LIVE TV
ନୂଆଦିଲ୍ଲୀ: ଖୁବ୍ଶୀଘ୍ର ଭାରତରେ ଉପଲବ୍ଧ ହେବ କରୋନା ଟିକା ଜାଇକୋଭ୍-ଡି । ଟିକା କଂପାନୀ ଜାଇଡସ୍ କାଡିଲା ଦ୍ୱାରା ପ୍ରସ୍ତୁତ କରାଯାଉଛି ଏହି ଟିକା ଜାଇକୋଭ୍-ଡି । ତେବେ ନିର୍ଦ୍ଦିଷ୍ଟ ଭାବେ ଏହି କେବେ ଆସିବ ସେନେଇ ସ୍ପଷ୍ଟ ସୂଚନା ନାହିଁ । ଖାଲି ସେତିକି ନୁହେଁ ଏହାର ଦର କେତେ ରହିବ ସେନେଇ ମଧ୍ୟ ଏଯାଏଁ କିଛି ସ୍ଥିର ହୋଇନି ବୋଲି କହିଲେ କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେଶ ଭୂଷଣ । ଏହା ନିଡିଲ୍ ଲେସ୍ ଓ ତିନି ଡୋଜ୍ ବିଶିଷ୍ଟ ଟିକା । ଏହାର ଦର ନେଇ ଆଲୋଚନା କରାଯାଉଛି । ଖୂବ୍ଶୀଘ୍ର ଏହାର ଦର ନିର୍ଦ୍ଧାରଣ କରାଯିବ । ଏହାପରେ ସମସ୍ତଙ୍କୁ ଜଣାଇ ଦିଆଯିବ କହିଲେ ରାଜେଶ ଭୂଷଣ ।
ଅନ୍ୟପଟେ ଡେଙ୍ଗୁ ଟିକା ପ୍ରସ୍ତୁତ କରିବା ଆମ ପାଇଁ ବଡ଼ ଲକ୍ଷ୍ୟ ବୋଲି କହିଛନ୍ତି ଆଇସିଏମ୍ଆର ମହାନିର୍ଦ୍ଦେଶକ ବଳରାମ ଭାର୍ଗବ । ଡେଙ୍ଗୁ ଷ୍ଟ୍ରେନ ନେଇ କିଛି ଭାରତୀୟ କଂପାନୀ ଲାଇସେନ୍ସ ପାଇଛନ୍ତି । ସେମାନଙ୍କ ମଧ୍ୟରୁ କେତେକ ବିଦେଶରେ ଫେଜ୍-୧ ଟ୍ରାଏଲ କରିଛନ୍ତି । ଆମେ ଅଧିକ ଟ୍ରାଏଲ କରିବାକୁ ଯୋଜନା କରୁଛୁ କହିଛନ୍ତି ଭାର୍ଗବ ।
Dengue vaccine is an important agenda. There are certain dengue strains which have been licensed to some companies in India. Many of these companies have done their phase one trials abroad. We are planning to do more rigourous trials: ICMR DG Dr. Balram Bhargava pic.twitter.com/Y0jRYuXNSV
— ANI (@ANI) September 30, 2021
ତେବେ ପୂର୍ବରୁ ୧୨ରୁ ୧୮ ବର୍ଷ ପିଲାଙ୍କୁ ଟିକା ପାଇଁ ଡ୍ରଗ୍ସ କଣ୍ଟ୍ରୋଲର୍ ଅଫ୍ ଇଣ୍ଡିଆ (DCGI)କୁ ଜରୁରୀକାଳୀନ ଆବେଦନ କରିଥିଲା ଜାଇଡସ୍ । ଦେଶର ୫୦ଟି ସେଣ୍ଟରରେ ସବୁଠୁ ବଡ଼ କ୍ଲିନିକାଲ୍ ଟ୍ରାଏଲ କରିଛି ଜାଇଡସ୍ । ଜାଇଡସର ଜାଇକୋଭ୍-ଡି ଭ୍ୟାକସିନକୁ ଶିଶୁଙ୍କ ପାଇଁ ଟ୍ରାଏଲ କରାଯାଇଛି । ପାଖାପାଖି ହଜାରେରୁ ଅଧିକ ଶିଶୁଙ୍କ ପାଖରେ ଏହାକୁ ପ୍ରୟୋଗ କରାଯାଇଛି । କରୋନା ବିରୋଧରେ ଏହା ପ୍ରଭାବଶାଳୀ ହେବା ସହ ଶିଶୁଙ୍କୁ ମହାମାରୀରୁ ରୋକିବାରେ ଫଳପ୍ରଦ ହେବ । ଜାଇକୋଭ୍-ଡି ଖୁବଶୀଘ୍ର ଉପଲବ୍ଧ ହେବ ବୋଲି ନିତି ଆୟୋଗ ସଦସ୍ୟ ଡାକ୍ତର ଭି କେ ପଲ କହିଥିଲେ ।
Also Read
ଜାଇକୋଭ୍-ଡି ହେଉଛି ଡିଏନ୍ଏ ଭ୍ୟାକସିନ୍, ଯାହା ଶିଶୁଙ୍କ ଶରୀରର ଡିଏନ୍ଏରେ କୋଭିଡ୍ ବିରୋଧରେ କାର୍ଯ୍ୟ କରିଥାଏ । ଜାଇଡସ୍ କାଡିଲାର ଏହି ଟିକା ବିଶ୍ୱର ଅନ୍ୟ ଟିକା ଠାରୁ ବହୁତ ଭିନ୍ନ ଅଟେ । ଦୁନିଆର ପ୍ରଥମ ପ୍ଲାସିମ DNA ଟିକା (ZyCoV-D) ତିଆରି କରିଛି ଜାଇଡସ୍ କାଡିଲା । ଅଧିକାଂଶ ଟିକାର ଦୁଇଟି ଡୋଜ୍ ଦିଆଯାଉଛି । କୋଭିଶିଲ୍ଡ ସ୍ପୁଟନିକ୍, କୋଭାକ୍ସିନ୍ ଇତ୍ୟାଦି ଟିକାର ଦୁଇଟି ଡୋଜ୍ ଟିକାକରଣ କରାଯାଉଛି । କିନ୍ତୁ Zydusର ଏହି ଟିକା ଦୁଇଟି ନୁହେଁ, ତିନୋଟି ଡୋଜ୍ ପ୍ରଦାନ କରାଯିବ ।
