LIVE TV
ଭାରତୀୟ ସେନା ଯବାନଙ୍କ ଉପରେ ଟୁଇଟକୁ ନେଇ ବଲିଉଡ୍ ଅଭିନେତ୍ରୀ ରିଚା ଚଢାଙ୍କ କ୍ଷମାପ୍ରର୍ଥନା ପରେ ବି ଥମୁନି ବିବାଦ । ଟୁଇଟକୁ ନେଇ ବିଭିନ୍ନ ମହଲରୁ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ତେବେ ଯଦି ଏହି ଟୁଇଟ୍ ଦ୍ୱାରା ଯବାନ ଭାଇଙ୍କ ଭାବନାକୁ ଆଘାତ ଲାଗିଥାଏ ତେବେ ଏହାକୁ ନେଇ ସେ କ୍ଷମାପ୍ରାର୍ଥନା କରୁଛନ୍ତି ବୋଲି ଟୁଇଟ୍ କରି ଲେଖିଛନ୍ତି ଅଭିନେତ୍ରୀ ରିଚା ଚଢା ।
Also Read
ନିକଟରେ ନର୍ଦ୍ଦନ୍ ଆର୍ମି କମାଣ୍ଡର ଲେଫଟାନାଣ୍ଟ ଜେନେରାଲ ଉପେନ୍ଦ୍ର ଦ୍ୱବେଦୀ କହିଥିଲେ, ଯଦି ସରକାର ନିର୍ଦ୍ଦେଶ ଦେବେ ତେବେ ଆମେ ପିଓକେ ଦଖଲ କରିବାକୁ ପ୍ରସ୍ତୁତ । ଏହାର ଜବାବରେ ରିଚା ଟୁଇଟ କରି ଲେଖିଥିଲେ ଯେ Galwan Says HI । ଭାରତୀୟ ଯବାନଙ୍କୁ ଅସମ୍ମାନ କରୁଥିବା ଦର୍ଶାଇ ରିଚାଙ୍କୁ ବିଭିନ୍ନ ମହଲରୁ ସମାଲୋଚାନର ଶିକାର ହେବାକୁ ପଡିଥିଲା । ପରେ ସେ ଏହି ଟୁଇଟ୍କୁ ଡିଲିଟ କରିଦେଇଥିଲେ । ସେପଟେ ରିଚାଙ୍କ ଟୁଇଟକୁ ନେଇ ଅଭିନେତା ଅକ୍ଷୟ କୁମାର ସମାଲୋଚନା କରିଛନ୍ତି । ଏହା ତାଙ୍କୁ ଆଘାତ ଦେଇଛି । ସେନା ପ୍ରତି ଆମେ କୃତଘ୍ନ ହେବା ଉଚିତ ନୁହେଁ ବୋଲି ଟୁଇଟ କରିଛନ୍ତି ଅକ୍ଷୟ । ସେନା ଅଛି ତ ଆମେ ଅଛୁ ବୋଲି ଅକ୍ଷୟ ଟୁଇଟ କରିଛନ୍ତି ।
Richa Chadha
