ଭୁବନେଶ୍ୱରରେ ବୀଭତ୍ସ ହତ୍ୟା; ମହିଳାଙ୍କୁ ଛୁରି ଭୁସି ହତ୍ୟା କଲେ ଦୁର୍ବୃତ୍ତ

ରାଜଧାନୀରେ ପୁଣି ବୀଭତ୍ସ ହତ୍ୟାକାଣ୍ଡ । ଜଣେ ମହିଳାଙ୍କୁ ଛୁରି ଭୁସି ହତ୍ୟା କରାଯାଇଛି । ଭୁବନେଶ୍ୱର ଚନ୍ଦକା ଥାନା ଅଞ୍ଚଳ ଗୋଠାପଟଣା ଛକ ନିକଟସ୍ଥ ଏକ ଜଳଖିଆ ଦୋକାନରେ ମହିଳାଙ୍କୁ ଅତି ନିର୍ମମ ଭାବେ ହତ୍ୟା କରିଛନ୍ତି ଦୁର୍ବୃତ୍ତ । ମୃତ ମହିଳାଙ୍କ ପରିଚୟ ମିଳିଛି । ମୃତ ମହିଳାଙ୍କ ନାଁ ସସ୍ମିତା ବେହେରା ।

ରାତିରେ କେହି ଦୁର୍ବୃତ୍ତ ତାଙ୍କୁ ଛୁରୀ ଭୁସି ହତ୍ୟା କରିଥିବା ଅଭିଯୋଗ ହୋଇଛି । ପରିବାର ସହ ମୃତ ମହିଳା କ୍ରିଷ୍ଣାପୁରୀ କଲୋନୀରେ ରହୁଥିଲେ । ଗୋଠପାଟଣା ବଜାରରେ ସେ ଏକ ଜଳଖିଆ ଦୋକାନ କରିଥିଲେ । ତେବେ ହତ୍ୟାର କାରଣ ଅସ୍ପଷ୍ଟ ରହିଛି । ପୋଲିସର ଘଟଣାସ୍ଥଳରେ ପହଞ୍ଚି ଛାନଭିନ କରୁଛି ।

ମୃତ ମହିଳାଙ୍କ ସମ୍ପର୍କରେ ପଚରାଉଚରା କରୁଛି ପୋଲିସ । ଘଟଣାସ୍ଥଳରେ ସମସ୍ତ ଦିଗ ପ୍ରତି ଅନୁଧ୍ୟାନ କରୁଛି । ମହିଳାଙ୍କୁ କିଏ ହତ୍ୟା କରିଛି ? କାହିଁକି ହତ୍ୟା କରାଯାଇଛି ? ପୂର୍ବ ଶତ୍ରୁତା ନା ଅନ୍ୟ କିଛି ପାଇଁ ହୋଇଛି ଏହି ହତ୍ୟାକାଣ୍ଡ ସେ ନେଇ ତଦନ୍ତ କରୁଛି ପୋଲିସ ।