LIVE TV
ବିଚ୍ ବଜାରରେ ସମସ୍ତଙ୍କ ସାମ୍ନାରେ ପୋଲିସ ମାରିଲା ଗୁଳି । ସେଇଠି ଟଳି ପଡ଼ିଲା ଦୁର୍ବୃତ୍ତ । ଭାଇରାଲ ହେଲା ଭିଡିଓ । ଏଭଳି ଏକ ଘଟଣା ଘଟିଛି କର୍ଣ୍ଣାଟକର କାଲବୁରଗାଇ ସହରର ମାର୍କେଟ ଉପରେ । ପୁରା ଫିଲ୍ମ ଷ୍ଟାଇଲ୍ରେ ଘଟିଛି ଘଟଣା । ଯିଏ ବି ଭିଡିଓ ଦେଖୁଛି ପ୍ରଥମେ ଏହା କୌଣସି ଫିଲ୍ମର ଅଂଶ ବୋଲି କହୁଛି । ଆଉ ତା’ପରେ ପୁରା ଘଟଣା ଜାଣିବା ପରେ ହେଉଛି ବିଶ୍ୱାସ ।
Also Read
ଜଣେ ବ୍ୟକ୍ତି ବଜାର ଉପରେ ଏକ ଭୁଜାଲି ଧରି ଆତଙ୍କ ସୃଷ୍ଟି କରିଥିଲା । ସମସ୍ତଙ୍କୁ ଧମକ ଚମକ ଦେଉଥିଲା । ଖବର ପାଇ ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚିଲା । ଆଉ ଦୁର୍ବୃତ୍ତଙ୍କୁ ବୁଝାସୁଝା କରି କାବୁ କରିବାକୁ ଚେଷ୍ଟା କଲା । ହେଲେ ବିଫଳ ହେଲା । ପୋଲିସ ଦେଖି ଦୁର୍ବୃତ୍ତ ଜଣକ ଡରିବା ବଦଳରେ ଅଧିକ ଉତ୍ତେଜିତ ହୋଇଥିଲେ । ଆଉ ଚିତ୍କାର କରି ଲୋକଙ୍କ ଆଡ଼କୁ ଭୁଜାଲି ଧରି ମାଡ଼ି ଆସିଥିଲେ । ଫଳରେ ବାଧ୍ୟ ହୋଇ ପୋଲିସ ଚଳାଇଥିଲା ଗୁଳି । ଦୁର୍ବୃତ୍ତର ଗୋଡ଼କୁ ଗୁଳି କରିଥିଲା ପୋଲିସ । ଆଉ ସେଇଠି ହିଁ ଚିତ୍କାର କରି ତଳେ ପଡ଼ିଯାଇଥିଲା ଦୁର୍ବୃତ୍ତ ।
ଅଧିକ ପଢ଼ନ୍ତୁ: ଚଳନ୍ତା ଗାଡ଼ିରୁ ଡେଇଁ ଫିଲ୍ମ ଷ୍ଟାଇଲ୍ରେ ଚୋରକୁ ଧରିଲେ କନଷ୍ଟେବଲ, ଦେଖନ୍ତୁ ଭିଡିଓ
ତାପରେ ସେହି ରାସ୍ତା ଉପରେ ଦୁର୍ବୃତ୍ତକୁ ନିର୍ଧୁମ ପିଟିଥିଲା ପୋଲିସ । ଗୋଇଠା ବିଧା ମାରିବା ସହ ଠେଙ୍ଗାରେ ବି ପିଟିଥିଲା । ଶେଷରେ ଅଧାମରା କରି ପୋଲିସ ଗାଡ଼ିରେ ଥାନାକୁ ନେଇଥିଲା । ଏହି ଘଟଣାର ସମ୍ପୂର୍ଣ୍ଣ ଭିଡିଓ ଏବେ ସୋସିଆଲ ମିଡିଆ ରେ ଭାଇରାଲ ହେଉଛି । ରବିବାର ଏହି ଘଟଣା ଘଟିଥିବା କୁହାଯାଉଛି । ଦୁର୍ବୃତ୍ତ ଜଣକ ଫଜାଲ ଭଗବାନ ବୋଲି ପୋଲିସ ସୂତ୍ରରୁ ଜଣାପଡ଼ିଛି ।
Shootout at #Kalaburagi #Karnataka. A man named Jaffer who was threatening people brandishing knife was shot at his feet and injured by police to over power him. Despite repeated appeals, he didn't listen. He was rushed to nearby hospital. Cops are investigating y he did that. pic.twitter.com/FQitDpXzlI
— Imran Khan (@KeypadGuerilla) February 6, 2023
