Salman Khan: ସଲମାନଙ୍କ ଏଭଳି ଅନ୍ଦାଜ, ପୂର୍ବରୁ କେବେ ଦେଖିନଥିବେ...ଭିଡିଓ ଭାଇରାଲ

ଗଣେଶ ଚତୁର୍ଥୀର ଧୂମ୍ ଏବର୍ଷ ମଧ୍ୟ ପ୍ରତିବର୍ଷ ପରି ଦେଖିବାକୁ ମିଳିଥିଲା। ବଲିଉଡ୍‌ରୁ ଆରମ୍ଭ କରି ଟିଭି ତାରକାମାନେ ନିଜ ଘରେ ଗଣପତିଙ୍କ ସ୍ୱାଗତ କରିଥିଲେ। ଏବେ ଧୀରେ ଧୀରେ ବାପ୍ପାଙ୍କୁ ବିଦାୟ ଦେବାର ସମୟ ମଧ୍ୟ ଆସିଯାଇଛି। ଏହାର ଏକ ଝଲକ ଅର୍ପିତା ଖାନଙ୍କ ଘରେ ମଧ୍ୟ ଦେଖିବାକୁ ମିଳିଥିଲା, ଯେଉଁଥିରେ ସମଗ୍ର ଖାନ ପରିବାର ସାମିଲ ହୋଇଥିଲେ।

ଏକ ଭିଡିଓ ସୋସିଆଲ ମିଡିଆରେ ସାମ୍ନାକୁ ଆସିଛି, ଯେଉଁଥିରେ ସଲମାନ ଖାନ ଢୋଲ ଓ ନଗାଡ଼ାର ତାଳେ ତାଳେ ନିଜ ଭଣଜା-ଭାଣିଜୀ ମାନଙ୍କ ସହ ନାଚୁଥିବାର ଦେଖାଯାଇଛି। ଏହି ଅବସରରେ ସୋନାକ୍ଷୀ ସିନ୍ହା ମଧ୍ୟ ତାଙ୍କ ସ୍ୱାମୀ ଜାହିର ଇକବାଲଙ୍କ ସହ ଗଣପତି ବିସର୍ଜନରେ ସାମିଲ ହୋଇଥିଲେ ।

ଅର୍ପିତା ଖାନଙ୍କ ଘରେ ଗଣପତି ବିସର୍ଜନର ଭିଡିଓରେ ସଲମାନ ଖାନ ନୀଳ ରଙ୍ଗର ଟି-ସାର୍ଟ ଓ ଜିନ୍ସରେ ଢୋଲ ଓ ନଗାଡ଼ାର ତାଳରେ ନାଚୁଥିବାର ଦେଖାଯାଇଛନ୍ତି। ତାଙ୍କ ସହ ଅର୍ପିତା ଖାନ ଲାଲ ରଙ୍ଗର ସୁଟ୍‌ରେ ନାଚୁଥିବାର ଦେଖାଯାଇଛନ୍ତି। ସେହିପରି ସଲମାନ ଖାନ ତାଙ୍କ ଭଣଜା-ଭାଣିଜୀମାନଙ୍କ ସହ ମଜା କରୁଥିବାର ମଧ୍ୟ ଦେଖାଯାଇଛନ୍ତି।

ଏହା ବ୍ୟତୀତ ଭିଡିଓରେ ଜାହିର ଇକବାଲ ସବୁଜ ରଙ୍ଗର କୁର୍ତାରେ ଓ ସୋନାକ୍ଷୀ ଧଳା ରଙ୍ଗର ସୁଟ୍‌ରେ ଦେଖାଯାଇଛନ୍ତି। ଏହି ଭିଡିଓକୁ ପ୍ରଶଂସକମାନେ ବେଶ୍‌ ପସନ୍ଦ କରୁଛନ୍ତି। କମେଣ୍ଟ ସେକ୍ସନରେ ପ୍ରଶଂସକମାନେ ‘ଗଣପତି ବାପ୍ପା ମୋରିୟା’ ଲେଖୁଥିବାର ଦେଖାଯାଇଛନ୍ତି ଏବଂ ସଲମାନ ଖାନଙ୍କୁ ‘କ୍ୟୁଟ୍’ ବୋଲି ମଧ୍ୟ କହୁଛନ୍ତି।

View this post on Instagram

A post shared by Manav Manglani (@manav.manglani)

ଏବେ ସଲମାନ ଖାନ ବିଗ୍‌ ବସ୍‌ ୧୯ର ହୋଷ୍ଟ ଭାବେ ଦେଖାଯାଉଛନ୍ତି। ଫିଲ୍ମ କଥା କହିବାକୁ ଗଲେ, ‘ସିକନ୍ଦର’ ପରେ ସଲମାନ ଖାନ ‘ବ୍ୟାଟଲ ଅଫ୍‌ ଗଲୱାନ’ରେ ଦେଖାଯିବେ।