ସାନ ଭଉଣୀ କରୀନାଙ୍କ ସିକ୍ରେଟ୍ ଖୋଲିଦେଲେ କରିସ୍ମା; କହିଲେ ପିଲାଦିନେ ସେ…

ବଲିଉଡ ଅଭିନେତ୍ରୀ କରିସ୍ମା କପୁର OTT ମାଧ୍ୟମରେ ନିଜ କ୍ୟାରିୟରର ଦ୍ୱିତୀୟ ଇନିଂସ ଆରମ୍ଭ କରିଛନ୍ତି। ତାଙ୍କୁ ୯୦ ଦଶକର ଶ୍ରେଷ୍ଠ ଅଭିନେତ୍ରୀମାନଙ୍କ ମଧ୍ୟରେ ଗଣାଯାଉଥିଲା। ଗୋବିନ୍ଦାଙ୍କ ସହ କରିସ୍ମା କପୁରଙ୍କ ଅନସ୍କ୍ରିନ ଯୋଡି ସବୁଠାରୁ ଅଧିକ ପସନ୍ଦ ଥିଲା।

ମିଳିତ ଭାବେ ସେମାନେ ବକ୍ସ ଅଫିସରେ ଅନେକ ସୁପରହିଟ୍ ଫିଲ୍ମ ଦେଇଛନ୍ତି। ଏବେ କରିସ୍ମା କପୁର ଖୁବ୍ ଶୀଘ୍ର ଫିଲ୍ମ 'ମର୍ଡର ମିଷ୍ଟ୍ରୀ'ରେ ନଜର ଆସିବେ। ଆଜିକାଲି କରିସ୍ମା କପୁର ଫିଲ୍ମର ପ୍ରମୋସନରେ ବ୍ୟସ୍ତ ଅଛନ୍ତି। ବର୍ତ୍ତମାନ ଅଭିନେତ୍ରୀ ତାଙ୍କ ସାନ ଭଉଣୀ କରୀନା କପୁରଙ୍କ ବିଷୟରେ ଅନେକ ରୋଚକ କଥାର ଖୁଲାସା କରିଛନ୍ତି।

ଅଧିକ ପଢ଼ନ୍ତୁ:ବିବାହ ପୂର୍ବରୁ ସୈଫ୍‌ଙ୍କ ବିଷୟରେ ଏହି କଥା ଜାଣି ନଥିଲେ କରୀନା

କରୀନା କପୁର ଏବଂ କରିସ୍ମା କପୁରଙ୍କ ମଧ୍ୟରେ ଏକ ସୁନ୍ଦର ବଣ୍ଡିଂ ଅଛି। ଦୁହେଁ ପରସ୍ପରଙ୍କୁ ଖୁବ୍ ଭଲ ପାଆନ୍ତି। କରୀନା କପୁର ପିଲାଦିନେ କିପରି ତାଙ୍କୁ ବହୁତ ହଇରାଣ କରୁଥିଲେ ସେ ବିଷୟରେ କରିସ୍ମା ଖୁଲାସା କରିଛନ୍ତି। ଏବେ ନେଟ୍‌ଫ୍ଲିକ୍ସ ଇଣ୍ଡିଆର ଇନ୍‌ଷ୍ଟାଗ୍ରାମ୍‌ ହ୍ୟାଣ୍ଡେଲ୍‌ରେ ଏକ ଭିଡିଓ ପୋଷ୍ଟ୍‌ କରାଯାଇଛି ଯେଉଁଥିରେ କରିସ୍ମା କପୁର ଅନେକ ପ୍ରଶ୍ନର ଉତ୍ତର ଦେଉଥିବାର ନଜର ଆସିଛନ୍ତି।

ଭିଡିଓରେ ଦେଖିବାକୁ ମିଳେ ଯେ କରିସ୍ମା କପୁର ଏକ କଳା ପୋଷାକରେ ନଜର ଆସିଛନ୍ତି। ଅଭିନେତ୍ରୀଙ୍କୁ ପଚରାଯାଉଛି, ଆପଣଙ୍କ ପିଲାଦିନରେ ସେହି କଥା କ’ଣ ଯାହାକୁ ନେଇ ଆପଣଙ୍କ ଭଉଣୀ ଆପଣଙ୍କୁ ହଇରାଣ କରୁଥିଲେ? ଏହି ପ୍ରଶ୍ନର ଉତ୍ତରରେ କରିସ୍ମା କହିଛନ୍ତି, “ସେ ମୋର ସମସ୍ତ ଜିନ୍ସ ନେଇଯାଉଥିଲା ଏବଂ ସେସବୁ କେବେ ଫେରାଉ ନଥିଲା।”

View this post on Instagram

A post shared by Netflix India (@netflix_in)

ଏହା ପରେ କରିସ୍ମା କପୁରଙ୍କୁ ପଚରାଯାଇଥିଲା ଯେ ସେ କିପରି ନିଜ ଭଉଣୀକୁ ଗାଳି ଦେଉଥିଲେ? ଏହା ଉପରେ ଅଭିନେତ୍ରୀ କହିଛନ୍ତି, “ହେ ଭଗବାନ। ମୁଁ ଜଣେ ଭଲ ଭଉଣୀ ତାଙ୍କୁ କେବେ ଗାଳି ଦିଏ ନାହିଁ।”

ଅଧିକ ପଢ଼ନ୍ତୁ:୧୦ ବର୍ଷ ବଡ ସୈଫ୍‌ଙ୍କୁ କାହିଁକି ବାହାହେଲେ କରୀନା; କହିଲେ କାରଣ

ପ୍ରକାଶଥାଉ ଯେ କରିସ୍ମା କପୁରଙ୍କ ଫିଲ୍ମ 'ମର୍ଡର ମୁବାରକ' ୧୫ ମାର୍ଚ୍ଚ ୨୦୨୪ରେ OTT ପ୍ଲାଟ୍‌ଫର୍ମରେ ଷ୍ଟ୍ରୀମ୍ ହେବ। ଏହାର ନିର୍ଦ୍ଦେଶନା ଦେଇଛନ୍ତି ହୋମି ଅଦଜାନିଆ। କରିସ୍ମା କପୁରଙ୍କ ବ୍ୟତୀତ ସାରା ଅଲି ଖାନ, ପଙ୍କଜ ତ୍ରିପାଠୀ, ବିଜୟ ବର୍ମା, ଡିମ୍ପଲ୍ କାପାଡିଆ, ସଞ୍ଜୟ କପୁର ଏବଂ ଟିସ୍କା ଚୋପ୍ରାଙ୍କ ଭଳି ତାରକାଙ୍କୁ 'ମର୍ଡର ମୁବାରକ'ରେ ଦେଖିବାକୁ ମିଳିବ। କିଛି ଦିନ ପୂର୍ବରୁ ଫିଲ୍ମର ଟ୍ରେଲର୍‌ ଲଞ୍ଚ୍‌ କରାଯାଇଥିଲା, ଯାହାକୁ ନେଇ ଲୋକଙ୍କ ଉତ୍ସାହ ବଢିଯାଇଛି।