/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)
/odishatv-khabar/media/member_avatars/uploadimage/library/16_9/16_9_1/IMAGE_1626676223.jpg )
/odishatv-khabar/media/post_attachments/uploadimage/library/16_9/16_9_0/IMAGE_1732538416.jpg)
pushpa 2 new song kissik released fans compared with o antava
ଫିଲ୍ମ 'ପୁଷ୍ପା : ଦି ରୁଲ୍'ର ବିସ୍ଫୋରକ ଟ୍ରେଲର କିଛି ଦିନ ପୂର୍ବରୁ ପାଟନାରେ ମୁକ୍ତିଲାଭ କରିଥିଲା ଯାହା ସାରା ଦେଶରେ ଦର୍ଶକଙ୍କ ମଧ୍ୟରେ ଆଲୋଡ଼ନ ସୃଷ୍ଟି କରିଥିଲା। ଦର୍ଶକଙ୍କ ଉତ୍ସାହ ଏବଂ ରୋମାଞ୍ଚ୍ ମଧ୍ୟରେ ଫିଲ୍ମର ନୂଆ ଗୀତ 'କିସ୍ ଇକ୍' ମୁକ୍ତିଲାଭ କରିଛି। ଜାତୀୟ ପୁରସ୍କାର ବିଜେତା ଅଲୁ ଅର୍ଜୁନ ଏବଂ ଶ୍ରୀଲୀଲାଙ୍କ ଯୋଡି ସେମାନଙ୍କର ଶକ୍ତିଶାଳୀ ପ୍ରଦର୍ଶନ ସହିତ ମଞ୍ଚରେ ଆଲୋଡ଼ନ ସୃଷ୍ଟି କରିଛନ୍ତି।
ଫିଲ୍ମ 'ପୁଷ୍ପା : ଦି ରୁଲ୍'ର କିସ୍ ଇକ୍ ଗୀତ ରିଲିଜ ହେବା ମାତ୍ରେ ସୋସିଆଲ ମିଡିଆରେ ଲୋକପ୍ରିୟ ହୋଇଛି। ଏହା ଆଶା କରାଯାଉଥିବା ଠାରୁ ମଧ୍ୟ ଭଲ ପ୍ରଦର୍ଶନ କରିଛି। ଏହା କହିବା ଉଚିତ୍ ଯେ ଏହି ଜବରଦସ୍ତ ଗୀତରେ ଶ୍ରୀଲୀଲା ତାଙ୍କର ଚମତ୍କାର ଆକର୍ଷଣ, ବୋଲ୍ଡ ଶକ୍ତି ଏବଂ ଶକ୍ତିଶାଳୀ ଡ୍ୟାନ୍ସମୁଭ୍ସରେ ସମସ୍ତଙ୍କୁ ପ୍ରଭାବିତ କରିଛନ୍ତି।
ଅଧିକ ପଢ଼ନ୍ତୁ: 'ପୁଷ୍ପା ୨' ଟ୍ରେଲର ଲଞ୍ଚ୍ ବେଳେ ପାଟନାବାସୀଙ୍କୁ କ୍ଷମା ମାଗିଲେ ଅଲ୍ଲୁ ଅର୍ଜୁନ
'ଉ ଆଣ୍ଟୱା' ସହ କଡା ଟକ୍କର:
ଏଥି ସହିତ, ଆଇକନିକ୍ ଷ୍ଟାର୍ ଅଲୁ ଅର୍ଜୁନ ପୁଣି ଥରେ ପୁଷ୍ପାରାଜ ଭାବରେ ନିଜର ଅଦ୍ଭୁତ ଶକ୍ତି ଏବଂ ଷ୍ଟାଇଲ୍ ସହିତ ଫେରି ଆସିଛନ୍ତି। ଗୀତର ପ୍ରଭାବକୁ ଦେଖିଲେ ଏହା ଲାଗୁଛି ଯେ ଏହା 'ଓ ଆଣ୍ଟୱା'କୁ ଏକ କଡା ଟକ୍କର ଦେବ।
ଲୋକମାନେ ଏହି ମ୍ୟୁଜିକ୍ ଭିଡିଓରେ ବିଭିନ୍ନ ପ୍ରକାରର ପ୍ରତିକ୍ରିୟା ଦେଉଛନ୍ତି। ଜଣେ ବ୍ୟକ୍ତିଙ୍କ କହିବା କଥା, “‘ପୁଷ୍ପା ୨’ ର ଆଲବମ୍ ‘ପୁଷ୍ପା ୧’ ର ଆଲବମକୁ ପରାସ୍ତ କରିପାରିବ ନାହିଁ।” ଅନ୍ୟଜଣେ କହିଛନ୍ତି, “କିସ୍ ଇକ୍ ହେଉଛି ନିଆଁ ଏବଂ ‘ଓ ଆଣ୍ଟୱା’ ହେଉଛି ଜଙ୍ଗଲି ନିଆଁ।” ସେହିପରି ଆଉ ଜଣଙ୍କ କହିବା କଥା “କିସ୍ ଇକ୍ ଯଦି ଜାତୀୟ ସ୍ତରର ଗୀତ ହୁଏ, ଉ ଆଣ୍ଟୱା ଅନ୍ତର୍ଜାତୀୟ ସ୍ତରର ଗୀତ।” ଆଉ ଜଣେ କହିଛନ୍ତି ‘କିସ୍ ଇକ୍’ ଠିକ୍ ଅଛି କିନ୍ତୁ ‘ଉ ଆଣ୍ଟୱା’ ହେଉଛି ଇମୋସନ୍।”
ଅଧିକ ପଢ଼ନ୍ତୁ: ମେହେନ୍ଦୀ ରଙ୍ଗର ଶାଢିକୁ ମୋତି ଗଳାହାର, ଆକର୍ଷଣୀୟ ଲୁକ୍ରେ ରଶ୍ମିକା ମନ୍ଦାନା
ବଢିଲା ଉତ୍ସାହ:
ଦିନେ ପୂର୍ବରୁ ନିର୍ମାତା ‘କିସ୍ ଇକ୍’ ଗୀତର ଟିଜର୍ ରିଲିଜ୍ କରିଥିଲେ, ଯେଉଁଥିରୁ ଲାଗୁଥିଲା କିଛି ସ୍ପେସାଲ୍ ଆସିବାର ଅଛି। ଚମତ୍କାର ଟ୍ରେଲର୍ ପରେ ଏହି ଗୀତଟି ହେଉଛି ଫିଲ୍ମର ଆଉ ଏକ ବଡ ବ୍ୟାନର, ଯାହା ରିଲିଜ୍ ପାଇଁ ଉତ୍ସାହକୁ ଆହୁରି ବଢେଇ ଦେଇଛି।
ନକରାତ୍ମକ ପ୍ରତିକ୍ରିୟା:
ଅନେକ ମଧ୍ୟ ଏହି ଗୀତ ଉପରେ ନକରାତ୍ମକ ପ୍ରତିକ୍ରିୟା କରୁଛନ୍ତି। ସେମାନଙ୍କ ମତରେ ଏହା ହିନ୍ଦୀ ଭର୍ସନ ବହୁତ ଖରାପ। ଏହି ଗୀତ ଶୁଣିବା ପରେ ଏହାର ଲିରିକ୍ସ ଲେଖାଯାଇଥିବା ପରି ମନେ ହେଉ ନାହିଁ ବୋଲି କୁହାଯାଉଛି। ଶବ୍ଦର କୌଣସି ଅର୍ଥ ନାହିଁ କିମ୍ବା ଗୀତରେ ଦେଖାଯାଇଥିବା ଦୃଶ୍ୟ ସହିତ କୌଣସି ସଂଯୋଗ ମଧ୍ୟ ନାହିଁ। ‘ପୁଷ୍ପା ୨’ ପରି ୫୦୦ କୋଟି ଟଙ୍କା ବଜେଟ୍ର ଏକ ଚଳଚ୍ଚିତ୍ରର ଏହି ପ୍ରକାର ଗୀତ ଅତ୍ୟନ୍ତ ନିରାଶାଜନକ।
‘ପୁଷ୍ପା ୨’ ର କିସ୍ ଇକ୍ ଗୀତରେ ଏପରି କିଛି ଲିରିକ୍ସ ଅଛି ଯେ ଯଦି ତେଲୁଗୁ ଭାଷାରେ ଏହା କୁହାଯାଏ ତେବେ ଏହି ଗୀତକୁ କେହି ବଞ୍ଚାଇ ପାରିବେ ନାହିଁ। ଯଦି ଏହାର ଅନୁବାଦ ହୋଇଛି ତେବେ ଯିଏ ଏହି କାମ କରିଛି ତାଙ୍କୁ ନମସ୍କାର ବୋଲି ଅନେକ ମତ ଦେଉଛନ୍ତି।
ଶବ୍ଦଗୁଡିକ ଯେଉଁଭଳି ଭାବରେ ବ୍ୟବହୃତ ହୋଇଛି ତାହା ଅତ୍ୟନ୍ତ ପିଲାଳିଆମୀ ଏବଂ ଲାଗୁଛି ଯେପରି ଗୀତଟି ଗୁଗୁଲରୁ ଅନୁବାଦ ହୋଇଥାଇପାରେ। ଗୀତର ଗୋଟିଏ ଧାଡିକୁ ନଜର ପକାଇଲେ ଏହା ଜଣାଯାଏ। ଏହି ଗୀତରେ ଅଛି, ଲୋ ଲୋ ଲେ ଲୋ ତାଉ କୀ ଫଟୋ ଲେ ଲୋ, ଭାଉ କୀ ଫଟୋ ଲେ ଲୋ, ଲାଲା କେ ସଙ୍ଗ୍ ଲେ ଲୋ, ସାଲା କେ ସଙ୍ଗ ଲେ ଲୋ….। ଏହାର କୌଣସି ମାନେ ନଥିବା ଭଳି ଲାଗେ।
ଏହି ଦିନ ରିଲିଜ୍:
ପ୍ରସିଦ୍ଧ ନିର୍ଦ୍ଦେଶକ ସୁକୁମାରଙ୍କ ନିର୍ଦ୍ଦେଶିତ ‘ପୁଷ୍ପା ୨: ଦ ରୁଲ୍’ ୦୫ ଡିସେମ୍ବର ୨୦୨୫ରେ ପ୍ରେକ୍ଷାଳୟରେ ମୁକ୍ତିଲାଭ କରିବ। ଏହି ଚଳଚ୍ଚିତ୍ରଟି ସୁକୁମାରଙ୍କ ଲେଖା ସହିତ ମଇଥ୍ରୀ ମୁଭି ମେକର୍ସ ଦ୍ୱାରା ପ୍ରସ୍ତୁତ କରାଯାଇଛି।
/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)