LIVE TV
ଭୁବନେଶ୍ୱର, (ରିପୋର୍ଟ-ନିରଞ୍ଜନ ରେଡ୍ଡି, ହରିହର ଚାନ୍ଦ, ଜଗଦୀଶ ଦାସ): ଦେଶରେ କର୍ଣ୍ଣାଟକ, ଗୁଜରାଟ ପରେ ମହାରାଷ୍ଟ୍ରରେ ଚିହ୍ନଟ ହେଲା ଓମିକ୍ରନ । ମୁମ୍ବାଇ କଲ୍ୟାଣ ଅଞ୍ଚଳର ୩୩ ବର୍ଷୀୟ ଯୁବକ ଓମିକ୍ରନ ଚିହ୍ନଟ । ଯୁବକ ଜଣକ ଦକ୍ଷିଣ ଆଫ୍ରିକା ଫେରନ୍ତା କହିଲେ ରାଜ୍ୟ ସରକାର । ୨ ଦିନ ତଳେ କର୍ଣ୍ଣାଟକରୁ ୨ ଓ ଆଜି ଗୁଜରାଟରୁ ଜଣେ ଚିହ୍ନଟ ହୋଇଥିଲେ । କର୍ଣ୍ଣାଟକ ପରେ ଗୁଜରାଟରେ ଚିହ୍ନଟ ହୋଇଥିଲେ ଆଉ ଜଣେ ଓମିକ୍ରନ୍ ଆକ୍ରାନ୍ତ । ଗୁଜରାଟ ଜାମନଗରର ଜଣେ ବ୍ୟକ୍ତି ଓମିକ୍ରନ୍ରେ ଆକ୍ରାନ୍ତ ହୋଇଛନ୍ତି । ସେପଟେ ଅନ୍ତର୍ଜାତୀୟ ପାସେଞ୍ଜରଙ୍କ ଉପରେ କଡ଼ା ନଜର ରଖାଯାଇଥିବା ବେଳେ ବିଦ୍ୟାଳୟ ଗୁଡିକରେ ସଂକ୍ରମଣମୁକ୍ତ ଶିକ୍ଷା ଦାନ ଲାଗି ଗଣଶିକ୍ଷା ଓ ସ୍ୱାସ୍ଥ୍ୟ ବିଭାଗ ମିଳିତ ଭାବେ ଆରମ୍ଭ କରିଛନ୍ତି ପ୍ରସ୍ତୁତି ।
୭୨ ବର୍ଷୀୟ ବୟସ୍କ ବ୍ୟକ୍ତି ଦୁଇ ଦିନ ତଳେ ଜିମ୍ବାୱେରୁ ଫେରିଥିଲେ । କ୍ୱାରେଣ୍ଟିନ୍ ରଖାଯାଇ ତାଙ୍କ ରିପୋର୍ଟ ପୁଣେ ଲ୍ୟାବ୍କୁ ପଠାଯାଇଥିଲା । ଆଜି ରିପୋର୍ଟ ପଜିଟିଭ୍ ଆସିବା ସହ ଓମିକ୍ରନ୍ ଭାଇରସ୍ରେ ଆକ୍ରାନ୍ତ ହୋଇଥିବା ଜଣାପଡ଼ିଛି । ତାଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିଙ୍କ କଣ୍ଟାକ୍ଟ ଟ୍ରେସିଂ କରାଯାଉଛି ।
Also Read
୨ ଦିନ ତଳେ କର୍ଣ୍ଣାଟକରୁ ୨ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଥିଲେ । ଓମିକ୍ରନ ଚେନ୍ରେ ବ୍ରେକ ଲଗାଇବା ଲାଗି ଅନ୍ତର୍ଜାତୀୟ ପାସେଞ୍ଜରଙ୍କ ଉପରେ କଡ଼ା ନଜର ରଖାଯିବା ସହ ଜିନୋମ୍ ସିକ୍ୱେନ୍ସିଂକୁ ଗୁରୁତ୍ୱ ଦିଆଯାଉଛି । ଡିଏମ୍ଇଟିଙ୍କ ସୂଚନା ଅନୁଯାୟୀ ବିଦେଶରୁ ଓଡ଼ିଶା ଆସିଥିବା ୩୮୦ ଜଣଙ୍କ ଟେଷ୍ଟ କରାଯାଇଛି । ଯେଉଁମାନଙ୍କର ପଜିଟିଭ୍ ଆସିଛି ସେମାନଙ୍କର ସାମ୍ପୁଲ୍ ଜିନମ ସିକ୍ୱେନ୍ସିଂ ଲାଗି ପଠାଯାଇଛି । ସେଥିରୁ ସ୍ପଷ୍ଟ ହେବ ଯେ ସେମାନେ ଡେଲ୍ଟା କି ଓମିକ୍ରନ ଦ୍ୱାରା ସଂକ୍ରମିତ ।
ସେପଟେ ଟିକା ହେଉଛି ମହାମାରୀର ରାମବାଣ ଚିକିତ୍ସା । ତୃତୀୟ ଲହର ଆସିନଥିବାରୁ ବିଦେଶ ଗସ୍ତ ରେକର୍ଡ ନଥିବା ସଂକ୍ରମିତଙ୍କ ଜିନମ ସିକ୍ୱେନସିଂ କରାଯିବ ନାହିଁ ବୋଲି ସ୍ବଷ୍ଟ କରିଛି ସ୍ୱାସ୍ଥ୍ୟ ବିଭାଗ । ଭୟଭୀତ ନହୋଇ ବିଦେଶ ଫେରନ୍ତା ହୋମ ଆଇସୋଲେସନ ନିୟମ ପାଳନ କରିବାକୁ ସ୍ୱାସ୍ଥ୍ୟ ମନ୍ତ୍ରୀ ନିବେଦନ କରିଛନ୍ତି ।
ସେପଟେ ରାଜ୍ୟର ଆବାସିକ ବିଦ୍ୟାଳୟଗୁଡିକରେ ସଂକ୍ରମଣ ବ୍ୟାପୁଥିବାରୁ ସରକାର ସତର୍କତା ମୂଳକ ପଦକ୍ଷେପ ନେବା ଲାଗି ପ୍ରସ୍ତୁତି କଡାକଡି କରିଛନ୍ତି । ଓମିକ୍ରନ ମୁକାବିଲା ପାଇଁ ଗଣଶିକ୍ଷା ଓ ସ୍ୱାସ୍ଥ୍ୟ ବିଭାଗ ମିଳିତ ଭାବେ ମନିଟରିଂ କରୁଛନ୍ତି । ସ୍କୁଲ୍ ଗୁଡିକରେ କିପରି ହେଲ୍ଥ ସ୍କ୍ୱାଡ ରେଗୁଲାର ନିରୀକ୍ଷଣ କରିବ ସେଥିଲାଗି ସ୍ୱାସ୍ଥ୍ୟ ବିଭାଗର ସହଯୋଗ ଲୋଡିଛି ବିଦ୍ୟାଳୟ ଓ ଗଣଶିକ୍ଷା ବିଭାଗ । କରୋନା ଏସ୍ଓପି ପାଳନକୁ ଅଧିକ କଡ଼ାକଡି କରିବାକୁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦିଆଯାଇଛି ।
