ରବିବାର ସକାଳେ ବଲିଉଡ୍ ସୁପର୍ଷ୍ଟାର୍ ସଲମାନ ଖାନଙ୍କୁ ମୁମ୍ବାଇ ବିମାନବନ୍ଦରରେ ଦେଖିବାକୁ ମିଳିଥିଲା। ଏଥର କିନ୍ତୁ ତାଙ୍କର ଦୀର୍ଘଦିନର ସୁରକ୍ଷା କର୍ମୀ ଶେରାଙ୍କ ଯୋଗୁଁ ଅନ୍ଲାଇନ୍ରେ ଝଡ଼ ସୃଷ୍ଟି ହୋଇଛି।
ଘଟଣାସ୍ଥଳର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେଉଛି, ଯେଉଁଥିରେ ଶେରା କ୍ରୋଧର ସହ ସଲମାନଙ୍କ ପାଇଁ ରାସ୍ତା କାଢୁଛନ୍ତି। ଏହି ସମୟରେ ସେ ଫଟୋଗ୍ରାଫରଙ୍କ ଉପରେ ପାଟିକରିବା ଏବଂ କିଛି ଲୋକଙ୍କୁ ଠେଲାପେଲା କରୁଥିବାର ନଜର ଆସନ୍ତି। ତାଙ୍କ 'ମାଲିକ' ଯେପରି କୌଣସି ଅସୁବିଧାର ସମ୍ମୁଖୀନ ନ ହୁଅନ୍ତି, ସେଥିପାଇଁ ଶେରା ଏହା କରୁଥିଲେ।
Also Read
ଏହି ଭାଇରାଲ୍ ଭିଡିଓରେ ଦେଖାଯାଏ ଯେ ଶେରାଙ୍କୁ ନିୟନ୍ତ୍ରଣ କରିବା ପାଇଁ ସଲମାନଙ୍କ ପକ୍ଷରୁ କୌଣସି ହସ୍ତକ୍ଷେପ କରାଯାଉ ନାହିଁ। ସୋସିଆଲ ମିଡିଆ ପ୍ଲାଟ୍ଫର୍ମରେ ଭାଇରାଲ ହେଉଥିବା ଭିଡିଓରେ, ସଲମାନ୍ ଖାନ୍ ଆଗକୁ ଆଗକୁ ଚାଲୁଥିବା ବେଳେ ଶେରା (ପ୍ରକୃତ ନାଁ ଗୁରମୀତ ସିଂହ ଜଲି) ଚିତ୍କାର କରୁଥିବା ଶୁଣାଯାଏ, "କୋଇ ନେହିଁ ଚାହିୟେ..."। ଆଉ କିଛି ମୁହୂର୍ତ୍ତ ପରେ, ସେ ଫଟୋଗ୍ରାଫର୍ମାନଙ୍କୁ ଆଦେଶ ଦେଉଛନ୍ତି ଯେ "ସବ୍ ଇଧର୍ ଆ ଜାଓ, ଚଲୋ!"
ଅଧିକ ପଢ଼ନ୍ତୁ: ସଲମାନ ଖାନଙ୍କୁ ପୁଣି ହତ୍ୟା ଧମକ, ଉଡ଼ାଇଦେବୁ କାର୍
ଏହି ସମୟରେ ଏକ ଦମ୍ଦାର୍ ଷ୍ଟାଇଲ୍ରେ ସିକନ୍ଦର ଷ୍ଟାର ଗଣମାଧ୍ୟମକୁ ସ୍ୱୀକାର ନକରି କିମ୍ବା ତାଙ୍କ ଚାରିପାଖରେ ଥିବା ବିଶୃଙ୍ଖଳା ପ୍ରତି ପ୍ରତିକ୍ରିୟା ନ ଦେଇ ନିଜ କାର୍ ଆଡ଼କୁ ଯାଉଥିବାର ଦେଖାଯାଏ।
ସୁରକ୍ଷା କର୍ମୀ ଶେରା ପ୍ରାୟତଃ ସୁପରଷ୍ଟାରଙ୍କୁ ଭିଡ଼ ଏବଂ ପ୍ରଶଂସକଙ୍କଠାରୁ ସୁରକ୍ଷା ଦେବା ଦେଖାଯାଏ। କିନ୍ତୁ ଗତ କିଛି ବର୍ଷ ମଧ୍ୟରେ ତାଙ୍କର ଆକ୍ରମଣାତ୍ମକ ରୂପ ପୂର୍ବରୁ କେବେ ଦେଖାଯାଇ ନାହିଁ, ଯେପରି ଏବେ ଏହି ଭିଡିଓରେ ଦେଖାଯାଉଛି।
ପ୍ରକାଶଥାଉ ଯେ ସଲମାନ ଖାନଙ୍କୁ ପୁଣି ହତ୍ୟା ଧମକ ମିଳିଛି। ସଲମାନଙ୍କ କାର୍ରେ ବୋମା ଲଗାଇ ଉଡ଼ାଇ ଦେବାକୁ ମିଳିଛି ଧମକ। ମହାରାଷ୍ଟ୍ର ପରିବହନ ବିଭାଗର ହ୍ୱାଟ୍ସଆପ୍ରେ ଆସିଛି ମେସେଜ୍। ହ୍ୱାଟ୍ସଆପ୍ରେ ମେସେଜ୍ ଲେଖି ଧମକ ଦେଇଛି ଦୁର୍ବୃତ୍ତ। ଏହାପରେ ଭାଇଜାନଙ୍କ ସୁରକ୍ଷା ବଢ଼ାଇ ଦେଇଛନ୍ତି ସରକାର।
ପୂର୍ବରୁ ଲରେନ୍ସ ବିଷ୍ଣୋୟୀ ଗ୍ୟାଙ୍ଗ୍ ସଲମାନଙ୍କ ଉପରକୁ ଆକ୍ରମଣ ଉଦ୍ୟମ କରିଥିଲା। ଏହାପରେ ବାନ୍ଦ୍ରା ଘର ଉପରକୁ ଗୁଳି ମାଡ଼ ବି ହୋଇଥିଲା। ସଲମାନଙ୍କ ଜୀବନ ଉପରେ ବିପଦ ଥିବାରୁ ସୁରକ୍ଷା ବଢ଼ାଇଛନ୍ତି ସରକାର।
ଯଦି ଆମେ ସଲମାନଙ୍କ କାମର କଥା କହିବା, ତେବେ ତାଙ୍କ ଫିଲ୍ମ ‘ସିକନ୍ଦର’ ଇଦ୍ରେ ମୁକ୍ତିଲାଭ କରିବା ସତ୍ତ୍ୱେ ଦର୍ଶକଙ୍କୁ ପ୍ରଭାବିତ କରିପାରି ନାହିଁ। ଏହା ଏ.ଆର୍. ମୁରୁଗାଦାସଙ୍କ ଦ୍ୱାରା ନିର୍ଦ୍ଦେଶିତ ହୋଇଥିଲା ଏବଂ ରିଲିଜ୍ ପୂର୍ବରୁ ଚର୍ଚ୍ଚା ହେଉଥିଲେ ମଧ୍ୟ ଫିଲ୍ମଟି ବକ୍ସ ଅଫିସରେ ସେମିତି କାମ କରିଲା ନାହିଁ।
ଏହି ଫିଲ୍ମଟି ଏପର୍ଯ୍ୟନ୍ତ କେବଳ ୧୦୦ କୋଟି ଟଙ୍କା ଅତିକ୍ରମ କରିପାରିଛି। ଏହି ଆକ୍ସନ୍-ଡ୍ରାମାରେ ରଶ୍ମିକା ମନ୍ଦାନା, କାଜଲ ଅଗ୍ରୱାଲ, ସତ୍ୟରାଜ, ଶର୍ମନ୍ ଯୋଶୀ, ପ୍ରତୀକ ବାବର, ଅଞ୍ଜିନି ଧୱନ ଏବଂ ଜତିନ୍ ସରନାଙ୍କ ସମେତ ଅନେକ ଭଲ ଭଲ ଷ୍ଟାର୍ ଥିଲେ ମଧ୍ୟ ଏହା ଦର୍ଶକଙ୍କ ମନରେ ଉତ୍ସାହ ସୃଷ୍ଟି କରିବାରେ ବିଫଳ ହୋଇଥିଲା।