• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Chandan Shishu

ବିବାହ ବନ୍ଧନରେ ଆବଦ୍ଧ ହେଲେ ବଲିଉଡ୍‌ର ଷ୍ଟାର କପଲ୍। ତିନି ବର୍ଷର ଡେଟିଂ, ରୋମାନ୍ସ, ବୁଲାବୁଲି ଓ ପ୍ରେମର ମୁହୂର୍ତ୍ତ ବିତେଇବା ପରେ ବି-ଟାଉନର 'ଶେର୍ଶାହା' ଦମ୍ପତି ପରସ୍ପର ହାତ ଧରିଛନ୍ତି। ଗତ ଦୁଇ ଦିନ ଧରି ରାଜସ୍ଥାନର ଜୈସଲମେରର ସୂର୍ଯ୍ୟଗଡ୍ ମହଲ ସଜ୍ଜା ହୋଇଥିଲା। ଉଭୟଙ୍କ ପରିବାର ସମେତ ଇଣ୍ଡଷ୍ଟ୍ରିର ଅନେକ ପ୍ରତିଷ୍ଠିତ ବ୍ୟକ୍ତିତ୍ୱ ମଧ୍ୟ ଷ୍ଟାର୍‌ କପଲଙ୍କ ବିବାହରେ ଯୋଗ ଦେଇଛନ୍ତି। 

ବିବାହ ସ୍ଥାନର ଭିଡିଓ ଏବଂ ଫଟୋ ସୋସିଆଲ ମିଡିଆ ରେ ଭାଇରାଲ ହେବାରେ ଲାଗିଛି। ପୂର୍ବରୁ, ଯେଉଁଠାରେ ହଳଦୀ ମଖା କାର୍ଯ୍ୟର ଭିଡିଓ ଭାଇରାଲ ହୋଇଥିଲା। ବର୍ତ୍ତମାନ ସିଦ୍ଧାର୍ଥ ମଲହୋତ୍ରାଙ୍କ ‘ବ୍ୟାଣ୍ଡ୍‌ ବାଜା ବାରାତ’ର ଭିଡିଓ ମଧ୍ୟ ପ୍ରଶଂସକଙ୍କ ସାମ୍ନାକୁ ଆସିଛି। ବର୍ତ୍ତମାନ ସୋସିଆଲ୍‌ ମିଡିଆରେ ଏହି ଭିଡିଓ ଭାଇରାଲ୍‌ ହେବାରେ ଲାଗିଛି।

ପୂର୍ବରୁ ସୋସିଆଲ ମିଡିଆ ରେ ଏହି ବିବାହର ହଳଦୀ ଉତ୍ସବର ଏକ ଭିଡିଓ ଭାଇରାଲ ହୋଇଥିଲା, ଯେଉଁଥିରେ କଦଳୀ ସାଜସଜ୍ଜାର ଝଲକ ଦେଖିବାକୁ ମିଳିଥିଲା। ଏହା ପରେ କିଆରା ଆଡଭାନୀ ଏବଂ ସିଦ୍ଧାର୍ଥ ମଲହୋତ୍ରାଙ୍କ ବିବାହ ପ୍ରସ୍ତୁତିର ସୁରକ୍ଷା ଆହୁରି ବୃଦ୍ଧିପାଇଛି। ଏଥିସହିତ ଅତିଥିମାନଙ୍କ ଫୋନ୍‌ରେ ଏକ କଳା କଭର ଲଗାଯାଇଛି।