LIVE TV
ହଜିଗଲା ମାନବିକତା । ଯାହାକୁ ବୋହୂ କରି ଦିନେ ଘରକୁ ଆଣିଥିଲେ ସେହି ବୋହୂ ହିଁ ଘୋଷାଡ଼ି ଘୋଷାଡ଼ି ପିଟିଲା । ପରିଣତ ବୟସରେ ବୋହୂର ସେବା ମିଳିବା ବଦଳରେ ମିଳିଲା ମାଡ଼। ଶ୍ୱଶୁରକୁ ନିର୍ମମ ଭାବେ ପିଟିଲା ବୋହୂ । ଯାହାକୁ ଦେଖିଲେ ଆପଣି ବି ହୋଇଯିବେ ଆଶ୍ଚର୍ଯ୍ୟ ! ସିସିଟିଭିରେ କଏଦ ହୋଇଥିବା ଭିଡ଼ିଓରେ ୮୭ ବର୍ଷର ବୟସ୍କା ଶ୍ୱଶୁରକୁ ଅତି ନିର୍ମମ ଭାବେ ପିଟିଛନ୍ତି ବୋହୂ ଉମା ।
ତେବେ ଏହି ଘଟଣାଟି ୯ ମାର୍ଚ୍ଚରେ ଘଟିଥିଲା । ଯାହା ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି । ଯେଉଁଥିରେ ଜଣେ ମହିଳା ବୃଦ୍ଧଙ୍କୁ ଅତି ନିର୍ମମ ଭାବରେ ସେଇ ଶଶୁରଙ୍କ ଆଶାବାଡିରେ ପିଟୁଥିବାର ନଜର ଆସିଛନ୍ତି । ଏହି ଘଟଣାରେ ବୃଦ୍ଧ ଜଣକ ଗୁରୁତର ଭାବେ ଆହତ ହୋଇ ଚିକିତ୍ସିତ ହେଉଛନ୍ତି । ଘଟଣାଟି କର୍ଣ୍ଣାଟକର ମାଙ୍ଗାଲୁରୁ ଅଞ୍ଚଳରେ ଘଟିଛି ।
Also Read
ଅଧିକ ପଢ଼ନ୍ତୁ: ରାଗ ଉଜାଡ଼ି ଦେଲା ସଂସାର; ସ୍ତ୍ରୀକୁ ମାରିଲା, ପୁଅକୁ ଶ୍ୱଶୁର ଘରେ ଛାଡ଼ି ନିଜେ ଫେରାର୍ ମାରିଲା
मंगलुरु के कुलशेखर में 87 वर्षीय व्यक्ति पद्मनाभ सुवर्णा को उनकी बहू उमा शंकरी ने बेरहमी से पीटा। पुलिस ने महिला को गिरफ्तार कर लिया है। #Karnataka pic.twitter.com/dqz0mTjGqK
— Versha Singh (@Vershasingh26) March 12, 2024
( ଏହା ଏକ ସମ୍ୱେଦନଶୀଳ ଭିଡ଼ିଓ , କେବଳ ଖବର ପରିବେଷଣ ପାଇଁ ଆମେ ଏହାକୁ ଦେଖାଉଛୁ )
ବୃଦ୍ଧଙ୍କ ଝିଅ ଅଭିଯୋଗ କରିବା ପରେ ଅଭିଯୁକ୍ତ ବୋହୂ ଉମାଙ୍କୁ ତୁରନ୍ତ ଗିରଫ କରାଯାଇଛି । ସୂଚନା ଅନୁଯାୟୀ ଅଭିଯୁକ୍ତ ମହିଳାଙ୍କ ସ୍ୱାମୀ ବିଦେଶରେ କାମ କରନ୍ତି । ଏହି ଘଟଣା ସ୍ଥାନୀୟ ଲୋକଙ୍କୁ ଚକିତ କରିଛି ।
ଚିକିତ୍ସା କରୁଥିବା ଡାକ୍ତର କହିଛନ୍ତି ଯେ ବୃଦ୍ଧଙ୍କ ଦେହରେ ଏକାଧିକ ଆଘାତ ଲାଗିଛି, ମୁଣ୍ଡରେ ମଧ୍ୟ ଆଘାତ ଲାଗିଛି । ଯେତେବେଳେ ବୃଦ୍ଧଙ୍କୁ ତାଙ୍କ ବୋହୂ ପିଟୁଥିଲେ ସେ ତଳେ ପଡ଼ିଯାଇଥିଲେ ଯାହାଫଳରେ ସେଠାରେ ଥିବା କାଠ ସୋଫାରେ ଉପରେ ପଡ଼ି ତାଙ୍କ ମୁଣ୍ତ ମାଡ଼ ହୋଇଥିଲା ।
