ପିଲାଙ୍କ ଉପରେ ପରୀକ୍ଷଣ ହେବ ଜନ୍‌ସନ୍‌ ଆଣ୍ଡ ଜନ୍‌ସନ୍‌ ସିଙ୍ଗିଲ୍ ଡୋଜ୍ ଟିକା

ନୂଆଦିଲ୍ଲୀ: ଜନ୍‌ସନ୍‌ ଆଣ୍ଡ ଜନ୍‌ସନ୍‌ ସିଙ୍ଗିଲ୍ ଡୋଜ୍ କରୋନା ଟିକାକୁ ପିଲାଙ୍କ ଉପରେ ପରୀକ୍ଷଣ ପାଇଁ ଆବେଦନ । ଭାରତରେ ୧୨ରୁ ୧୭ ବର୍ଷ ବୟସ୍କ ପିଲାଙ୍କ ଉପରେ ଏହି ଟିକାର ପରୀକ୍ଷଣ ପାଇଁ କମ୍ପାନୀ ପକ୍ଷରୁ ଆବେଦନ କରାଯାଇଛି । ସେଣ୍ଟ୍ରାଲ ଡ୍ରଗସ ଷ୍ଟାଣ୍ଡାର୍ଡ କଣ୍ଟ୍ରୋଲ ଅର୍ଗାନାଇଜେସନ CDSCOକୁ ଏଥିପାଇଁ ଅନୁମତି ମାଗିଛି କମ୍ପାନୀ ।

ପୂର୍ବରୁ ଭାରତରେ ପଞ୍ଚମ କରୋନା ଟିକା ଭାବେ ଜନ୍‌ସନ୍‌ ଆଣ୍ଡ ଜନ୍‌ସନ୍‌ ସିଙ୍ଗିଲ୍ ଡୋଜ୍ ଟିକାକୁ ଅନୁମତି ମିଳିଛି । ୧୮ ବର୍ଷରୁ ଉର୍ଦ୍ଧ୍ୱ ବୟସ୍କଙ୍କ ପାଇଁ ଏହାର ଜରୁରୀକାଳୀନ ବ୍ୟବହାରକୁ କେନ୍ଦ୍ର ସରକାର ଅନୁମତି ଦେଇଥିଲେ । ଏଥିପାଇଁ ଭାରତୀୟ ଫାର୍ମା କଂପାନୀ ବାୟୋଲୋଜିକାଲ୍-ଇ ସହ ବୁଝାମଣା କରିଛି ଆମେରିକୀୟ ଫାର୍ମା କଂପାନୀ ଜନ୍‌ସନ୍‌ ଆଣ୍ଡ ଜନ୍‌ସନ୍‌ । ଏହି ଟିକାର ଗୋଟିଏ ଡୋଜ୍ ନେବାକୁ ପଡ଼ିଥାଏ । ଏହା ମଧ୍ୟମ ଅସୁସ୍ଥତା ବିରୋଧରେ ୬୬ ପ୍ରତିଶତ ଏବଂ ଗୁରୁତର ଅସୁସ୍ଥତା ବିରୋଧରେ ୮୫ ପ୍ରତିଶତ ଫଳପ୍ରଦ ବୋଲି ଫାର୍ମା କମ୍ପାନୀ ପକ୍ଷରୁ କୁହାଯାଇଛି ।

Also Read

କେନ୍ଦ୍ରମନ୍ତ୍ରୀଙ୍କ ଏଣ୍ଟ୍ରି ପରେ ରାଜ୍ୟ ରାଜନୀତିରେ ଉଷ୍ମତା, ପ୍ରଣବ-ଅରୁଣଙ୍କ ଟ୍ୱିଟ୍‌କୁ ବିଜେପିର ଜବରଦସ୍ତ ଟାର୍ଗେଟ୍‌

‘ଗୁଣୁପୁର-ଥେରୁବାଲି ରେଳ ଲାଇନ ଓ ରାଜ୍ୟର ସମସ୍ତ ଅଧପନ୍ତରିଆ କାର୍ଯ୍ୟ ହେବ ତ୍ୱରାନ୍ୱିତ’

ଆସନ୍ତାକାଲିଠାରୁ ତାଜମହଲର ରାତ୍ରିକାଳୀନ ସୌନ୍ଦର୍ଯ୍ୟ ଉପଭୋଗ କରିବେ ପର୍ଯ୍ୟଟକ

ତେବେ ମହାମାରୀ କରୋନା ସାରା ବିଶ୍ୱରେ କାୟା ବିସ୍ତାର କରି ଲୋକଙ୍କ ଜୀବନ ନେଉଥିବା ବେଳେ ଏବେ ଆଉ ଏକ ନୂଆ ଫଙ୍ଗସ୍‌ ଚିହ୍ନଟ ହୋଇଛି ।ଭୁବନେଶ୍ୱର ଏମ୍‌ସ ଗବେଷକ ଏହି ନୂଆ ଫଙ୍ଗସ୍‌ର ଆବିଷ୍କାର କରିଛନ୍ତି । ଏନେଇ ଭୁବନେଶ୍ୱର ଏମ୍‌ସ ପକ୍ଷରୁ ଟ୍ୱିଟ୍‌ କରାଯାଇ ସୂଚନା ଦିଆଯାଇଛି । ଏହି ନୂଆ ଫଙ୍ଗସ୍‌ର ନାଁ ‘ଅରୁଣାଲୋକେ’ ରଖାଯାଇଛି । 

ନୂଆ ଫଙ୍ଗସ୍ ‘ଅରୁଣାଲୋକେ’ ବ୍ଲାକ୍ ଫଙ୍ଗସ୍ ବା ମ୍ୟୁକରମାଇକୋସିସ୍ ସୃଷ୍ଟି କରୁଥିବା ସୂଚନା ମିଳିଛି । କରୋନା ଆକ୍ରାନ୍ତଙ୍କୁ ଚିକିତ୍ସା ବେଳେ ମାତ୍ରାଧିକ ଓ ଦୀର୍ଘ ଦିନ ଯାଏ ଷ୍ଟିରଏଡ୍, ଆଣ୍ଟି ବାଓଟିକ୍ ଔଷଧ ଆଦି ଦିଆଗଲେ ସେ କରୋନାରୁ ସୁସ୍ଥ ହୋଇଯାଉଥିଲେ । ହେଲେ ଏହାପରେ ଫଙ୍ଗାଲ୍ ଇନ୍‌ଫେକସନ୍‌ ହେବାର ଆଶଙ୍କା ବଢ଼ିଯାଏ । 

ଶରୀରର ରୋଗ ପ୍ରତିରୋଧକ ଶକ୍ତି ଦୁର୍ବଳ ଥିଲେ ବ୍ଲାକ୍ ଫଙ୍ଗସ୍ ସଂକ୍ରମଣ ହେବା ଦେଖା ଦେଉଛି । ବ୍ଲାକ୍ ଫଙ୍ଗସ୍ ବା ମ୍ୟୁକରମାଇକୋସିସ୍ ସଂକ୍ରମଣ ହେଲେ ନାକରୁ କଳା ରଙ୍ଗର ପାଣି ବାହାରିବା ସହ ଆଖି ନାଲି ପଡ଼ି ଫୁଲିଯାଏ, ମୁଣ୍ଡ ଚାରି ପଟେ ବିନ୍ଧେ, ପାଟି ଭିତରେ ଯନ୍ତ୍ରଣା ହୁଏ । କେତେ ଜଣଙ୍କ ପାଟି ଭିତରେ କଳା ଦାଗ ମଧ୍ୟ ଦେଖାଯାଇଥାଏ । 

OTV is now on Whatsapp

Join and get latest news update delivered to you via whatsapp

Join Now