ଅନନ୍ୟା ପାଣ୍ଡେ-ଆଦିତ୍ୟ ରାୟ କପୁରଙ୍କ ସମ୍ପର୍କର ଖୁଲାସା କଲେ ନେହା ଧୁପିଆ

ନେହା ଧୁପିଆ 'ନୋ ଫିଲ୍ଟର ନେହା'ର ଷଷ୍ଠ ସିଜନ୍ ସହିତ ଦର୍ଶକଙ୍କୁ ମନୋରଞ୍ଜନ କରିବାକୁ ପ୍ରସ୍ତୁତ। ଏହି ସିଜନ୍‌ରେ ଏକ ନୂଆ ଯୋଡିଙ୍କୁ ଦେଖିବାକୁ ମିଳିବ। ଏକ ପୋଡ୍‌କାଷ୍ଟ୍‌ ସହିତ ଏହି ଶୋ’ ଏକ ଭିଡିଓ ଶୋ’ ମଧ୍ୟ ହେବ। କାର୍ତ୍ତିକ ଆର୍ଯ୍ୟନ୍ ଏବଂ ରଶ୍ମିକା ମନ୍ଦନାଙ୍କ ଠାରୁ କରୀନା କପୁର ଖାନ୍ ପର୍ଯ୍ୟନ୍ତ କେତେକ ବଡ ବାଡ ନାମ ଏହି ସିଜନରେ ଦେଖିବାକୁ ମିଳିବ।

ବର୍ତ୍ତମାନ, ନେହାଙ୍କର ଏକ ଅନୌପଚାରିକ କଥା ଦିନକୁ ଦିନ ଭାଇରାଲ୍‌ ହେବାରେ ଲାଗିଛି, ଯାହା ଅନୁମାନ କରାଯାଉଛି ଯେ ନେହା ବଲିଉଡ୍‌ର ସୁନ୍ଦର ଯୋଡି ଅନନ୍ୟା ପାଣ୍ଡେ ଏବଂ ଆଦିତ୍ୟ ରାୟ କାପୁରଙ୍କ ସମ୍ପର୍କ ବିଷୟରେ କିଛି ଖୁଲାସା କରୁଛନ୍ତି।

ଏକ ମଜାଳିଆ ସେଗ୍‌ମେଣ୍ଟରେ ନେହା ଧୁପିଆ ଅନେକ ବଲିଉଡ୍‌ ସେଲିବ୍ରିଟିଙ୍କ ବିଷୟରେ କହିଥିଲେ ଯେଉଁମାନେ ତାଙ୍କ ଡେଟିଂ ଆପ୍ସ ପାଇଁ ତାଙ୍କ ଶୋ’ରେ ଅତିଥି ହୋଇଥିଲେ। କାର୍ତ୍ତିକ ଆର୍ଯ୍ୟନ ଏହି ତାଲିକାରେ ପ୍ରଥମ ସ୍ଥାନରେ ରହିଥିଲେ। ସେ ନାମ ଶୁଣିବା ମାତ୍ରେ ‘ନୋ ଫିଲ୍ଟର ନେହା’ ଶୋର ହୋଷ୍ଟ୍‌ କହିଲେ, 'ଏକୁଟିଆ ରହିବାକୁ ଅଭ୍ୟସ୍ତ ନୁହେଁ।'

ଅଧିକ ପଢ଼ନ୍ତୁ: ପ୍ରେମରେ ପଡିଛନ୍ତି ଆଦିତ୍ୟ ରୟ କପୁର-ଅନନ୍ୟା ପାଣ୍ଡେ; ଦେଖନ୍ତୁ ଏହି ଭାଇରାଲ୍ ଭିଡିଓ

ତା’ପରେ ଅଭିନେତ୍ରୀଙ୍କ ସାମ୍ନାରେ ଅନନ୍ୟା ପାଣ୍ଡେଙ୍କ ନାଁ ନିଆଯାଇଥିଲା ଏବଂ ଆଖି ପିଛୁଳାକେ ନେହା କହିଥିଲେ ଯେ ମୁଁ ବର୍ତ୍ତମାନ ଆପ୍ ଡିଲିଟ୍ କରୁଛି। ଏହି ସମୟରେ ଶାହିଦ କପୁରଙ୍କ ନାଁ ଆସେ ଏହା ଶୁଣି ନେହା ତୁରନ୍ତ କହିଥିଲେ ଯେ ସେ କାହିଁକି ଡେଟିଂ ଆପ୍‌ରେ ରହିବେ?

କିନ୍ତୁ ତା’ପରେ ବାୟୋ ବିଷୟରେ ଖୁଲାସା କରି ସେ କହିଥିଲେ ଯେ “ଏ ଚକ୍କରରେ ପଡନ୍ତୁ ନାହିଁ, ମୁଁ ପ୍ରକୃତ ଶାହିଦ କପୁର ନୁହେଁ।" ଏହା ପାରେ ଟାଇଗର୍ ଶ୍ରଫ୍‌ଙ୍କ ପାଇଁ ନେହା କହିଥିଲେ ଯେ “ଯେତେବେଳେ ମୁଁ ଏମିତି ଦେଖେ ତ ମୋର ବାୟୋର ଆବଶ୍ୟକତା ହୁଏ ନାହିଁ।” ଯେତେବେଳେ କ୍ରିତି ସାନନଙ୍କ ନାଁ ଆସିଗଲା, ସେ କହିଥିଲେ, “ଯଦି ଆପଣଙ୍କର ଉଚ୍ଚତା ୬ ଫୁଟରୁ କମ୍ ତେବେ ଚିନ୍ତା କରନ୍ତୁ ନାହିଁ।”

ତେବେ ଅନନ୍ୟା ପାଣ୍ଡେ 'ଦ ନାଇଟ୍ ମ୍ୟାନେଜର' ଅଭିନେତା ଆଦିତ୍ୟ ରାୟ କପୁରଙ୍କ ସହ ଲଗାତାର ଜଡିତ ହେବାର ଗୁଜବ ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି। ସେ କହିଛନ୍ତି “ମୁଁ ପରିସ୍ଥିତିକୁ ଘୃଣା କରେ। ମତେ ସେହି ଶବ୍ଦ ମଧ୍ୟ ପସନ୍ଦ ନୁହେଁ। ଏହା ଛଡା ମୁଁ କୌଣସି ଡେଟିଂ ଆପ୍‌ରେ ନାହିଁ କିମ୍ବା ସୋସିଆଲ ମିଡିଆରେ ମୋର ସମ୍ପର୍କକୁ ନେଇ ଆଲୋଚନା କରେ ନାହିଁ। ମୁଁ ଏପରି ବ୍ୟକ୍ତି ନୁହେଁ ଯିଏ କେବଳ ସୋସିଆଲ ମିଡିଆ ପାଇଁ ସମ୍ପର୍କକୁ ଦେଖେଇହେବ।”

ଅଧିକ ପଢ଼ନ୍ତୁ: ଆଦିତ୍ୟ ରୟ କପୁର-ଅନନ୍ୟା ପାଣ୍ଡେଙ୍କ ଡେଟିଂକୁ ନେଇ ଚର୍ଚ୍ଚା; ପରିବାର ରାଜି !