ବନ୍ଧୁକ ଦେଖାଇ ଲୁଟି ନେଲେ ବସ୍ତା ବସ୍ତା କେନ୍ଦୁପତ୍ର

ସୁନା ଅଳଙ୍କାର, ଟଙ୍କା ଲୁଟ୍ କଥା ଆପଣ ଶୁଣିଥିବେ କିନ୍ତୁ କେନ୍ଦୁପତ୍ର ଲୁଟ୍ କଥା କେବେ ଶୁଣିଛନ୍ତି ? ନୟାଗଡ଼ ଦଶପଲ୍ଲା ସାକେଣୀ କେନ୍ଦୁପତ୍ର ଫଡ଼ିରେ ବଡ଼ ଧରଣର ଲୁଟ୍ ହୋଇଛି । ବନ ବିଭାଗର ଏହି କେନ୍ଦୁପତ୍ର ଫଡ଼ି ଅର୍ଥାତ ଗୋଦାମରେ ଗତକାଲି ରାତିରେ ମୁଖା ପିନ୍ଧା ୧୦ ଜଣ ଡକାୟତ ପଶିଥିଲେ । ସେଠି ନିୟୋଜିତ ଥିବା କର୍ମଚାରୀଙ୍କୁ ବନ୍ଧକୁ ଦେଖାଇ ଧମକାଇବା ସହ ସେମାନଙ୍କୁ ନେଇ ଏକ ରୁମରେ ବନ୍ଦ କରି ଦେଇଥିଲେ ।

Also Read

ଡାକ୍ତରଙ୍କୁ ବୀଭତ୍ସ ହତ୍ୟା; ଡ୍ରେସିଂ ବାହାନାରେ ଆସି ଗୁଳି କରିଦେଲେ ଦୁର୍ବୃତ୍ତ

ଗ୍ରହ ଶାନ୍ତି ପ୍ରତିକାର ପାଇଁ ଆସିଲେ, ସୁନା ଚେନ୍ ଝାମ୍ପି ଚମ୍ପଟ ମାରିଲେ କିନ୍ନର

ରାଜଧାନୀର ଛାତି ଉପରେ ଲଜ୍ଜାଜନକ ଘଟଣା

ଏହାପରେ ସେଠାରୁ ବସ୍ତା ବସ୍ତା କେନ୍ଦୁପତ୍ର ଲୁଟି ନେବା ସହ କର୍ମଚାରୀଙ୍କ ଦରମା ପାଇଁ ଥିବା ୭ ହଜାର ଟଙ୍କା, ଦୁଇଟି ମୋବାଇଲ ଫୋନ୍‌ ବି ଲୁଟି ନେଇଛନ୍ତି ଲୁଟେରା । ଦୁବୃର୍ତ୍ତମାନେ ଲୁଟ୍‌ କରି ଯିବା ପରେ ସେଠାରେ ଉପସ୍ଥିତ ଥିବା କର୍ମଚାରୀମାନେ ପୂରା ଘଟଣା ସମ୍ପର୍କରେ ଉପରିସ୍ଥ ଅଧିକାରୀଙ୍କୁ ଜଣାଇଥିଲେ । ଏହାସହ କର୍ମଚାରୀମାନେ ଥାନାରେ ଲିଖିତ ଅଭିଯୋଗ ମଧ୍ୟ କରିଥିଲେ । ଘଟଣା ସମ୍ପର୍କରେ ଜଣାପଡ଼ିବା ପରେ ବନ ବିଭାଗ ଓ ପୋଲିସ୍ ପହଞ୍ଚି ତଦନ୍ତ କରୁଛି ।