Online Gaming Addiction: ଅନଲାଇନ୍ ଗେମ୍ ନିଶା, ୫ ଲକ୍ଷ ହାରି ନିଜକୁ ଛୁରୀ ଭୁସି ଦେଲେ

ବର୍ତ୍ତମାନ ଯୁବପିଢ଼ିଙ୍କୁ ରାତିରାତି କୋଟିପତି ହେବାର ନିଶା ଘାରିଛି । କମ୍ ସମୟରେ ଏବଂ ସହଜରେ ଟଙ୍କା ରୋଜଗାର କରିବାକୁ ସେମାନେ ବେଟିଂ ଏବଂ ଅନଲାଇନ ଗେମିଂ ଚକ୍କରରେ ପଡୁଛନ୍ତି । ତେବେ ଏହି ଅନଲାଇନ ଗେମ୍ ଯେ କେତେ ମାରାତ୍ମକ ହୋଇପାରେ ତା'ର ଏକ ସଦ୍ୟ ଉଦାହରଣ ସାମ୍ନାକୁ ଆସିଛି ବାଲେଶ୍ୱର ଜିଲ୍ଲା ଜଳେଶ୍ୱରରୁ । ଏଠାରେ ଜଣେ ଯୁବକ ଅନଲାଇନରେ ଗେମ୍ ଖେଳି ଲକ୍ଷାଧିକ ଟଙ୍କା ହରାଇବା ପରେ ନିଜକୁ ଛୁରୀ ଭୁସି ଆତ୍ମହତ୍ୟା ଉଦ୍ୟମ କରିଛନ୍ତି । 

ଅଧିକ ପଢ଼ନ୍ତୁ: କାଜୁ ତୋଳାକୁ ନେଇ ଦୁଇ ଗାଁ ପିଟାପିଟି, ୧୫ରୁ ଊର୍ଦ୍ଧ୍ୱ ଆହତ

ଏହି ଯୁବକ ହେଲେ ଜଳେଶ୍ୱର ତେଘରି ଗ୍ରାମର ସୌରଜିତ୍ ରାୟ । ସୌରଜିତ୍ ଅନଲାଇନ ଜୁପି ଲୁଡୁ ଗେମ୍ ଖେଳୁଥିଲେ । ଏଥିରେ ସେ ୫ ଲକ୍ଷରୁ ଅଧିକ ଟଙ୍କା ହରାଇଥିଲେ । ଲକ୍ଷାଧିକ ଟଙ୍କା ହରାଇବା ପରେ ସେ ଚିନ୍ତାଗ୍ରସ୍ତ ହୋଇପଡିଥିଲେ ଏବଂ ଆତ୍ମହତ୍ୟା ଉଦ୍ୟମ କରିଥିଲେ । ଆଜି ସକାଳୁ ସେ ଏକ ଛୁରୀରେ ନିଜ ହାତ ଓ ବେକକୁ କାଟି ଦେଇଥିଲେ । 

ପରିବାର ଲୋକେ ସୌରଜିତଙ୍କୁ ଗୁରୁତର ଅବସ୍ଥାରେ ଜଳେଶ୍ୱର ହସ୍ପିଟାଲରେ ଭର୍ତ୍ତି କରିଥିଲେ । ସେଠି ଅବସ୍ଥା ଅଧିକ ସଂକଟାପନ୍ନ ହେବାରୁ ତାଙ୍କୁ ବାଲେଶ୍ୱର ସ୍ଥାନାନ୍ତର କରାଯାଇଛି । ପୂର୍ବରୁ ମଧ୍ୟ ସେ ଅନେକ ଥର ଆତ୍ମହତ୍ୟା ଉଦ୍ୟମ କରିଥିଲେ । ତେବେ ସୌରଜିତ ଜଣେ ଟ୍ୟୁସନ ଶିକ୍ଷକ ହୋଇଥିବା ଜଣାପଡିଛି ।

ଅଧିକ ପଢ଼ନ୍ତୁ: ମହାବିନାୟକ ମନ୍ଦିରରେ ଫୁଟିଲା ଗୁଳି, ୨ ଆହତ