ଜୁହୀ କହିଲେ ଶାହରୁଖଙ୍କ ଦୁର୍ଦ୍ଦିନର କଥା, EMI ନ ଦେଇପାରିବାରୁ ଚାଲିଯାଇଥିଲା ଏହି କାର୍

ଅନେକ ଫିଲ୍ମରେ ଶାହରୁଖ ଖାନଙ୍କ ସହ କାମ କରିଥିବା ଜୁହୀ ଚାୱଲା କହିଛନ୍ତି ଯେ ଏପରି ଏକ ସମୟ ଥିଲା ଯେତେବେଳେ ଅଭିନେତାଙ୍କର EMI ଦେବାକୁ ଟଙ୍କା ନ ଥିଲା। ସେ କହିଛନ୍ତି ଯେ EMI ପୈଠ କରି ନ ଥିବାରୁ ଶାହରୁଖଙ୍କ ଜିପ୍ସୀ କାର୍‌ ହାତରୁ ଚାଲିଯାଇଥିଲା। ବର୍ତ୍ତମାନ ଜୁହି ଶାହରୁଖ ଖାନଙ୍କ ସଂଘର୍ଷମୟ ଦିନଗୁଡ଼ିକୁ ମନେପକାଇ ମୁମ୍ବାଇରେ ଘର ନଥିଲେ ମଧ୍ୟ ଅଭିନେତା ପ୍ରତିଦିନ ୨-୩ ସିଫ୍ଟରେ କାମ କରୁଥିଲେ ବୋଲି କହିଛନ୍ତି।

ଜୁହୀ ଚାୱଲା ଶାହରୁଖ ଖାନଙ୍କୁ ଦୀର୍ଘ ଦିନରୁ ଜାଣିଛନ୍ତି, ଦୁହେଁ କେବଳ ଅନେକ ଫିଲ୍ମରେ କାମ କରିନାହାଁନ୍ତି ବରଂ ଆଜି ଉଭୟ ବ୍ୟବସାୟିକ ଭାଗିଦାରୀ ମଧ୍ୟ। ଜୁହି ଚାୱଲା ମଧ୍ୟ ଶାହରୁଖ ଖାନଙ୍କ ଆଇପିଏଲ୍ ଟିମ୍ କେକେଆର୍‌ର ଏକ ଅଂଶ।

ଗୁଜୁରାଟ ଚାମ୍ବର ଅଫ୍ କମର୍ସ ଆଣ୍ଡ୍‌ ଇଣ୍ଡଷ୍ଟ୍ରିର ଏକ ଇଭେଣ୍ଟରେ ଶାହରୁଖ ଖାନଙ୍କ ବିଷୟରେ କଥାବାର୍ତ୍ତା କରୁଥିବା ବେଳେ ଜୁହୀ କହିଛନ୍ତି – “ମୋର ମନେଅଛି, ସେତେବେଳେ ମୁମ୍ବାଇରେ ଶାହରୁଖଙ୍କ ଘର ନଥିଲା। ଦିଲ୍ଲୀ ଆସିବା ପରେ ମୁଁ ଜାଣେ ନାହିଁ ସେ କେଉଁଠାରେ ରହିଲେ। ଏଭଳି ପରିସ୍ଥିତିରେ ସେ ଫିଲ୍ମ ୟୁନିଟ୍ ସହିତ ଚା’ ପିଉଥିଲେ ଏବଂ ଫିଲ୍ମ କ୍ରୁମାନନଙ୍କ ସହ ଖାଦ୍ୟ ମଧ୍ୟ ଖାଉଥିଲେ, ଏହି କାରଣରୁ ସେ ଶୀଘ୍ର ସମସ୍ତଙ୍କ ସହ ମିଶି ଯାଉଥିଲେ।”

Also Read

ହିନ୍ଦୀ ବେଲ୍ଟରେ ବଢୁଛି ‘କଲ୍‌କୀ’ର ରୋଜଗାର; ଆଶ୍ଚର୍ଯ୍ୟ କଲା ଚତୁର୍ଥ ଦିନର ଆୟ

Read More

'କଲ୍‌କୀ ୨୮୯୮ ଏଡି' ଭାରତୀୟ ସିନେମାକୁ ଏକ ଭିନ୍ନ ସ୍ତରକୁ ନେଇଯିବ; ରଜନୀକାନ୍ତ

Read More

ରେକର୍ଡ ଭାଙ୍ଗୁଛି ‘କଳ୍‌କୀ ୨୮୯୮ ଏଡି’; ତିନି ଦିନର ରୋଜଗାର ଜାଣି ଆଶ୍ଚର୍ଯ୍ୟ ହେବେ

Read More

ଅଧିକ ପଢ଼ନ୍ତୁ: ମୁଁ ଜଣେ ହାର୍ଡକୋର ରୋମାଣ୍ଟିକ୍‌, ପ୍ରେମ ପାଇଁ ଶେଷ ପର୍ଯ୍ୟନ୍ତ ଲଢିବି; ମଲାଇକା

ଜୁହୀ କହିଛନ୍ତି, “ସେତେବେଳେ ଶାହାରୁଖ ୨-୩ ସିଫ୍ଟ କାମ କରୁଥିଲେ। ଗୋଟିଏ ପଟେ ଶାହରୁଖ ୧୯୯୨ରେ ମୋ ସହ ‘ରାଜୁ ବନ୍ ଗୟା ଜେଣ୍ଟଲ୍‌ମ୍ୟାନ୍’ କରୁଥିବାବେଳେ ଅନ୍ୟ ପଟେ ସେ ‘ଦିଲ୍ ଆଶନା ହେ’ ମଧ୍ୟ କରୁଥିଲେ। ଏହି ସମୟରେ ସେ ଦିବ୍ୟା ଭାରତୀଙ୍କ ସହ ‘ଦୀୱାନା’ ପାଇଁ ସୁଟିଂ ମଧ୍ୟ କରୁଥିଲେ।”

ଏହି ସମୟରେ ଜୁହୀ ଚାୱଲା ଶାହରୁଖଙ୍କ କାର୍‌ ଚାଲିଯିବା କଥା କହିଛନ୍ତି।ଜୁଜୀ କହିଛନ୍ତି – “ସେତେବେଳେ ଶାହରୁଖ ଖାନଙ୍କର ଏକ କଳା ଜିପ୍ସୀ ଥିଲା। କିନ୍ତୁ ଗୋଟିଏ ଦିନ EMI ନ ଦେଇ ପାରିବାରୁ ତାଙ୍କ ଜିପ୍ସୀ ଚାଲିଗଲା। ସେହି ସମୟରେ ଶାହରୁଖ ବହୁତ ନିରାଶ ହୋଇ ସେଟ୍‌କୁ ଆସୁଥିଲେ, ମୁଁ ତାଙ୍କୁ ଚିନ୍ତା ନ କରିବାକୁ କହୁଥିଲି। ଆଉ କହୁଥିଲି ଦିନେ ତୁମ ପାଖକୁ ଏମିତି ଅନେକ କାର୍‌ ଆସିବ। ଶାହରୁଖ ଏହାକୁ ଏପର୍ଯ୍ୟନ୍ତ ମନେରଖିଛନ୍ତି କାରଣ ଏହା ସତ ହୋଇଛି, ଆପଣ ଦେଖୁଥିବେ ସେ ଆଜି କେଉଁଠାରେ ପହଞ୍ଚିଛନ୍ତି।”

Exclusive : Juhi Chawla in a recent event of GCCI in Gujarat, talks about SRK 's early days- " Shah Rukh Khan had one gypsy, he used to do 2-3 shifts. But unable to pay EMI , they took it away. Now look at him."#ShahRukhKhanpic.twitter.com/SQMzUPHDbS

— ℣ (@Vamp_Combatant) June 30, 2024

ଶାହାରୁଖ ଏବଂ ଜୁହୀ ୟଶ ଚୋପ୍ରାଙ୍କ ‘ଡର୍’, ମହେଶ ଭଟ୍ଟଙ୍କ ‘ଡୁପ୍ଲିକେଟ୍’, ରାଜୀବ ମେହେରଙ୍କ ‘ରାମ ଜାନେ’, ଅଜୀଜ୍‌ ମିର୍ଜାଙ୍କ ‘ଫିର୍‌ ଦିଲ ହେ ହିନ୍ଦୁସ୍ତାନୀ’ ଏବଂ ‘ୱାନ ୨ କା ୪’ ଭଳି ଚଳଚ୍ଚିତ୍ରରେ ଏକାଠି କାମ କରିଛନ୍ତି। ମିଳିତ ଭାବେ ସେମାନେ ୨୦୦୦ରେ ଅଜିଜ୍ ମିର୍ଜାଙ୍କ ସହିତ ମିଶି ଡ୍ରିଜ୍ ଅନ୍‌ଲିମିଟେଡ୍ ନାମକ ଏକ ପ୍ରଡକ୍ସନ୍ ହାଉସ୍ ଖୋଲିଥିଲେ। ପରେ ଶାହରୁଖ ଖାନ୍‌ ରେଡ୍‌ ଚିଲିସ୍‌ ନାମରେ ନିଜର ଷ୍ଟୁଡିଓ ଆରମ୍ଭ କରିଥିଲେ। ଶାହରୁଖ ଖାନଙ୍କ ପରବର୍ତ୍ତୀ ଫିଲ୍ମ ‘କିଙ୍ଗ୍‌’ ଆସୁଥିବା ବେଳେ ଜୁହୀଙ୍କୁ ନିକଟରେ ‘ରେଲ୍‌ୱେ ମ୍ୟାନ୍‌’ରେ ଦେଖିବାକୁ ମିଳିଥିଲା।

ଅଧିକ ପଢ଼ନ୍ତୁ: Viral Video: ସଲମାନ ଖାନଙ୍କ ଖୁଲାସା; ଭାଇଜାନଙ୍କ ଠାରୁ ୧୭ ବର୍ଷ ବଡ଼ ଏହି ହିରୋଇନ୍ ଥିଲେ ଫାଷ୍ଟ୍ କ୍ରସ୍

OTV is now on Whatsapp

Join and get latest news update delivered to you via whatsapp

Join Now