LIVE TV
୧ କ୍ୱିଣ୍ଟାଲରୁ ଅଧିକ ରୁପା ଇଟା ଜବତ । କଟକ ଟାଙ୍ଗୀ ଅଂଚଳରୁ ଏହି ସବୁ ରୁପା ଇଟା ସହ ପ୍ରାୟ ୧୪ ଲକ୍ଷ ଟଙ୍କା ଜବତ ହୋଇଛି । ଗଂଜେଇ ଚାଲାଣ ରେଡ୍ ବେଳେ ଅବକାରୀ ବିଭାଗ ପକ୍ଷରୁ ଏତେ ପରିମାଣର ରୂପା ଇଟା ଜବତ ହୋଇଛି । ପଶ୍ଚିମବଂଗ ନମ୍ବର ଥିବା ଏକ କାରରେ ଏହି ରୂପା ଇଟା ଚାଲାଣ ହେଉଥିଲା । ଗଂଜାମ ଆସିକା ଅଂଚଳରୁ ଏହା ଖଡ଼ଗପୁରରୁ ଚାଲାଣ ହେଉଥିବା ଜଣାପଡିଛି ।
ସୂଚନା ଅନୁସାରେ ଆଜି ଟାଙ୍ଗୀ ଟୋଲଗେଟ ପାଖରେ ଏକ କାର୍ରେ ଚୋରା ଗଞ୍ଜେଇ ଚାଲାଣ ହେଉଥିବା ଖବର ପାଇ ଛକିଥିଲେ ଅବକାରୀ କର୍ମଚାରୀ । କଟକ ପଟୁ ଆସୁଥିବା ଏକ କାର୍କୁ ଅଟକାଇ ଯାଞ୍ଚ କରିଥିଲେ । ହେଲେ ଭିତରେ ଗଞ୍ଜେଇ ନଥିଲା, ଥିଲା ରୁପା ଇଟା ଓ ପୁଳା ପୁଳା ଟଙ୍କା । ଯାଞ୍ଚ ବେଳେ କାର୍ରୁ ୧ କୁଇଣ୍ଟାଲଲରୁ ଊର୍ଦ୍ଧ୍ୱ ରୁପା ଇଟା ସହ ଚାନ୍ଦି ଅଳଙ୍କାର ଓ ୧୪ ଲକ୍ଷରୁ ଅଧିକ କ୍ୟାସ୍ ଜବତ ହୋଇଥିବା ସୂଚନା ମିଳିଛି ।
Also Read
ତେବେ ଏହି କାରବାର ପାଇଁ ଗାଡିର ସିଟରେ ଏକ ସିକ୍ରେଟ୍ ଚାମ୍ବର କରି ଏହି ରୁପା ଇଟା ସବୁକୁ ଚାଲାଣ କରାଯାଉଥିଲା । ସିଟକୁ ଅତି ଚତୁରତାର ସହ କାଟି ତିଆରି ହୋଇଥିଲା ସିକ୍ରେଟ ଚାମ୍ବର । ବର୍ତ୍ତମାନ ମାମଲାରେ ୨ ଜଣଙ୍କୁ ଅଟକ ରଖିଛି ପୋଲିସ । ତେବେ ଏଥିରେ ରୁପା ନା ସୁନା ମଧ୍ୟ ମିଶି ରହିଛି । ଏହା ଯାଞ୍ଚ କରିବାକୁ ଜିଏସଟି ବିଭାଗକୁ ସୂଚନା ଦେଇଛି ଅବକାରୀ ବିଭାଗ ।
