Bollywood:‍‍ ଐଶ୍ୱର୍ଯ୍ୟା ଓ ସୁସ୍ମିତାଙ୍କୁ ଦେଉଥିଲେ କଡ଼ା ଟକ୍କର, ଅକ୍ଷୟ କୁମାରଙ୍କ ସହ କରିଥିଲେ ଡେବ୍ୟୁ...ଆଜି ସନ୍ୟାସିନୀ ଜୀବନ ବିତାଉଛନ୍ତି

୧୯୯୪ ମସିହାରେ ଯେତେବେଳେ ଐଶ୍ୱର୍ଯ୍ୟା ରାୟ ମିସ୍ ୱାର୍ଲ୍ଡ ଏବଂ ସୁସ୍ମିତା ସେନ ମିସ୍ ୟୁନିଭର୍ସର ମୁକୁଟ ଜିତିଥିଲେ, ସେହି ସମୟରେ ଆଉ ଏକ ସୁନ୍ଦର ଚେହେରା ସମସ୍ତଙ୍କ ଦୃଷ୍ଟି ଆକର୍ଷଣ କରୁଥିଲା। ଏହି ଚେହେରା ପ୍ରତ୍ୟେକ ରାଉଣ୍ଡରେ ଏହି ଦୁଇ ସୁନ୍ଦରୀଙ୍କୁ ସମାନ ଭାବେ ଟକ୍କର ଦେଉଥିଲା।

ବର୍ଖା ମଦାନ

ପଞ୍ଜାବରେ ଜନ୍ମିତ ବର୍ଖା ମିସ୍ ଇଣ୍ଡିଆ ପ୍ରତିଯୋଗିତାରେ ଭାଗ ନେଇଥିଲେ। ଯଦିଓ ସେ ମୁକୁଟ ଜିତି ପାରିନଥିଲେ, ତଥାପି ଐଶ୍ୱର୍ଯ୍ୟା ଏବଂ ସୁସ୍ମିତା ସେନଙ୍କୁ କଡ଼ା ଟକ୍କର ଦେଇଥିଲେ। ପରେ ସେ ମିସ୍ ଟୁରିଜମର ମୁକୁଟ ନିଜ ନାମରେ କରିଥିଲେ।

ବର୍ଖା ୧୯୯୬ରେ ଅକ୍ଷୟ କୁମାରଙ୍କ ଫିଲ୍ମ ଖିଲାଡ଼ିୟୋଂ କା ଖିଲାଡ଼ିରେ ବଲିଉଡ଼ରେ ପାଦ ଦେଇଥିଲେ। ଏହି ଫିଲ୍ମରେ ରବୀନା ଟଣ୍ଡନ ଏବଂ ରେଖା ମଧ୍ୟ ଥିଲେ। ଏହାପରେ ସେ ଅନେକ ଫିଲ୍ମରେ କାମ କରିଥିଲେ, ଯେପରିକି ଭୂତ, ସମୟ, ତେରା ମେରା ପ୍ୟାର, ଏବଂ ଡ୍ରାଇଭିଂ ମିସ୍ ପାମଲେନ।

ବର୍ଖା ଅଭିନୟ ଜଗତରେ ଏକ ସ୍ୱତନ୍ତ୍ର ସ୍ଥାନ ତିଆରି କରିଥିଲେ ଏବଂ ଏକ ପ୍ରଡକ୍ସନ ହାଉସ ମଧ୍ୟ ଆରମ୍ଭ କରିଥିଲେ। ତାଙ୍କ ବ୍ୟାନର ଅଧୀନରେ ସୋଚ୍ ଲୋ ଏବଂ ସୁରଖାବ ଭଳି ଫିଲ୍ମ ନିର୍ମାଣ ହୋଇଥିଲା।

ଟିଭି ଜଗତରେ ମଧ୍ୟ ସେ ୨୦ରୁ ଅଧିକ ଧାରାବାହିକରେ କାମ କରିଥିଲେ, ଯେପରିକି ଘର ଏକ ସପନା ଏବଂ ସାତ ଫେରେ। ୨୦୧୨ ମସିହାରେ ବର୍ଖା ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଥିଲେ। କ୍ୟାରିୟରର ଶୀର୍ଷରେ ଥାଇ ସେ ଗ୍ଲାମର ଦୁନିଆକୁ ବିଦାୟ ଦେଇ ବୌଦ୍ଧ ଭିକ୍ଷୁଣୀ ହୋଇଥିଲେ।

ପ୍ରକୃତରେ ବର୍ଖାଙ୍କର ଆଧ୍ୟାତ୍ମିକତା ପ୍ରତି ଆଗ୍ରହ ପିଲାଦିନୁ ଥିଲା। ଯେତେବେଳେ ସେ ୧୦ ବର୍ଷର ଥିଲେ, ସେତେବେଳେ ସିକ୍କିମରେ ଏକ ବୌଦ୍ଧ ମଠ ଦେଖି ସେ ତାଙ୍କ ମାଆଙ୍କୁ କହିଥିଲେ ଯେ ସେ ସେଠାରେ ରହିବାକୁ ଚାହୁଁଛନ୍ତି। ସେହି ଇଚ୍ଛା ବର୍ଷ ବର୍ଷ ଧରି ତାଙ୍କ ମନରେ ରହିଥିଲା।

View this post on Instagram

A post shared by Barkha Madan (@barkhamadan17)

ବର୍ଖା ଏକ ସାକ୍ଷାତକାରରେ କହିଥିଲେ ଯେ ୨୦୦୦ ମସିହାରେ ଗୋଆରେ ତାଙ୍କର ଜଣେ ବିଦେଶୀ ପଣ୍ଡିତଙ୍କ ସହ ସାକ୍ଷାତ ହୋଇଥିଲା, ଯିଏ ତାଙ୍କୁ ଦଲାଇଲାମାଙ୍କ ଉପଦେଶ ବିଷୟରେ କହିଥିଲେ। ଏହାପରେ ସେ ଧର୍ମଶାଳା ଯାଇ ଦଲାଇଲାମାଙ୍କୁ ଭେଟି ଆଧ୍ୟାତ୍ମିକ ଶାନ୍ତି ଅନୁଭବ କରିଥିଲେ।

ସେ କହିଥିଲେ, “ଭିକ୍ଷୁଣୀ ହେବାର ନିଷ୍ପତ୍ତି ମୁଁ ହଠାତ୍ ନେଇଥିଲି। ଗୁରୁଜୀ ମୋତେ ୨୪ ଘଣ୍ଟା ମଧ୍ୟରେ ନିଷ୍ପତ୍ତି ନେବାକୁ କହିଥିଲେ ଏବଂ ମୁଁ ସନ୍ନ୍ୟାସର ପଥ ବାଛି ନେଇଥିଲି।”ବର୍ଖା ଆଜି ସାଧ୍ୱୀ ଜୀବନ ଜୀଉଛନ୍ତି ଏବଂ କହୁଛନ୍ତି ଯେ ତାଙ୍କ ନିଷ୍ପତ୍ତି ସମ୍ପୂର୍ଣ୍ଣ ଠିକ୍ ଲାଗୁଛି।

View this post on Instagram

A post shared by Barkha Madan (@barkhamadan17)