• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Satyendu Shekher Mishra

କେନ୍ଦୁଝର: ଗୋଟିଏ ପଟେ ସରକାର ଦ୍ରୁତ ଗତିରେ ଟିକାକରଣ ଚାଲିଥିବା ନେଇ ଡିଣ୍ଡିମ ପିଟୁଥିବା ବେଳେ ବାସ୍ତବ ଚିତ୍ର କିନ୍ତୁ ଭିନ୍ନ କଥା କହୁଛି । ଏବେ ବି ରାଜ୍ୟର ଅନେକ ଟିକା କରଣ କେନ୍ଦ୍ରରେ ଲୋକେ ସକାଳୁ ସଞ୍ଜ ଯାଏଁ ଧାଡ଼ି ବନ୍ଦି ଟିକା ନେବାକୁ ଅପେକ୍ଷା କରି ରହୁଛନ୍ତି । ଖାଲି ସେତିକି ନୁହେଁ ଟିକା ପାଇଁ ଦିନ ସାରା ଅପେକ୍ଷା କରିବା ପରେ ମଧ୍ୟ ଲୋକ ସେଠାରୁ ନିରାଶ ହୋଇ ଫେରୁଛନ୍ତି ।

ତେବେ ଏମିତି କିଛି ଦୃଶ୍ୟ ଦେଖିବାକୁ ମିଳିଛି କେନ୍ଦୁଝର ବଂଶପାଳ ବ୍ଲକ୍‌ ଫୁଲଝର ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ । ଏଠାରେ କରୋନା ଟିକା ପାଇଁ ସାଂଘାତିକ ଭିଡ଼ ଜମୁଛି ା ତଥାପି ଲୋକେ ନିରାଶ ହେଉଛନ୍ତି । କର୍ତ୍ତୃପକ୍ଷ ଏଥିପ୍ରତି ବିଲ୍‌କୁଲ ଦୃଷ୍ଟି ଦେଉନଥିବା ଲୋକେ ଅଭିଯୋଗ କରିଛନ୍ତି ।ଲୋକଙ୍କ ଅଭିଯୋଗ ଅନୁଯାୟୀ ୧୩ ଘଣ୍ଟା ଧରି ଠିଆ ହେବା ପରେ ବି ଲୋକଙ୍କୁ ଟିକା ମିଳି ନଥିଲା । ପ୍ରାୟ ସବୁଦିନ ସକାଳ ୬ଟାରୁ ରାତି ୭ଟା ଯାଏଁ ଲୋକ ଧାଡ଼ି ବନ୍ଧି ଠିଆ ହେଉଛନ୍ତି । ତଥାପି ତାଙ୍କୁ ନିରାଶ ହେବାକୁ ପଡ଼ୁଛି ।

ଏହି କେନ୍ଦ୍ରରେ ଫୁଲଝର, କେନ୍ଦୁଘାଟି, କାସିଆ, ଇଟାପୋଖରୀ, ଦୁଧପଶି, ଧଳାଡିହି ଆଦି ବିଶେଷ ନିର୍ଭର କରନ୍ତି । ୧୮ରୁ ୪୪ ବର୍ଷ ବୟସ୍କଙ୍କ ପାଇଁ ୫୦ ଏବଂ ୪୫ ରୁ ୬୦ ବୟସ୍କଙ୍କ ପାଇଁ ୨୫୦ଟି ଡୋଜ୍‌କୁ ମିଶାଇ ମୋଟ ୩ ଶହ ଟିକା ଦିଆଯାଇଥିଲା । ଏହାପରେ ପୁଣି ଆବଶ୍ୟକତାକୁ ଦେଖି ୩୨୫ ଡୋଜ ଟିକା ସେହି କେନ୍ଦ୍ରକୁ ପଠାଯାଇଥିଲା । ଏହାବଦ୍‌ ମଧ୍ୟ ୧୩ ଘଣ୍ଟା ଧରି ଅପେକ୍ଷା କରିବା ପରେ ଲୋକଙ୍କୁ ଟିକା ମିଳିନଥିଲା । ଫଳରେ ଲୋକେ ନିରାଶ ହୋଇଥିବା ଅଭିଯୋଗ କରିଛନ୍ତି । ଅନ୍ୟପଟେ NHMର ଡିଷ୍ଟ୍ରିକ୍ ପ୍ରୋଗ୍ରାମ୍ ମ୍ୟାନେଜର ସମସ୍ତେ ଟିକା ପାଇଥିବା କହିଛନ୍ତି । ତେବେ ଟିକା ଗଲା କୁଆଡ଼େ ବୋଲି ଏବେ ଲୋକଙ୍କ ମନରେ ବଡ଼ ପ୍ରଶ୍ନ ।

ପୂର୍ବରୁ NTPC ମେଡିକାଲ କଲେଜ ଟିକାକରଣ କେନ୍ଦ୍ରରେ ମଧ୍ୟ ଅସମ୍ଭାଳ ଭିଡ ଦେଖାଯାଇଥିଲା । ବିଶେଷ କରି ସୁନ୍ଦରଗଡ ସହର ଓ ଆଖପାଖ ଅଞ୍ଚଳର ଲୋକଙ୍କ ପାଇଁ ଏଠାରେ ଟିକାକରଣର ବ୍ୟବସ୍ଥା କରାଯାଇଥିଲା । ହେଲେ ଦୂରଦୂରାନ୍ତରୁ ଲୋକେ ଟିକା ନେବା ପାଇଁ ଆସିଥିବା ଦେଖିବାକୁ ମିଳିଥିଲା । ଲୋକେ ଭୋରରୁ ଆସି ଟିକା ନେବା ପାଇଁ ଲମ୍ବା ଲାଇନ୍‌ରେ ଛିଡା ହେଇଥିଲେ । ତଥାପି ଲୋକେ ଟିକା ପାଇବାରୁ ବଞ୍ଚିତ ହୋଇଥିଲେ ।

ଅନ୍ୟପଟେ ଏମିତି ଏକ ଦୃଶ୍ୟ ଦେଖିବାକୁ ମିଳିଥିଲା ଗଞ୍ଜାମ ଜିଲ୍ଲାରେ । ଟିକାକରଣ କେନ୍ଦ୍ରରେ ରହିଛି ଅସମ୍ଭାଳ ଭିଡ଼ । ଲୋକେ କରୋନାରୁ ବର୍ତ୍ତିବା ପାଇଁ ଟିକା କେନ୍ଦ୍ର ଆଗରେ ଜମା ହେଉଥିବା ବେଳେ ପ୍ରଶାସନର ଟିକା କେନ୍ଦ୍ର ଆଗରେ କୌଣସି ବ୍ୟବସ୍ଥା ନଥିଲା । ଫଳରେ ସେଠାରେ ନାହିଁ ନଥିବା ଗହଳି ହୋଇଥିଲା ।