ଏସ୍ଏସ୍ ରାଜାମୌଲି ବର୍ତ୍ତମାନ ଖୁବ୍ ଚର୍ଚ୍ଚାରେ। ଏହା ପଛର କାରଣ ହେଉଛି ତାଙ୍କର ପରବର୍ତ୍ତୀ ବଡ ପ୍ରୋଜେକ୍ଟ୍, ‘SSMB29’। ଏହି ଚଳଚ୍ଚିତ୍ରର ସୁଟିଂ ଏପର୍ଯ୍ୟନ୍ତ ଆରମ୍ଭ ହୋଇନାହିଁ, କିନ୍ତୁ ଏହା ଭାରତୀୟ ସିନେମାର ସବୁଠାରୁ ମହଙ୍ଗା ଚଳଚ୍ଚିତ୍ର ବୋଲି ବିବେଚନା କରାଯାଏ, ଯାହାର ବଜେଟ୍ ୧୦୦୦ କୋଟି ଟଙ୍କା ବୋଲି କୁହାଯାଉଛି।
ଅନ୍ୟପକ୍ଷରେ ଖବର ଆସିଛି ଯେ ରାଜାମୌଲି ମଧ୍ୟ 'ମହାଭାରତ' ଉପରେ କାମ ଆରମ୍ଭ କରିବାକୁ ଯାଉଛନ୍ତି ଏବଂ ଏଥିପାଇଁ ସେ ଅମୀର ଖାନଙ୍କ ସହ ଯୋଗାଯୋଗ କରିଛନ୍ତି।
Also Read
ଅଧିକ ପଢ଼ନ୍ତୁ: ନିର୍ମାତାଙ୍କ ବଡ଼ ଘୋଷଣା; ୨୦ ମିନିଟ୍ ଅଧିକ ଯୋଡ଼ାଯିବ, ଏହି ଦିନ ରିଲୋଡ୍
'ମହାଭାରତ'କୁ ନେଇ ରାଜାମୌଲିଙ୍କ ସ୍ୱପ୍ନ:
ଏକ ରିପୋର୍ଟରୁ ଜଣାପଡିଛି ଯେ ରାଜାମୌଲି ୧୦୦୦ କୋଟି ଟଙ୍କାର ଫିଲ୍ମ ସୁଟିଂ ପୂର୍ବରୁ ମଧ୍ୟ ତାଙ୍କର ପରବର୍ତ୍ତୀ ଚଳଚ୍ଚିତ୍ରର ଯୋଜନା ଆରମ୍ଭ କରିଦେଇଛନ୍ତି। ତେବେ ଏହା ଉପରେ କାମ SSMB29 ପରେ ହିଁ ଆରମ୍ଭ ହେବ। ରାଜାମୌଲି ସବୁବେଳେ 'ମହାଭାରତ' ଉପରେ ଏକ ଚଳଚ୍ଚିତ୍ର ନିର୍ମାଣ କରିବାକୁ ଚାହୁଁଥିଲେ।
ସେ କହିଥିଲେ ଯେ 'ବାହୁବଲୀ' ପରେ ସେ 'ମହାଭାରତ' ଉପରେ କାମ କରିବାକୁ ଚାହୁଁଥିଲେ, କିନ୍ତୁ ସେତେବେଳେ ଏହି ପ୍ରୋଜେକ୍ଟଟି ଅତ୍ୟନ୍ତ ବିପଦପୂର୍ଣ୍ଣ ମନେ ହେଉଥିଲା ତେଣୁ ସେ ଏହାକୁ ବନ୍ଦ କରି 'RRR' ଉପରେ ଧ୍ୟାନ ଦେଇଥିଲେ। ବର୍ତ୍ତମାନ ରାଜାମୌଲି ଅନୁଭବ କରୁଛନ୍ତି ଯେ ଏହା ହେଉଛି ତାଙ୍କର ଶେଷ ସୁଯୋଗ।
ଅଧିକ ପଢ଼ନ୍ତୁ: ଆସିଲା ‘ଗେମ୍ ଚେଞ୍ଜର୍’ର ଦମଦାର ଟ୍ରେଲର; ଆକ୍ସନ୍ ଅବତାରରେ ରାମ ଚରଣ
ସେ କହିଛନ୍ତି ଯେ “ଯଦି ବର୍ତ୍ତମାନ 'ମହାଭାରତ' ଉପରେ କାମ କରିବା ଆରମ୍ଭ ନ କରେ, ତେବେ ଏହା ଆଦୌ କରି ପାରିବି ନାହିଁ।” କିନ୍ତୁ ଏପର୍ଯ୍ୟନ୍ତ ଏହାକୁ ନେଇ କୌଣସି ଅଫିସିଆଲ୍ ଘୋଷଣା କରାଯାଇ ନାହିଁ।
'SSMB29' ପରେ 'ମହାଭାରତ':
ରାଜାମୌଲି ବର୍ତ୍ତମାନ 'SSMB29' ରେ କାମ କରୁଛନ୍ତି। ଏହା ଏକ ଜଙ୍ଗଲ ଦୁନିଆର ଆଡ୍ଭେଞ୍ଚର୍ ଫିଲ୍ମ ହେବ। ଏହି ଫିଲ୍ମରେ ମହେଶ ବାବୁ ମୁଖ୍ୟ ଭୂମିକାରେ ନଜର ଆସିବେ।
ନିକଟରେ ଫିଲ୍ମର ପୂଜା ସମାରୋହ ଅନୁଷ୍ଠିତ ହୋଇଥିଲା ଏବଂ ପ୍ରଶଂସକମାନେ ଆଶା କରୁଥିଲେ ଯେ ରାଜାମୌଲି କିଛି ବଡ ଘୋଷଣା କରିବେ। କିନ୍ତୁ ନିର୍ମାତା କୌଣସି ବିଶେଷ ଘୋଷଣା କରିନାହାଁନ୍ତି। ଏହା ସତ୍ତ୍ୱେ ପ୍ରଶଂସକମାନେ ଏହି ଦୁଇଟି ପ୍ରୋଜେକ୍ଟ ବିଷୟରେ ଶୁଣି ବହୁତ ଖୁସି ଅଛନ୍ତି।
'ମହାଭାରତ'କୁ ନେଇ ଅମୀରଙ୍କ ଯୋଜନା:
୨୦୧୮ ମସିହାରେ ଲେଖକ ଅଞ୍ଜୁମ ରାବାବଲି କହିଥିଲେ ଯେ, ଅମୀର ଖାନ ମଧ୍ୟ 'ମହାଭାରତ'ରେ କାମ କରିବାକୁ ଚାହୁଁଛନ୍ତି। ତେବେ ଅମୀର ଖାନ କହିଥିଲେ ଯେ ସେ ଏହି ଫିଲ୍ମ ନିର୍ମାଣ କରିବାକୁ ଡରୁଛନ୍ତି, କାରଣ ସେ ଏହାକୁ ଏପରି କରିବାକୁ ଚାହୁଁଛନ୍ତି ଯେ ସମସ୍ତେ ଯେପରି ଗର୍ବ ଅନୁଭବ କରିବେ।
କିନ୍ତୁ ସେ ସବୁବେଳେ ଭୟ କରନ୍ତି ଯେ ଯେପରି ସେମିତି କିଛି ଭୁଲ ନ ହେଉ। ଚଳିତ ବର୍ଷ ଅମୀରଙ୍କର ଦୁଇଟି ବଡ଼ ଚଳଚ୍ଚିତ୍ର ଆସୁଛି – ତାଙ୍କ ନିଜ ପ୍ରଡକ୍ସନ୍ର 'ଲାହୋର୍ ୧୯୪୭' 'ସୀତାରେ ଜମିନ୍ ପର' ଖୁବ ଶୀଘ୍ର ରିଲିଜ୍ ହେବାକୁ ଯାଉଛି।
ଯଦି ରାଜାମୌଲି 'ମହାଭାରତ' ଉପରେ କାମ ଆରମ୍ଭ କରିବା ନେଇ ଘୋଷଣା କରିବେ, ତେବେ ଏହା ନିଶ୍ଚିତ ଭାବରେ ବଲିଉଡ୍ର ସବୁଠୁ ବଡ ପ୍ରୋଜେକ୍ଟ ହେବ।