ବିଜ୍ନେସ୍ ଟାଇକୁନ୍ ସଞ୍ଜୟ ପାହାଡିୟାଙ୍କ ପୁଅ ଶିଖର ପାହାଡିୟାଙ୍କ ସହ ଶ୍ରୀଦେବୀ କନ୍ୟା ଜାହ୍ନବୀ କପୁରଙ୍କ ରୋମାନ୍ସ ପ୍ରାୟ ସମସ୍ତଙ୍କ ଦୃଷ୍ଟି ଆକର୍ଷଣ କରିଥାଏ। ଜାହ୍ନବୀଙ୍କୁ ଶିଖରଙ୍କ ସହ ପ୍ରାୟ ସବୁବେଳେ ଦେଖିବାକୁ ମିଳେ। ବେକରେ ତାଙ୍କ ନାଁରେ ଥିବା ଲକେଟ୍ ପିନ୍ଧିବା ଠାରୁ ଆରମ୍ଭ କରି ମନ୍ଦିର ଯିବା ସହିତ ତାଙ୍କ ସହ ବଲିଉଡ୍ ପାର୍ଟିରେ ଯୋଗଦେବା ପର୍ଯ୍ୟନ୍ତ ଏହା ଲୋକଙ୍କ ଦୃଷ୍ଟି ଆକର୍ଷଣ କରିଥାଏ।
ସବୁଠାରୁ ମଜାଦର କଥା ହେଲା ଶିଖର ଏବଂ ଜାହ୍ନବୀ ସେମାନଙ୍କ ପ୍ରେମକୁ ପ୍ରକାଶ କରିବାକୁ କେବେ ବି ପଛାନ୍ତି ନାହିଁ। ବର୍ତ୍ତମାନ ଶ୍ରୀଦେବୀ ଏବଂ ବୋନି କପୁରଙ୍କ ଲଳନା କେବେ ବିବାହ କରିବେ ବୋଲି ପ୍ରକାଶ କରିଛନ୍ତି।
Also Read
ଅଧିକ ପଢ଼ନ୍ତୁ: ଜାହ୍ନବୀ କହିଲେ କିଏ ତାଙ୍କୁ ଅନ୍ତର୍ବସ୍ତ୍ର ସହିତ ପରିଚିତ କରେଇଥିଲେ; ଜାଣନ୍ତୁ ବାପା ନା ମା’…
![Janhvi kapoor talks about marriage plans with shikhar pahariya Janhvi kapoor talks about marriage plans with shikhar pahariya](https://images.odishatv.in/uploadimage/library/16_9/16_9_5/IMAGE_1721986702.jpg)
ଅଭିନେତ୍ରୀ ଜାହ୍ନବୀ କପୁର ତାଙ୍କ ସୌନ୍ଦର୍ଯ୍ୟ, ଆକର୍ଷଣୀୟ ଚେହେରା ଆଉ ଷ୍ଟାଇଲ୍ ପାଇଁ ତାଙ୍କ ପ୍ରଶଂସକଙ୍କ ହୃଦୟରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛନ୍ତି। ତାଙ୍କ ବୃତ୍ତିଗତ ଜୀବନ ସହିତ, ଜାହ୍ନବୀ ମଧ୍ୟ ତାଙ୍କ ବ୍ୟକ୍ତିଗତ ଜୀବନ ପାଇଁ ଚର୍ଚ୍ଚାରେ ରହିଥାନ୍ତି। ନିକଟରେ ଅଭିନେତ୍ରୀ ଶିଖର ପାହାଡିଆଙ୍କ ସହିତ ବିବାହକୁ ନେଇ ଚର୍ଚ୍ଚାରେ ଅଛନ୍ତି।
ଅଧିକ ପଢ଼ନ୍ତୁ: ବଲିଉଡ୍ରେ ବଢୁଛି ଛାଡ଼ପତ୍ର; କରୀନା କହିଲେ ସୈଫ୍ ଓ ମୋ ଭିତରେ ସବୁବେଳେ ଝଗଡ଼ା
ବିବାହ ଯୋଜନା:
ନିକଟରେ ଜାହ୍ନବୀ କପୁର ଏକ ମିଡିଆରେ ନିଜ ବିବାହକୁ ନେଇ ଖୋଲାଖୋଲି କହିଛନ୍ତି। ଶିଖରଙ୍କ ସହ ତାଙ୍କ ବିବାହକୁ ନେଇ ପ୍ରଶ୍ନର ଉତ୍ତରରେ ସେ କହିଛନ୍ତି, “ମୁଁ ବର୍ତ୍ତମାନ ମୋ ଜୀବନରେ ବହୁତ ଖୁସି। ବର୍ତ୍ତମାନ ନା ତାଙ୍କ ପାଖରେ ନା ମୋ ପାଖରେ ବିବାହ କରିବା ପାଇଁ ସମୟ ଅଛି।”
![Janhvi kapoor talks about marriage plans with shikhar pahariya Janhvi kapoor talks about marriage plans with shikhar pahariya](https://images.odishatv.in/uploadimage/library/16_9/16_9_5/IMAGE_1721986778.jpg)
ଯେତେବେଳେ ଜଣେ ପ୍ରଶଂସକ ଅଭିନେତ୍ରୀଙ୍କୁ ପଚାରିଥିଲେ ଯେ ଜାହ୍ନବୀ ଏବଂ ଶିଖରଙ୍କ ହ୍ୟାସ୍ଟ୍ୟାଗ୍ 'Jassie' ହେବା ଉଚିତ କି? ଏହାକୁ ନେଇ ଅଭିନେତ୍ରୀ କହିଥିଲେ, “ଆରେ ନା…, ମୋର ଏହା ପସନ୍ଦ ନୁହେଁ। ଆମର ହ୍ୟାସଟ୍ୟାଗ୍ ‘Janvhvar’ ହେବା ଉଚିତ।” ତେବେ ଏଥିରୁ ସ୍ପଷ୍ଟ ହେଉଛି ଯେ ଉଭୟଙ୍କ ବିବାହର କୌଣସି ଯୋଜନା ନାହିଁ।
ଭାଙ୍ଗିଥିଲା ହୃଦୟ:
ଏହାପୂର୍ବରୁ, ଏକ ମିଡିଆ ସହିତ କଥା ହୋଇ ଜାହ୍ନବୀ କପୁର ଥରେ ହୃଦୟ ଭାଙ୍ଗିବା କଥା ଶେୟାର କରିଥିଲେ। ଅଭିନେତ୍ରୀ କହିଥିଲେ ଯେ ସେ ଏବଂ ଶିଖର ସେମାନଙ୍କ ସମ୍ପର୍କକୁ ଭାଙ୍ଗି ସାରିଛନ୍ତି। କିନ୍ତୁ ସୌଭାଗ୍ୟବଶତଃ, ସେହି ବ୍ୟକ୍ତି ତାଙ୍କ ଜୀବନକୁ ପୁଣି ଫେରି ଆସିଥିଲେ। ତେଣୁ, ଏହାପରେ ସବୁ ଠିକ୍ଠାକ୍ ହୋଇଗଲା।
![Janhvi kapoor talks about marriage plans with shikhar pahariya Janhvi kapoor talks about marriage plans with shikhar pahariya](https://images.odishatv.in/uploadimage/library/16_9/16_9_5/IMAGE_1721986819.jpg)
ଜାହ୍ନବୀଙ୍କ ଆଗାମୀ ଫିଲ୍ମ:
ଜାହ୍ନବୀ କପୁରଙ୍କୁ ସୁଧାଂଶୁ ସାରିଆଙ୍କ ନିର୍ଦ୍ଦେଶିତ ଆଗାମୀ ଫିଲ୍ମ 'ଉଲଝ'ରେ ଦେଖିବାକୁ ମିଳିବ। ଏହି ଫିଲ୍ମରେ ଗୁଲଶନ ଦେବୟା, ରୋଶନ ମାଥ୍ୟୁ, ଆଦିଲ ହୁସେନ୍, ରାଜେନ୍ଦ୍ର ଗୁପ୍ତା, ରାଜେଶ ତୈଲଙ୍ଗ, ମିଆଙ୍ଗ ଚାଙ୍ଗ ଏବଂ ଜିତେନ୍ଦ୍ର ଯୋଶୀଙ୍କ ଭଳି ଅଭିନେତାମାନେ ତାଙ୍କ ସହିତ ନଜର ଆସିବେ। ଏହି ଥ୍ରୀଲର୍ ଫିଲ୍ମ ୦୨ ଅଗଷ୍ଟ ୨୦୨୪ରେ ପ୍ରେକ୍ଷାଳୟରେ ରିଲିଜ୍ ହେବ।