାଇଦେଇଛି। 'ସିକନ୍ଦର' ପ୍ରଥମ ଦିନରେ ସାରା ବିଶ୍ୱରେ ୫୦ କୋଟି ଟଙ୍କା ପାର କରିଛି। ଯଦିଓ ସଲମାନଙ୍କ ପାଇଁ ଏହା ପ୍ରାୟ ୧୦ ବର୍ଷ ପୂର୍ବେ ଏକ ବଡ ରେକର୍ଡ ହୋଇଥାଇପାରିଥାନ୍ତା, କିନ୍ତୁ ଆଜି ଏହାକୁ ହାରାହାରି ବିବେଚନା କରାଯିବ କାରଣ ବର୍ତ୍ତମାନ ବଲିଉଡ୍ ଚଳଚ୍ଚିତ୍ର କେବଳ ଘରୋଇ ବଜାରରେ ହିଁ ଏହି ସଂଖ୍ୟା କରିଦେଉଛି। ଏହାର ଅର୍ଥ, ସଲମାନଙ୍କ ଫିଲ୍ମ ୨୦୨୫ର ସବୁଠାରୁ ବଡ ଓପେନିଂ କରିବାରେ ସକ୍ଷମ ହୋଇ ନାହିଁ।
ଏକ ରିପୋର୍ଟ ଅନୁଯାୟୀ, 'ସିକନ୍ଦର' ପ୍ରଥମ ଦିନରେ ସାରା ବିଶ୍ୱରେ ୫୪ କୋଟି ଟଙ୍କା ରୋଜଗାର କରିଛି, ଯାହା ଭିକି କୌଶଲଙ୍କ 'ଛାଭା'ଠାରୁ ଟିକେ ଅଧିକ। ‘ଛାଭା’ ପ୍ରଥମ ଦିନରେ ୪୭.୨୫ କୋଟି ଟଙ୍କା ରୋଜଗାର କରିଥିଲା।
ତେବେ 'ସିକନ୍ଦର୍' ସୁପର୍ଷ୍ଟାର ମୋହନଲାଲଙ୍କ 'L2: ଏମ୍ପୁରାନ୍' ସାମ୍ନାରେ ତିଷ୍ଠି ପାରିନି। ଏହି ଫିଲ୍ମ ଚାରି ଦିନ ପୂର୍ବରୁ ୨୦୨୫ ବର୍ଷର ସବୁଠାରୁ ବଡ ଓପେନିଂ କରିବାରେ ରେକର୍ଡ କରିଛି। 'L2: ଏମ୍ପୁରାନ୍' ପ୍ରଥମ ଦିନରେ ୬୭ କୋଟି ଟଙ୍କା ରୋଜଗାର କରିଛି।
ସଲମାନ ଖାନଙ୍କ ପୂର୍ବ ଇଦ୍ ରିଲିଜ୍ ଚଳଚ୍ଚିତ୍ର ବିଷୟରେ କହିବାକୁ ଗଲେ ବଜରଙ୍ଗୀ ଭାଇଜାନ (୨୦୧୫) ୨୬.୬୭ କୋଟି, କିକ୍ (୨୦୧୪) ୨୪.୯୭ କୋଟି ଏବଂ ଦବଙ୍ଗ ୩ (୨୦୧୯) ୨୨.୨୯ କୋଟି ଟଙ୍କାରେ ଓପେନିଂ କରି ରୋଜଗାରର ରେକର୍ଡ ଭାଙ୍ଗିଥିଲା।
ତଥାପି, ଯଦି ଆମେ ‘ସିକନ୍ଦର’ ବିଷୟରେ ଆଲୋଚନା କରିବା, ଇଦ୍ ପୂର୍ବରୁ ରବିବାର ରିଲିଜ୍ ହୋଇଥିବା ଫିଲ୍ମଟି ଭଲ ପ୍ରତିକ୍ରିୟା ପାଇଛି। ସୂଚନାଯୋଗ୍ୟ ଯେ ସିକନ୍ଦରଙ୍କୁ ସୋସିଆଲ ମିଡିଆ ତଥା ସମାଲୋଚକମାନଙ୍କ ଠାରୁ ମିଶ୍ରିତ ସମୀକ୍ଷା ମିଳୁଛି।
