Salman Khan Begins Sikandar Shooting: ମିଳୁଛି ଲଗାତର ଧମକ, ଡର ନାହିଁ: ହାଇଦ୍ରାବାଦରେ 'ସିକନ୍ଦର' ପାଇଁ ସୁଟିଂ କଲେ ସଲମାନ

ସୋମବାର ବିଳମ୍ବିତ ରାତିରେ ଲରେନ୍ସ ବିଷ୍ଣୋଇ ଗ୍ୟାଙ୍ଗରୁ ସୁପରଷ୍ଟାର ସଲମାନ ଖାନଙ୍କୁ ପୁଣି ଥରେ ମୃତ୍ୟୁ ଧମକ ମିଳିଛି। ତେବେ ଏହି ସମୟରେ ହାଇଦ୍ରାବାଦରେ କଡା ସୁରକ୍ଷା ମଧ୍ୟରେ ଭାଇଜାନ ତାଙ୍କ ଆଗାମୀ ଫିଲ୍ମ 'ସିକନ୍ଦର'ର ସୁଟିଂ କରିଛନ୍ତି।

ଫିଲ୍ମର ସେଟ୍‌ରୁ କିଛି ଭିଡିଓ ସାମ୍ନାକୁ ଆସିଛି ଯେଉଁଥିରେ ସଲମାନ ଖାନଙ୍କ କୋ-ଷ୍ଟାର୍‌ ରଶ୍ମିକା ମନ୍ଦାନା ସୁଟିଂ କରୁଥିବା ଦେଖିବାକୁ ମିଳିଛି।

ରିପୋର୍ଟ ଅନୁଯାୟୀ ସୋସିଆଲ ମିଡିଆ ପ୍ଲାଟଫର୍ମ X ରେ ଏକ ଭିଡିଓ ଲିକ୍ ହୋଇଛି ଯେଉଁଥିରେ ମନିଟର୍‌ରେ ରଶ୍ମିକା ମନ୍ଦାନାଙ୍କ ଦୃଶ୍ୟ ଦେଖିବାକୁ ମିଳୁଛି। ଏହି ଦୃଶ୍ୟରେ, ରଶ୍ମିକା ତାଙ୍କ କୋ-ଷ୍ଟାର୍‌ଙ୍କ ଆଗରେ ଏକ ମନୋଲଗ୍ କହୁଥିବାର ନଜର ଆସିଛନ୍ତି।

ଅଧିକ ପଢ଼ନ୍ତୁ: Salman Khan Death Threat: ସଲମାନଙ୍କୁ ପୁଣି ହତ୍ୟା ଧମକ; ମନ୍ଦିରରେ କ୍ଷମା ମାଗ କିମ୍ବା ୫ କୋଟି ଦିଅ, ନଚେତ୍‌....

Exclusive video from the set of #Sikandar#SalmanKhan@BeingSalmanKhan@iamRashmika@MsKajalAggarwal

pic.twitter.com/vuMHgKvVKN

— 𝐁𝐄𝐈𝐍𝐆 𝐓𝐈𝐆𝐄𝐑…🐅!!! (@Only4Salman27) November 4, 2024

ଅନ୍ୟ ଏକ ଭାଇରାଲ୍ କ୍ଲିପ୍‌ରେ ସଲମାନ ଖାନଙ୍କ କନ୍‌ଭୋକୁ ସେହି ସ୍ଥାନରେ ଦେଖିବାକୁ ମିଳିଛି। ସଲମାନ ଏବଂ ରଶ୍ମିକା ବର୍ତ୍ତମାନ ହାଇଦ୍ରାବାଦର ପ୍ରସିଦ୍ଧ ଫଲକନୁମା ପ୍ୟାଲେସ୍‌ରେ ଫିଲ୍ମର ସୁଟିଂ କରୁଛନ୍ତି।

A Video Directly From #Sikandar's Palace 💥🥵

Rolls-Royce Khadi Hai Canon Hai

Kuch Bhi Kaho #SalmanKhan's Movies Onset/ bts / shooting locations >>> sk movies final output. pic.twitter.com/4v0ixN64bs

— Aman Verma (@cinebaap_yt) November 4, 2024

ଅନେକ ଥର ଧମକ:

ଗତ କିଛି ମାସ ମଧ୍ୟରେ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ ଗ୍ୟାଙ୍ଗ୍‌ରୁ ସଲମାନ ଖାନଙ୍କୁ ଅନେକ ଥର ମୃତ୍ୟୁ ଧମକ ମିଳିଛି। କଳା ହରିଣ ଶିକାର ସମସ୍ୟା ହେତୁ ସଲମାନଙ୍କ ସହ ତାଙ୍କର ଶତ୍ରୁତା ବୋଲି ଦାବି କରାଯାଇଛି। ସୂଚନା ମୁତାବକ ଲରେନ୍ସ ସଲମାନଙ୍କୁ ରାଜସ୍ଥାନର ବିଷ୍ଣୋଇ ସମ୍ପ୍ରଦାୟର ମନ୍ଦିରକୁ ଯାଇ କ୍ଷମା ମାଗିବାକୁ ଦାବି କରିଛନ୍ତି ଏବଂ ଯଦି ସେ ଏହା ନ କରନ୍ତି ତେବେ ତାଙ୍କୁ ଭୟଙ୍କର ପରିଣାମ ଭୋଗିବାକୁ ପଡ଼ିବ ବୋଲି ଧମକ ମିଳିଛି।

ବଢିଲା ସୁରକ୍ଷା:

ତାଙ୍କୁ ମିଳିଥିବା ଧମକ ଯୋଗୁଁ ମୁମ୍ବାଇ ପୋଲିସ ସଲମାନ ଖାନଙ୍କ ସୁରକ୍ଷା ବୃଦ୍ଧି କରିଛି। ନିକଟରେ ବିଧାୟକ ବାବା ସିଦ୍ଦିକିଙ୍କ ହତ୍ୟା ଲରେନ୍ସ ବିଷ୍ଣୋଇ ଏବଂ ସଲମାନ ଖାନଙ୍କ ମଧ୍ୟରେ ବିବାଦ ସହ ଜଡିତ ହୋଇପାରେ ବୋଲି ପୋଲିସ ବିଶ୍ୱାସ କରିଛି।

'ସିଂଘମ୍ ଏଗେନ୍'ରେ କେମୈଓ:

ବର୍ତ୍ତମାନ ସଲମାନ ଖାନଙ୍କୁ ରୋହିତ ଶେଟ୍ଟୀଙ୍କ 'ସିଂଘମ୍ ଏଗେନ୍'ରେ ଚୁଲ୍‌ବୁଲ୍‌ ପାଣ୍ଡେ ଭୂମିକାରେ ଦେଖିବାକୁ ମିଳିଛି। ଦୀପାବଳିରେ ଏହି ଆକ୍ସନ୍-ଡ୍ରାମା ଫିଲ୍ମ ମୁକ୍ତିଲାଭ କରିଛି ​​ଯେଉଁଥିରେ ଅଜୟ ଦେବଗନ୍, କରୀନା କପୁର, ଦୀପିକା ପାଦୁକୋନ୍, ରଣବୀର ସିଂହ, ଅର୍ଜୁନ କପୁର ଏବଂ ଟାଇଗର ଶ୍ରଫ୍ ଭଳି ତାରକା ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି। ସଲମାନ ଖୁବ୍ ଶୀଘ୍ର ସ୍ପାଇ ୟୁନିଭର୍ସ ଫିଲ୍ମ 'ଟାଇଗର ବନାମ ପଠାନ' ପାଇଁ ସୁଟିଂ ଆରମ୍ଭ କରିବେ।

ସିକନ୍ଦର ସେଟ୍‌ରୁ ଭିଡିଓ ଭାଇରାଲ୍‌:

‘ସିକନ୍ଦର’ ସେଟ୍‌ରୁ ଅନେକ ଭିଡିଓ ସୋସିଆଲ ମିଡିଆରେ କ୍ରମାଗତ ଭାବେ ପ୍ରକାଶ ପାଉଛି। ଏହି ଭିଡିଓକୁ ସଲମାନଙ୍କ ଜଣେ ପ୍ରଶଂସକ ସୋସିଆଲ ମିଡିଆରେ ଶେୟାର କରିଛନ୍ତି। ଏହି ଭିଡିଓରେ ଫଲକ୍‌ନୁମା ପ୍ୟାଲେସ୍ ଦୃଶ୍ୟମାନ ହେଉଛି।

Ye Salim Kaun Hai?#Sikandar shoot in Hyderabad 🔥

pic.twitter.com/5D8gPw24Zv

— Aman Verma (@cinebaap_yt) November 4, 2024

ଏହା ପରେ ଏକ ଓବି ଭ୍ୟାନ୍ ଦୃଶ୍ୟମାନ ହୁଏ, ଯାହା ଉପରେ ଏହା ସ୍ପଷ୍ଟ ଭାବରେ ଲେଖା ହୋଇଛି - ସିକନ୍ଦର - ସଲିମ୍ - ନାଡିୟାୱାଲା। ଏହି ଭିଡିଓରୁ ପ୍ରଶଂସକମାନେ ଅନୁମାନ କରୁଛନ୍ତି ଯେ ଫିଲ୍ମରେ ସଲମାନ ଖାନଙ୍କ ନାଁ ସଲିମ ହେବ କି?

ଫିଲ୍ମ ସିକନ୍ଦର୍:

ସାଜିଦ୍ ନାଡିୟାଡ୍‌ୱାଲା ସଲମାନ ଖାନଙ୍କ ‘ସିକନ୍ଦର’ ନିର୍ମାଣ କରୁଥିବା ବେଳେ ଆର୍ ମୁରୁଗାଦାସ ଏହାର ନିର୍ଦ୍ଦେଶନାରେ ଅଛନ୍ତି। ଏହି ଚଳଚ୍ଚିତ୍ରରେ ସୁନୀଲ ଶେଟ୍ଟୀ, କାଜଲ ଅଗ୍ରୱାଲ, ଶର୍ମନ ଯୋଶୀ ଏବଂ ପ୍ରତୀକ ବାବରଙ୍କ ସମେତ ଅନେକ କଳାକାର ନଜର ଆସିବେ। ତେବେ ସଲମାନଙ୍କ ପ୍ରଶଂସକମାନେ ତାଙ୍କ ଫିଲ୍ମ ‘ସିକନ୍ଦର’ ରିଲିଜକୁ ଉତ୍ସାହର ସହିତ ଅପେକ୍ଷା କରିଛନ୍ତି।

ଅଧିକ ପଢ଼ନ୍ତୁ: Salman Khan: ସଲମାନ କହିଲେ ‘ମୁଁ କଳା ହରିଣ ଶିକାର କରି ନାହିଁ’; ଭାଇରାଲ୍ ହେଉଛି ଭିଡିଓ