ଟିକା ନେବା ପୂର୍ବରୁ ଲୋକଙ୍କ ମନରେ ନାନା ପ୍ରଶ୍ନ ! କାହିଁକି ନେବୁ ଟିକା, ଫାଇଦା କ’ଣ ?

କରୋନା ଟିକାକରଣ ଅଭିଯାନରେ ଶିଥିଳତା । ଆଶାନୁରୂପ ଚାଲିନି ଦ୍ୱିତୀୟ ଡୋଜ୍ ଟିକାକରଣ । ପ୍ରଥମ ଡୋଜ୍ ନେବାର ୩ ମାସରୁ ଅଧିକ ସମୟ ବିତି ଯାଇଥିଲେ ମଧ୍ୟ ଲୋକେ ଦ୍ୱିତୀୟ ଡୋଜ୍ ନେଉ ନାହାନ୍ତି । ତେବେ କାହିଁକି ଦ୍ୱିତୀୟ ଡୋଜ୍ ନେବାକୁ କମୁଛି ଆଗ୍ରହ ? ସଂକ୍ରମଣ କମିବା ପରେ ଲୋକଙ୍କ ମନରୁ ପଳାଇଲାଣି କି କରୋନା ଡର ? କିଏ କହୁଛି, ଟିକା ନେଲେ ଦେହ ଖରାପ ହେଉଛି ତ ଆଉ କିଏ କହୁଛି, ଟିକା ନେବାକୁ ସମୟ କାହିଁ ? କାମ ଛାଡ଼ି ଟିକା ନେବାକୁ ଗଲେ, ରୋଜଗାର ହେବ କେମିତି, ଖାଇବୁ କଣ ? ଆଉ କାହାର ମତ ହେଲା, ୨ଟି ଯାକ ଡୋଜ୍ ନେବା ପରେ ବି ତ ଲୋକଙ୍କୁ କରୋନା ହେଉଛି, ତେଣୁ ଟିକା ନେଇ ଲାଭ କଣ ?

Also Read

ବିରଜା ରଥଯାତ୍ରାରେ ଏଥର ସାମିଲ ହେବେ କି ଶ୍ରଦ୍ଧାଳୁ?

SCO ସମ୍ମୀଳନୀରେ ଭାରତୀୟ ପକ୍ଷରୁ ଯୋଗ ଦେଲେ CDS ମୁଖ୍ୟ ବିପିନ୍ ରାୱତ୍

ଜଳଦ ତ୍ରୀପାଠୀ ହେଲେ ରାଜ୍ୟ ମୁଖ୍ୟ ସୂଚନା କମିଶନର

ଦ୍ୱିତୀୟ ଡୋଜ୍ ପ୍ରତି ଅନାଗ୍ରହ, କେବଳ ଗ୍ରାମାଞ୍ଚଳରେ ନୁହେଁ ସାରା ରାଜ୍ୟରେ ସମାନ ସ୍ଥିତି । ସରକାରଙ୍କ ସୂଚନା ଅନୁସାରେ ସେପ୍ଟେମ୍ବର ୨୧ ତାରିଖ ସୁଦ୍ଧା ୧ କୋଟି ୩ ଲକ୍ଷ ୭୯ ହଜାର ୯୩୭ ଲୋକଙ୍କ ଦ୍ୱିତୀୟ ଡୋଜ୍ ନେବାର ସମୟ ହେଲାଣି । କିନ୍ତୁ ଦ୍ୱିତୀୟ ଡୋଜ୍ ଟିକା ନେଇଛନ୍ତି ମାତ୍ର ୭୫ ଲକ୍ଷ ୩୩ ହଜାର ୮୮୨ ଜଣ । ଅର୍ଥାତ ପ୍ରାୟ ୨୮ ଲକ୍ଷ ୪୬ ହଜାରରୁ ଅଧିକ ଲୋକ ଦ୍ୱିତୀୟ ଡୋଜ୍ ନେଇନାହାନ୍ତି । ନୂଆପଡ଼ା, ବୌଦ୍ଧ, ରାୟଗଡ଼ା, ନବରଙ୍ଗପୁର ଜିଲ୍ଲା ଦ୍ୱିତୀୟ ଡୋଜ୍ ଟିକାରଣରେ ପଛରେ ରହିଛନ୍ତି । ଏହାର ସମାଧାନ ପାଇଁ ଯେଉଁମାନେ ଦ୍ୱିତୀୟ ଡୋଜ୍ ନେଇ ନାହାନ୍ତି, ସେମାନଙ୍କର ଏକ ସ୍ୱତନ୍ତ୍ର ତାଲିକା ପ୍ରସ୍ତୁତ କରୁଛନ୍ତି ସରକାର । ଏମାନଙ୍କୁ ଟିକା କେନ୍ଦ୍ରକୁ ଆଣିବା ପାଇଁ କରୋନାର ସମ୍ମୁଖ ଯୋଦ୍ଧାକୁ ଦାୟିତ୍ୱ ଦିଆଯିବ ବୋଲି କହିଛନ୍ତି ପରିବାର କଲ୍ୟାଣ ନିର୍ଦ୍ଦେଶକ ।

ଏବେ ଟିକା ନେବା ଲାଗି ଆଗଭଳି ଜୋରସୋର୍ କ୍ୟାମ୍ପେନିଂ ହେଉ ନାହିଁ । ସେହିପରି ଠିକ୍‌ରେ ମେସେଜ୍ ଆସୁନଥିବାରୁ ଅନେକ କ୍ଷେତ୍ରରେ ଲୋକେ ଦ୍ୱିତୀୟ ଡୋଜ୍‌ର ସମୟ ଜାଣି ପାରୁନଥିବାରୁ ସମସ୍ୟା ହେଉଛି ।