ଟିକାକରଣରେ ଏବେ ଗ୍ରାମାଞ୍ଚଳକୁ ଫୋକସ୍, ଶୀଘ୍ର ଟିକାକରଣ ସାରିବାକୁ ଲକ୍ଷ୍ୟ

ଭୁବନେଶ୍ୱର: ଟିକାକରଣରେ ଏବେ ଗ୍ରାମାଞ୍ଚଳକୁ ଫୋକସ୍ । ରାଜ୍ୟରେ ଟିକାକରଣ ନେଇ ପରିବାର କଲ୍ୟାଣ ନିର୍ଦ୍ଦେଶକ କହିଛନ୍ତି, ରାଜ୍ୟରେ ଯେତେଶୀଘ୍ର ସମ୍ଭବ ଟିକାକରଣ ସାରିବାକୁ ଚେଷ୍ଟା କରୁଛୁ । ଏଯାଏଁ ରାଜ୍ୟରେ ୧. ୭୧ କୋଟି ଡୋଜ୍ ଟିକାକରଣ ହୋଇଛି । ପ୍ରଥମ ଡୋଜ ୪୨.୫%, ଉଭୟ ଡୋଜ୍ ୧୩% ଟିକାକରଣ ହୋଇଛି ।

ସହରାଞ୍ଚଳରେ ୮୦% ଟିକାକରଣ ସରିଛି, ଏବେ ଗ୍ରାମାଞ୍ଚଳକୁ ଗୁରୁତ୍ୱ ଦିଆଯାଉଛି । ରାଜ୍ୟରେ ମୋଟ ୩ କୋଟି ୧୦ ଲକ୍ଷ ଲୋକଙ୍କୁ ଟିକାକରଣ ଲକ୍ଷ୍ୟ ରହିଛି । ୪ ମାସରେ ଟିକାକରଣ ଶେଷ ପାଇଁ ଧାର୍ଯ୍ୟ ଲକ୍ଷ୍ୟ ପୂରଣ ହୋଇପାରିନି । ଯଦି ପର୍ଯ୍ୟାପ୍ତ ପରିମାଣର ଟିକା ଆସିବ, ଶୀଘ୍ର ଟିକାକରଣ ସରିବ ବୋଲି ପରିବାର କଲ୍ୟାଣ ନିର୍ଦ୍ଦେଶକ କହିଛନ୍ତି । 

Also Read

ଚାରିଆଡ଼େ ଉତ୍ସବର ମାହୋଲ, ମିନି ଇଣ୍ଡିଆ ପାଲଟିଥିଲା ଶ୍ରୀଜେସ୍ ପିଆର୍‌ଙ୍କ ଘର

ଭିଡିଓ କଲିଂ କରି ଡ୍ରେସ୍ ଖୋଲିଦେଲେ ଯୁବତୀ, ଫସିଗଲେ ଯୁବକ !

ବିଧାୟିକାଙ୍କ ଘରେ ଦୁର୍ବୃତ୍ତଙ୍କ ଲଙ୍କାକାଣ୍ଡ; ଖଣ୍ଡାରେ ହାଣିଲେ ବାଇକ୍‌, ସମର୍ଥକଙ୍କୁ ବୋମାମାଡ଼ !

ସେପଟେ ରାଜ୍ୟରେ ଡେଙ୍ଗୁ ସ୍ଥିତି ନିୟନ୍ତ୍ରଣ ଥିବା କହିଛନ୍ତି କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକ । ସେ କହିଛନ୍ତି, ବର୍ତ୍ତମାନ ଭୁବନେଶ୍ୱର ଏବଂ କଟକରେ ଡେଙ୍ଗୁ ମାମଲା ଟିକେ ଅଧିକ ରହିଛି । ଗତ ଦୁଇ ତିନି ଦିନ ତଳେ ଯେମିତି ବଢୁଥିଲା ତାହା ଏବେ କମିଛି । ହସ୍ପିଟାଲରେ ୧୦୦ ରୋଗୀ ରହିବାର ବ୍ୟବସ୍ଥା ଥିବା ବେଳେ ବର୍ତ୍ତମାନ ୬୦ ରୋଗୀ ଅଛନ୍ତି । ରୋଗୀଙ୍କୁ ବ୍ଲଡ୍‌, ପ୍ଲେଟଲେଟ ଦିଆଯାଉଛି,କାହାର ମୃତ୍ୟୁ ହୋଇନି । ତେଣୁ ଆତଙ୍କିତ ହେବାର ଆବଶ୍ୟକତା ନାହିଁ ବୋଲି କହିଛନ୍ତି କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକ । ଅନ୍ୟପଟେ ଗତ ୨୪ ଘଣ୍ଟାରେ କ୍ୟାପିଟାଲ ହସ୍ପିଟାଲରେ ୧୧୫ ରୋଗୀଙ୍କ ନମୁନା ଟେଷ୍ଟ ହୋଇଥିଲା, ୫୦ ଜଣ ଡେଙ୍ଗୁ ଚିହ୍ନଟ ହୋଇଥବା ସେ କହିଛନ୍ତି ।