ରାଜ୍ୟରେ ପୁଣି ୭୬୧ ଜଣ କରୋନା ସଂକ୍ରମିତ, ୬୮ ମୃତ

ଭୁବନେଶ୍ୱର: ରାଜ୍ୟରେ ଆଜି ପୁଣି ୭୬୧ ଜଣ କରୋନା ସଂକ୍ରମିତ ଚିହ୍ନଟ । ଆକ୍ରାନ୍ତଙ୍କ ମଧ୍ୟରୁ ୧୮ ବର୍ଷରୁ କମ୍ ବର୍ଗର ୧୦୧ ଜଣ ରହିଛନ୍ତି । ଏହାସହ ଖୋର୍ଦ୍ଧାରୁ ସର୍ବାଧିକ ୨୮୯ ଏବଂ କଟକରୁ ୧୧୭ ପଜିଟିଭ ଚିହ୍ନଟ ହୋଇଛନ୍ତି । ୨୪ ଘଣ୍ଟା ମଧ୍ୟରେ ଚିହ୍ନଟ ହୋଇଥିବା ଏହି ପଜିଟିଭଙ୍କ ସହ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୧ ହଜାର ୬୯୮କୁ ବୃଦ୍ଧି ପାଇଛି । 

Also Read

ସକ୍ଷମ ସ୍ୱାଭିମାନୀ ଦିବ୍ୟାଙ୍ଗ : ପର ଆଗରେ ହାତ ନପାରି ଘରେ ଜିନିଷ ତିଆରି କରି ଟ୍ରାଇ-ସାଇକେଲରେ ବିକୁଛନ୍ତି ମଧୁସୂଦନ

ଯନ୍ତ୍ରଣା ଓ କ୍ଷତି ବିନା ଲୋକଙ୍କୁ ଫେରାବା ଅସମ୍ଭବ: ବାଇଡେନ୍‌

ପଞ୍ଜଶୀର କବଜା କରିବାର ସ୍ୱପ୍ନ ଦେଖୁଥିବା ତାଲିବାନକୁ ବଡ ଝଟକା : ବିଦ୍ରୋହୀଙ୍କ ଆକ୍ରମଣରେ ୩୦୦ ତାଲିବାନୀ ମୃତ

ଦିନକରେ ୬୦ ହଜାର ୭୯୧ ସାମ୍ପଲ ଟେଷ୍ଟ କରାଯାଇଥିବା ବେଳେ ପଜିଟିଭିଟି ହାର ରହିଛି ୧ ଦଶମିକ ୨୫ ପ୍ରତିଶତ । ସେପଟେ ରାଜ୍ୟରେ ଆଉ ୬୮ ଜଣଙ୍କ ମୃତ୍ୟୁ ରେକର୍ଡ ହୋଇଥିବା ରିପୋର୍ଟ ଆସିଛି । କଟକରୁ ସର୍ବାଧିକ ୧୭ ଜଣ ଆକ୍ରାନ୍ତଙ୍କ ମୃତ୍ୟୁ ଘଟିଛି । ସେହିଭଳି ଜଗତସିଂହପୁରରୁ ୧୫ ଆକ୍ରାନ୍ତଙ୍କ ମୃତ୍ୟୁ ହୋଇଥିବା ବେଳେ ଢେଙ୍କାନାଳରୁ ୯, ଖୋର୍ଦ୍ଧାରୁ ୮, ଯାଜପୁରରୁ ୬ ଜଣଙ୍କ ମୃତ୍ୟୁ ହୋଇଛି । ଆଜିର ଏହି ମୃତ୍ୟୁ ସଂଖ୍ୟାକୁ ମିଶାଇ ରାଜ୍ୟରେ କରୋନା ମୃତ୍ୟୁସଂଖ୍ୟା ୭ ହଜାର ୪୨୬କୁ ବୃଦ୍ଧି ପାଇଛି ।

ଅନ୍ୟପଟେ ରାଜ୍ୟରେ କରୋନାର କୋପ ଟିକେ ଥମି ଆସୁଥିବାବେଳେ ଶିଶୁଙ୍କୁ ସଂକ୍ରମଣ ନେଇ ଚିନ୍ତା ବଢୁଛି । ତଥ୍ୟ କହୁଛି ରାଜ୍ୟରେ ସମୁଦାୟ ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ପାର କରିଥିବାବେଳେ ସେ ଭିତରେ ଶିଶୁଙ୍କ ସଂଖ୍ୟା ହେଉଛି ପ୍ରାୟ ଏକ ଲକ୍ଷ । ତା ମଧ୍ୟରୁ ୩୬ ଶିଶୁଙ୍କ ଜୀବନ ବି ଯାଇଛି । ଅପରପକ୍ଷେ ସାମଗ୍ରିକ ଭାବେ ରାଜ୍ୟରେ ସଂକ୍ରମଣ ଓ ଆକଟିଭ୍ କେସ୍ କମିଥିଲେ ମଧ୍ୟ ଭୁବନେଶ୍ୱରରେ ସଂକ୍ରମଣ ନ କମିବା ସମସ୍ୟା ବଢ଼ାଇଛି । ମାସକ ତଳେ ରାଜଧାନୀରେ ଆକଟିଭ୍ କେସ୍ ୧୬୧୧ ଥିବାବେଳେ ଏବେ ଏହା ବଢ଼ି ୩ ହଜାର ୨୯୨ରେ ପହଞ୍ଚିଛି ।