ତାରାଙ୍କୁ ଠକିଥିଲା ସାଇବର ଠକ; ବିହାରରୁ ବାନ୍ଧିଲା ପୋଲିସ

ସାଇବର ଠକଙ୍କ ଶିକାର ହୋଇଥିଲେ କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି । ଦୁଇମାସ ତଳେ ସାଇବର ଠକ ତାଙ୍କୁ ୪ଲକ୍ଷର ଚୂନ ଲଗାଇଥିଲେ ।ଏନେଇ ପରିବାର ପକ୍ଷରୁ ଥାନାରେ ଅଭିଯୋଗ କରିବା ପରେ ବିହାରରୁ ଠକ ମାନଙ୍କୁ ବାନ୍ଧିଛି ପୋଲିସ ।

ସାଇବର କ୍ରାଇମ୍‌କୁ ନେଇ ଜୟପୁର ସରକାରୀ ମହିଳା ମହାବିଦ୍ୟାଳୟରେ ଆୟୋଜିତ ସଚେତନତା ଶିବିରରେ ନିଜର ଅନୁଭୂତି ବଖାଣିଛନ୍ତି ତାରା । କେବେବି କାହାକୁ ଓଟିପି ନଦେବାକୁ, ଅଜଣା କଲ୍ ରିସିଭ ନକରିବାକୁ ସେ କଲେଜ ପିଲା ଓ ଉପସ୍ଥିତ ଲୋକଙ୍କୁ ସଚେତନ କରାଇଛନ୍ତି । କୋରାପୁଟ ପୋଲିସ ଓ ପ୍ରଶାସନ ପକ୍ଷରୁ ଏହି ସଚେତନତା କାର୍ଯ୍ୟକ୍ରମର ଆୟୋଜନ ହୋଇଥିଲା ।