ଜେଲ୍‌ରେ ବିଳମ୍ବିତ ରାତିରେ ସରପ୍ରାଇଜ୍‌ ରେଡ; ମିଳିଲା ବହୁ ତମାଖୁ ଓ ମାଦକ ଦ୍ରବ୍ୟ

ସମ୍ବଲପୁର ଜେଲରେ ବିଳମ୍ବିତ ରାତିରେ ସରପ୍ରାଇଜ ରେଡ। ସମ୍ବଲପୁର ମଣ୍ଡଳ କାରାଗାରରେ ଭୋର ପ୍ରାୟ ୪ଟା ବେଳେ ଅଚାନକ୍ ଚଢ଼ାଉ କରାଯାଇଛି। ମାଜିଷ୍ଟ୍ରେଟଙ୍କ ଉପସ୍ଥିତିରେ ଏହି ଚଢ଼ାଉ ହୋଇଥିବା ବେଳେ, ପୋଲିସ ଫୋର୍ସ ସହ ସମ୍ବଲପୁର ଅତିରିକ୍ତ SP ଓ ସଦର SDPO ରେଡରେ ସାମିଲ ହୋଇଥିଲେ ।

ଅଧିକ ପଢ଼ନ୍ତୁ: ବନ୍ଧୁକ ଦେଖାଇ ଲୁଟି ନେଲେ ବସ୍ତା ବସ୍ତା କେନ୍ଦୁପତ୍ର

ସମ୍ବଲପୁର ଜେଲରେ ଏବେ ୨୨ଟି ୱାର୍ଡରେ ୫୭୬ ଜଣ ଅନ୍ତେବାସୀ ଅଛନ୍ତି। ବହୁବର୍ଷ ପରେ ଏଭଳି ଚଢ଼ାଉ ହୋଇଥିବା ସୂଚନା ମିଳିଛି । ତେବେ ଜେଲ ଭିତରୁ ଅନ୍ତେବାସୀଙ୍କ ନିକଟରୁ ବହୁ ତମାଖୁ ଜାତୀୟ ଓ ମାଦକ ଦ୍ରବ୍ୟ ଜବତ ହୋଇଛି। ପ୍ରାୟ ୩ ଘଣ୍ଟା ଚଢ଼ାଉ ହୋଇ ଏହା ସକାଳ ସାଢ଼େ ୬ଟା ବେଳେ ସରିଥିବା ସୂଚନା ମିଳିଛି।