Sidharth And Kiara: ସୋସିଆଲ ମିଡିଆରେ ଜଣାଇଲେ, କହିଲେ ଆମର ଦୁନିଆ ବଦଳିଯାଇଛି

କିଆରା ଓ ସିଦ୍ଧାର୍ଥଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । କିଆରା ମାଆ ହୋଇଛନ୍ତି । ସେ ଏକ ଶିଶୁ କନ୍ୟାକୁ ଜନ୍ମ ଦେଇଛନ୍ତି । ଅଭିନେତା କିଆରା ଆଡ଼ଭାନୀ ଏବଂ ସିଦ୍ଧାର୍ଥ ମାଲହୋତ୍ରାଙ୍କ ଜୀବନରେ ଏକ ନୂଆ ଅଧ୍ୟାୟ ଆରମ୍ଭ ହୋଇଛି ଶିଶୁର ଆଗମନ ସହିତ। ଏହି ସେଲିବ୍ରିଟି ଦମ୍ପତି ବୁଧବାର ଦିନ ଇନଷ୍ଟାଗ୍ରାମରେ ଏକ ପୋଷ୍ଟ ମାଧ୍ୟମରେ ଏହା କନଫର୍ମ କରିଛନ୍ତି । ଲେଖିଛନ୍ତି “Our hearts are full and our world forever changed. We are blessed with a baby girl.”

View this post on Instagram

A post shared by Sidharth Malhotra (@sidmalhotra)

ପୋଷ୍ଟଟି ଗୋଲାପୀ ରଙ୍ଗର । ଏଥିରେ ହୃଦୟ ଏବଂ ତାରା ଚିହ୍ନ ରହିଛି । ଏହି ପୋଷ୍ଟ କିଆରା ଏକ ଶିଶୁ କନ୍ୟା ଜନ୍ମ ଦେଇଥିବା ଖବର ପ୍ରକାଶ ପାଇବା କିଛି ଘଣ୍ଟା ପରେ ଆସିଛି।

ପୋଷ୍ଟ ଶେଷରେ “କିଆରା ଏବଂ ସିଦ୍ଧାର୍ଥ”ଙ୍କ ସ୍ବାକ୍ଷର ରହିଛି । ଫେବୃଆରୀରେ, ସିଦ୍ଧାର୍ଥ ଏବଂ କିଆରା ସେମାନଙ୍କର ପ୍ରଥମ ସନ୍ତାନକୁ ଆଶା କରୁଥିବା ନେଇ ଘୋଷଣା କରିଥିଲେ। ସେମାନେ ଇନଷ୍ଟାଗ୍ରାମରେ ଏକ ଶିଶୁ ଜୋତା ଧରିଥିବା ଫଟୋ ପୋଷ୍ଟ କରି ଏହି ଖବର ସେୟାର କରିଥିଲେ।

ସେମାନେ ଲେଖିଥିଲେ, “ଆମ ଜୀବନର ସବୁଠାରୁ ବଡ଼ ଉପହାର ଶୀଘ୍ର ଆସୁଛି । କିଆରା ନିକଟରେ କାନ୍ସ ଫିଲ୍ମ ଫେଷ୍ଟିଭାଲରେ ପ୍ରଥମ ଥର ପାଇଁ ଭାଗ ନେଇଥିଲେ, ଯେଉଁଠାରେ ସେ ନିଜର ବେବି ବମ୍ପ ପ୍ରଦର୍ଶନ କରିଥିଲେ । ଏହି ଦମ୍ପତି ୨୦୨୦ ରୁ ଡେଟିଂ କରୁଥିବା ବେଳେ ୨୦୨୩ ରେ ରାଜସ୍ଥାନର ଜୟସାଲମେରରେ ବିବାହ କରିଥିଲେ। ୨୦୨୧ରେ ସେମାନେ ଫିଲ୍ମ ‘ଶେରଶାହ’ରେ ଏକାଠି ଅଭିନୟ କରିଥିଲେ।

ଅଧିକ ପଢନ୍ତୁ: ଫିଲ୍ମର ବଜେଟ ୧୫୦୦ କୋଟି, ଏବେବି ଚାଲିଛି ହାଉସଫୁଲ୍