Bollywood Actress: ଫିଲ୍ମୀ ଜୀବନ ହିଟ, କିନ୍ତୁ ବ୍ୟକ୍ତିଗତ ଜୀବନ ବିବାଦ ଭରା...ବଲିଉଡର ସେ ଲୋକପ୍ରିୟ ନାୟିକା

ହିନ୍ଦୀ ସିନେମାର ଲୋକପ୍ରିୟ ଅଭିନେତ୍ରୀ ନୂତନ ୫୦-୬୦ ଦଶକରେ ଅନେକ ହିଟ୍‌ ଫିଲ୍ମରେ ଅଭିନୟ କରିଥିଲେ । ସେ ଦିଲୀପ କୁମାର ଏବଂ ଦେବାନନ୍ଦ ପରି ଷ୍ଟାରଙ୍କ ସହ କାମ କରିଥିଲେ। ସିନେମାରେ ନୂତନଙ୍କ ଅଭିନୟର ଖୁବ୍‌ ପ୍ରଶଂସା ହେଉଥିଲା। ନୂତନଙ୍କୁ ତାଙ୍କ ମାଆ ଫିଲ୍ମରେ ଲଞ୍ଚ କରିଥିଲେ, କିନ୍ତୁ କୁହାଯାଏ ଯେ ନୂତନଙ୍କର ତାଙ୍କ ମାଆ ଶୋଭନାଙ୍କ ସହ ସମ୍ପର୍କ ଭଲ ନଥିଲା ।

ଏମିତିକି ନୂତନ ତାଙ୍କ ମାଆଙ୍କ ବିରୋଧରେ କୋର୍ଟକୁ ଯାଇଥିଲେ । ଅଭିନେତ୍ରୀଙ୍କ ଫିଲ୍ମୀ ଜୀବନ ହିଟ୍‌ ଥିଲା, କିନ୍ତୁ ବାସ୍ତବ ଜୀବନ ଅନେକ ବିବାଦରେ ବୁଡ଼ି ରହିଥିଲା

ଅଧିକ ପଢନ୍ତୁ:ଅବତାର ୩'ର ଟ୍ରେଲର ରିଲିଜ୍ , ସୋସିଆଲ ମିଡିଆରେ ଚହଳ

ଆସନ୍ତୁ ଜାଣିବା ନୂତନ କାହିଁକି ତାଙ୍କ ମାଆଙ୍କୁ ଏତେ ଘୃଣା କରୁଥିଲେ?

୧୯୩୬ ମସିହା ଜୁନ ୨୪ ତାରିଖରେ ଜନ୍ମ ହୋଇଥିବା ନୂତନଙ୍କ ମାଆଙ୍କ ନାମ ଥିଲା ଶୋଭନା ସମର୍ଥ ଏବଂ ବାପାଙ୍କ ନାମ ଥିଲା କୁମାରସେନ ସମର୍ଥ। ନୂତନଙ୍କ ମାଆ ମଧ୍ୟ ଜଣେ ଅଭିନେତ୍ରୀ ଥିଲେ ଏବଂ ସେ ମଧ୍ୟ ଅଭିନେତ୍ରୀ ହେବାକୁ ଚାହୁଁଥିଲେ। ୧୯୫୦ ମସିହାରେ ଫିଲ୍ମ ‘ନଳ ଦମୟନ୍ତୀ’ରେ ତାଙ୍କୁ ଜଣେ ଶିଶୁ କଳାକାର ଭାବେ ସୁଯୋଗ ମିଳିଥିଲା । ଅଭିନେତ୍ରୀ ତାଙ୍କ ମାଆଙ୍କ ଫିଲ୍ମ ‘ହମାରୀ ବେଟୀ’ରେ ମଧ୍ୟ କାମ କରିଥିଲେ।

କିନ୍ତୁ କ’ଣ ହେଲା ଯେ ନୂତନ ତାଙ୍କ ମାଆଙ୍କ ସହ ସମସ୍ତ ସମ୍ପର୍କ ତୁଟାଇ ଦେଲେ, ଯେତେବେଳେ କି ମାଆଙ୍କ ‘ଶୋଭନା ପିକ୍ଚର୍ସ’ ବ୍ୟାନର ଅଧୀନରେ ନୂତନ ଫିଲ୍ମ ଜଗତରେ ପ୍ରବେଶ କରିଥିଲେ। ଏହି ପ୍ରଡକ୍ସନ ହାଉସର ସମସ୍ତ ହିସାବ ଶୋଭନା ନିଜେ ରଖୁଥିଲେ, କିନ୍ତୁ ନୂତନ କେବେ ଏଥିରେ ହସ୍ତକ୍ଷେପ କରୁ ନଥିଲେ।

କିନ୍ତୁ ଦିନେ ଅଫିସର ବାକି ଥିବା ଟ୍ୟାକ୍ସ ପରିଶୋଧ ସମ୍ପର୍କରେ ନୂତନଙ୍କ ଘରେ ଇନକମ ଟ୍ୟାକ୍ସର ଚିଠି ଆସିଲା ଏବଂ ତାଙ୍କ ମାଆ ତାଙ୍କୁ ସମ୍ପୂର୍ଣ୍ଣ ଟଙ୍କା ପରିଶୋଧ କରିବାକୁ କହିଲେ। କିନ୍ତୁ ନୂତନ କହିଲେ ଯେ ସେ କେବଳ ନିଜର ଅଂଶର ଟ୍ୟାକ୍ସ ପରିଶୋଧ କରିପାରିବେ।

ଅଭିନେତ୍ରୀଙ୍କ କହିବା ଥିଲା, ମୋ ଫିଲ୍ମରୁ ହେଉଥିବା ସମସ୍ତ ଆୟ କମ୍ପାନୀକୁ ଯାଉଛି ଏବଂ ତଥାପି ଆପଣ ମୋତେ ଟ୍ୟାକ୍ସ ପରିଶୋଧ କରିବାକୁ କହୁଛନ୍ତି, ଯାହା ସଂପୂର୍ଣ୍ଣ ଭୁଲ୍‌।

ଅଭିନେତ୍ରୀ ତାଙ୍କ ମାଆଙ୍କ ଉଦ୍ଦେଶ୍ୟ ବୁଝିବାରେ ବିଳମ୍ବ କଲେ ନାହିଁ ଏବଂ ସେ ଘର ଛାଡ଼ି ଚାଲିଗଲେ ଓ ପରିବାର ସହ ସମ୍ପର୍କ ସମାପ୍ତ କରିଦେଲେ। ପରେ ଏହି ମାମଲା କୋର୍ଟ ପର୍ଯ୍ୟନ୍ତ ପହଞ୍ଚିଯାଇଥିଲା। ଏହାପରେ ମାଆ ଝିଅଙ୍କ ରାସ୍ତା କେବେ ଏକ ହୋଇନଥିଲା ।

ଅଧିକ ପଢନ୍ତୁ:ସବୁ କିଛି କେବଳ ବାହାନା ଥିଲା , କାରଣ ଏବେ ଜଣାପଡ଼ିଲା