ଆସନ୍ତାକାଲିଠାରୁ ମାଟ୍ରିକ୍‌ ଖାତାଦେଖା ଆରମ୍ଭ

ଆସନ୍ତାକାଲିଠାରୁ ଆରମ୍ଭ ହେବ ମାଟ୍ରିକ ଖାତାଦେଖା । ରାଜ୍ୟର ୫୬ଟି ମୂଲ୍ୟାୟନ କେନ୍ଦ୍ରରେ ଖାତାଦେଖିବେ ଶିକ୍ଷକ ଶିକ୍ଷୟିତ୍ରୀ । ଏଥିପାଇଁ ଆଜିଠୁ ମୂଲ୍ୟାୟନ କେନ୍ଦ୍ର ଗୁଡ଼ିକରେ କାର୍ଯ୍ୟରେ ଯୋଗଦେଇଛନ୍ତି । ପ୍ରାୟ ୧୩ ହଜାର ଶିକ୍ଷକ ଶିକ୍ଷୟିତ୍ରୀ ଖାତା ଦେଖିବେ ବୋଲି ସୂଚନା ମିଳିଛି । ଚଳିତ ବର୍ଷ ମାଟ୍ରିକ ପରୀକ୍ଷା ଦେଇଥିବା ୫ ଲକ୍ଷରୁ ଅଧିକ ପରୀକ୍ଷାର୍ଥୀଙ୍କ ଖାତାଦେଖିବେ ଶିକ୍ଷକ ଶିକ୍ଷୟିତ୍ରୀ ।

ଅଧିକ ପଢ଼ନ୍ତୁ: ଏପ୍ରିଲ ୩ରୁ ନୂଆ ଶିକ୍ଷା ବର୍ଷ ପାଇଁ ପାଠପଢ଼ା ଆରମ୍ଭ

ଏଥିପାଇଁ ମୂଲ୍ୟାୟନ କେନ୍ଦ୍ର ଗୁଡ଼ିକରେ ସମସ୍ତ ପ୍ରକାରର ବନ୍ଦୋବସ୍ତ କରାଯାଇଛି । ପ୍ରାୟ ୧୨ ଦିନ ଯାଏଁ ଚାଲିବ ଖାତାଦେଖା ପ୍ରକ୍ରିୟା । ତେବେ ମାଟ୍ରିକ ଫଳାଫଳ କେବେ ବାହାରିବ, ସେନେଇ ନିର୍ଦ୍ଧିଷ୍ଟ ତାରିଖ ଜଣାପଡ଼ିନଥିଲେ ମଧ୍ୟ ଚଳିତ ମାସ ଆଡ଼କୁ ନଚେତ ମେ’ ପ୍ରଥମ ସପ୍ତାହ ସୁଦ୍ଧା ରେଜଲଟ ଆସିବ ବୋଲି କୁହାଯାଉଛି ।