ହୋମଗାର୍ଡ ଭାବେ ପୋଷ୍ଟିଂ ପାଇଥିଲା କୁଖ୍ୟାତ ଗ୍ୟାଙ୍ଗଷ୍ଟର । ଅପରାଧୀର ନାଁରେ ଥିଲା ହତ୍ୟା, ହତ୍ୟା ଉଦ୍ୟମ, ଡକାୟତି ଭଳି ଅନେକ ମାମଲା। ବର୍ଷେ କି ଦୁଇ ବର୍ଷ ନୁହେଁ ଦୀର୍ଘ ୩୫ ବର୍ଷ ଧରି ପରିଚୟ ବଦଳାଇ ଚାକିରି କରୁଥିଲା। ଉତ୍ତରପ୍ରଦେଶ ଆଜମଗଡ଼ର ଏହି ମାମଲା ସମସ୍ତଙ୍କୁ ଚକିତ କରିଛି। ଅପରାଧୀର ପୁତୁରାଙ୍କ ଅଭିଯୋଗ ଉପରେ ପୋଲିସର ନଜରକୁ ଆସିବା ପରେ ପୁରା ଘଟଣା ଉପରୁ ପରଦା ଉଠିଥିଲା। ତେବେ କଣ ରହିଛି ପୁରା ଘଟଣା ଆସନ୍ତୁ ଜାଣିବା।
ଗ୍ୟାଙ୍ଗଷ୍ଟର ନାକଡୁ ଯାଦବ ନାଁରେ ରହିଛି ଏକାଧିକ ସଂଗୀନ ମାମଲା। ଦୀର୍ଘ ୩୫ ବର୍ଷ ଧରି ସେ ଅଣ୍ଡରଗ୍ରାଉଣ୍ଡ ଥିଲା। ପୋଲିସ ନାକଡୁକୁ ଖୋଜି ଖୋଜି ନୟାନ୍ତ ହୋଇଯାଇଥିଲା। ହେଲେ ସେ ନନ୍ଦଲାଲ ଭାବରେ ପରିଚୟ ଦେଇ ଦୀର୍ଘ ୩୫ ବର୍ଷ ଧରି ହୋମଗାର୍ଡ ଭାବରେ ଚାକିରି କରୁଥିଲା। ଗ୍ୟାଙ୍ଗଷ୍ଟର ନାକଡୁଙ୍କ ପୁତୁରା ଡିସେମ୍ବର ୩, ୨୦୨୪ରେ ତତ୍କାଳୀନ ଡିଆଇଜି ବୈଭବ କୃଷ୍ଣଙ୍କ ନିକଟରେ ଅଭିଯୋଗ କରିଥିଲା। ଡିଆଇଜି ଏହି ଘଟଣାର ତଦନ୍ତ କରିଥିଲେ। ଏହାପରେ ସବୁ କଥା ପଦାକୁ ଆସିଥିଲା। ଡିଆଇଜି ଏହି ଘଟଣାର ତଦନ୍ତ କରିଥିଲେ।
ରାଣୀ କି ସରାଇ ଥାନା ଅଞ୍ଚଳର ଚକୱାରା ନିବାସୀ ନାକଡୁଙ୍କ ବିରୋଧରେ ୧୯୮୪ ମସିହାରେ ହତ୍ୟା ଏବଂ ପ୍ରମାଣ ଲୁଚାଇବା ଅଭିଯୋଗରେ ଏକ ମାମଲା ରୁଜୁ ହୋଇଥିଲା। ପୂର୍ବ ଶତ୍ରୁତା ଯୋଗୁଁ ନାକଡୁ ଜାହାନଗଞ୍ଜର ବାସିନ୍ଦା ମୁନ୍ନା ଯାଦବଙ୍କୁ ଗୁଳି କରି ହତ୍ୟା କରିଥିଲା। ୧୯୮୭ ମସିହାରେ, ନାକଡୁଙ୍କ ବିରୁଦ୍ଧରେ ଦ୍ୱିତୀୟ ଡକାୟତି ମାମଲା ରୁଜୁ ହୋଇଥିଲା। ୧୯୮୮ ମସିହାରେ ତାଙ୍କ ବିରୁଦ୍ଧରେ ଗ୍ୟାଙ୍ଗଷ୍ଟର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା।
ଅଧିକ ପଢ଼ନ୍ତୁ: ପ୍ରବାସୀ ଭାରତୀୟଙ୍କ ଆଗରେ ଓଡ଼ିଶାର ଐତିହ୍ୟ ଓ ପରମ୍ପରା ବଖାଣିଲେ ପ୍ରଧାନମନ୍ତ୍ରୀ
ପୋଲିସ ତଦନ୍ତରୁ ଜଣାପଡିଛି ଯେ ନାକଡୁ ଯାଦବ ଗାଁର ପ୍ରାଥମିକ ବିଦ୍ୟାଳୟରେ ଚତୁର୍ଥ ଶ୍ରେଣୀ ପର୍ଯ୍ୟନ୍ତ ପାଠପଢ଼ିଥିଲା। ଏହା ସତ୍ତ୍ୱେ, ସେ ୧୯୮୯ ମସିହାରେ ଅଷ୍ଟମ ଶ୍ରେଣୀ ପାସ୍ କରିବାର ନକଲି ମାର୍କସିଟ୍ ଦେଖାଇ ହୋମଗାର୍ଡ ଚାକିରି ପାଇଥିଲା। ପୂର୍ବରୁ ସେ ଲୋକାଇ ଯାଦବଙ୍କ ପୁଅ ନାକଡୁ ଯାଦବ ଭାବରେ ଜଣାଶୁଣା ଥିଲା, କିନ୍ତୁ ଚାକିରି ପାଇବା ପରେ ପରିଚୟ ବଦଳିଗଲା। ସେ ତାର ନାମ ପରିବର୍ତ୍ତନ କରି ଚାକିରି କରିବା ଆରମ୍ଭ କଲା।
ସୂଚନା ଅନୁଯାୟୀ, ସେପ୍ଟେମ୍ବର ୧୯୮୯ ରୁ ୨୦୨୪ ପର୍ଯ୍ୟନ୍ତ ଜିଲ୍ଲାର ରାଣୀ କି ସରାୟ ଏବଂ ମେହାନଗର ପୋଲିସ ଷ୍ଟେସନରେ କାମ ଜାରି ରଖିଥିଲେ। ନାକଡୁର ପୁତୁରାଙ୍କ ସହିତ ବିବାଦ ହୋଇଥିଲା। ଭଣଜାଙ୍କ ଅଭିଯୋଗ କ୍ରମେ ଏକ ମାମଲା ରୁଜୁ କରାଯାଇଥିଲା । ଭଣଜାଙ୍କ ଅଭିଯୋଗ ଅନୁଯାୟୀ, ନାକଡୁ ଗତ ୩୫ ବର୍ଷ ଧରି ନିଜର ନାଁ ଏବଂ ପରିଚୟ ପରିବର୍ତ୍ତନ କରି ହୋମଗାର୍ଡ ଭାବରେ କାମ କରୁଛନ୍ତି। ରାଣୀ କି ସରାୟ ପୋଲିସ ଷ୍ଟେସନର ପୋଲିସ ଏବଂ ସ୍ଥାନୀୟ ଗୁଇନ୍ଦା ବିଭାଗ ମଧ୍ୟ ଚାକିରି ସମ୍ବନ୍ଧୀୟ କାଗଜପତ୍ର ଯାଞ୍ଚ କରିଥିଲେ। ଚରିତ୍ର ପ୍ରମାଣପତ୍ର ୧୯୯୨ ମସିହାରେ ସ୍ୱାକ୍ଷରିତ ହୋଇଥିଲା। ଜାଲ୍ କାଗଜପତ୍ର ମାଧ୍ୟମରେ ହୋମଗାର୍ଡର ଚାକିରି କରିବା ନେଇ ମାମଲା ସାମ୍ନାକୁ ଆସିଥିଲା। ତଦନ୍ତ ପରେ ଏହା ସତ ବୋଲି ଜଣାପଡିଥିଲା। ନାକଡୁଙ୍କ ବିରୋଧରେ ଆଉ ଏକ ମାମଲା ରୁଜୁ କରାଯାଇଛି। ଏହା ଉପରେ ଏକ ବିଭାଗୀୟ ତଦନ୍ତ ମଧ୍ୟ କରାଯାଉଛି।